Jeems 3:13 - WƖA TENIŊ

¹³ Ma tʋɔŋ nɩalɩŋ sɩ kɛŋ wʋjɩmɩŋ, a jɩŋ wɩaa sɩaa, ʋ maga dɩ ma ŋɩŋaa wʋzɔŋŋɔɔ nɛ a kɛŋ ma tɩtɩa muuri, a dagɛ ŋɩɩ arɩ ma sɛnɛ kɛŋ wʋjɩmɩŋ nɛ.

Jeems 3:13 ပူးပေါင်းရင်းမြစ်များ

JOB 28:28

Ŋɩɩ nɛ ʋ bʋla pɩ nuhuobiine, ‘Dɩ ŋ nɩɩ fá mɩ-na ma Tɩɩna, wʋjɩmɩŋ nɛ ŋɩɩ, dɩ ŋ nɛ vɩa wʋbɔŋŋɔɔ ŋaanɩŋ, ŋ jɩŋ wɩaa sɩaa nɛ ŋɩɩ.’ ”

WƖA YƖƖLAA 107:43

Nʋʋ na-kala sɩ jɩŋ wɩaa, ʋ tɩɩna joŋ wɩaa deemba hɛ ʋ tʋɔŋ lɛ, a kɛŋ La Tɩɩna chono-la sɩ bɩ dɛrɛ wɩaa bɩbɩɩnɛ.

WƖA YƖƖLAA 122:8

A tɩŋ mɩ naambiiriŋ arɩ mɩ nandɔnsʋŋ wɩaa, mɩ jaŋ sʋl Wɩa a bʋl, “A leŋ dɩ fɩɛlɩŋ hɛ Jerusalɛm lɛ.”

WƖA YƖƖLAA 149:4

La Tɩɩna tʋɔŋ tɔrɛ ʋ nɩaa nyuŋ nɛ. Ʋ leŋe nɩalɩŋ sɩ kɛŋ ba tɩtɩa muuri yuo didii nɛ.

WƖA YƖƖLAA 25:9

Ʋ nɛ laa nɩalɩŋ sɩ kɛŋ ba tɩtɩa muuri sɩpaaŋ, a dagɛba dɩ ba ŋɩŋaa wɩaa ba bʋa lɛ aŋ tuto ʋ wombiiŋ.

WƖA YƖƖLAA 45:4

To ŋ ballɩŋ lɛ a yuo dii a leŋ wʋtɩtɩɩ arɩ tʋɔpʋl wʋŋaalaa chɩŋ, dɩ nɩaa kɛŋ ba tɩtɩa muuri. Leŋ dɩ ŋ naduo-la ŋaa wʋkpuŋkperisiŋ.

TƖƖCHA 8:1

Kʋbɛɛ nɛ nagɛ wʋjɩnnʋ? Kʋbɛɛ nɛ jaŋ wuo chaarɛ wɩaa sɩaa woruŋ? Wʋjɩmɩŋ yie leŋ nɩa sɩaa chaanɛ nɛ, a kɛŋ tɩɩna sɩɩ-nyalaa bɩrɩmɛ.

TƖƖCHA 8:5

Nɩɩ-la kala sɩɩ to ʋ wʋdagaa bɩ jaŋ jʋʋ wɩɩ. Nɩɩ-la sɩ kɛŋ wʋjɩmɩŋ jɩŋ bʋa-la lɛ sɩ maga dɩ ʋ ŋaa wɩɩŋ arɩ ŋɩɩ ʋ sɩ jaŋ ŋaaʋ nɛ.

AZAAYA 29:19

Nɩalɩŋ sɩ kɛŋ ba tɩtɩa muuri jaŋ wasa jʋɔsɛ La TƖƖNA teeŋ, dɩ nɩalɩŋ ma sɩ bɩ ba tɩtɩa lɛ wuo pɛ, bɩra jʋɔsɛ Iziral tɩŋŋaa Wɩa sɩ bɩ disiniŋ kɛnɛ teeŋ.

AZAAYA 60:6

Bʋntaŋɩ-laalɩŋ jaŋ lɩɩ Midia arɩ Ɛfa tinteeŋ a kʋ su ŋ tinteeŋ kala. Ba jaŋ chʋŋ sɛlɩmɛ arɩ kʋsʋɔrʋsʋŋ a lɩɩ Sɛba tinteeŋ a kɔ, a dɩdɛnnɛ mɩ-na ma TƖƖNA.

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

JƐRƖMAAYA 9:12

Ŋɩɩ nɛ mɩ pɩɛsɛ La Tɩɩna, “Kʋbɛɛ nɛ hɛ nɩmɛ a kɛŋ wʋjɩmɩŋ a maga dɩ ʋ wuo jɩŋ wɩɩŋ deeŋ sɩaa? Kʋbɛɛ nɛ La TƖƖNA hɛ sɩ jaŋ wuo dagɛ wɩɩ-la bʋbʋɔŋ? Bɛɛ nɛ tɩɩ tintee-la chei a pɩŋ jikpeeŋ a nagɛ tintee-hɩlɩŋ, nʋʋkala bɩ nɩmɛ wuo to bɩbal?”

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

DANƖƐL 2:21

Ʋ nɛ kɛŋ bʋa bʋa kala kaa bɩrɩmɛ, ʋ nɩɩ bil kuoroo, ʋ nɩɩ kiri kuoroo. Ʋ nɩɩ pɩ wʋjɩnnaa wʋjɩmɩŋ a leŋ nɩalɩŋ ma sɩ kɛŋ dɩgɩlɩŋ jegilee jɩŋ wɩaa sɩaa.

ZEFANAAYA 2:3

Má chɛ La TƖƖNA, ma nɩalɩŋ kala sɩ kɛŋ ma tɩtɩa muuri a hɛ tintee-la lɛ, ma nɩalɩŋ sɩɩ ŋaa wɩalɩŋ ʋ sɩ daga, má kɛŋ tʋɔpʋla, a kɛŋ ma tɩtɩa muuri, ŋ bɩ pɔ ma jaŋ na leriŋ a kɛŋ ma nyusuŋ pɛllɛ tapʋlɩɩ-la La TƖƖNA sɩ jaŋ na baanɩŋ.

NAMBABA 12:3

(Mosis sɩaa fa fɩɛla nɛ woruŋ, ʋ sɩaa nɛ fa fɩɛla a kɩɩ nʋʋkala dʋnɩa lɛ.)

Matiu 11:29

Má laa mɩ chʋga a chʋŋ aŋ gʋnnɛ mɩ teeŋ, bɛɛ wɩaa mɩ kɛŋ mɩ tɩtɩa muuri nɛ, mɩ sɩaa ma fɩɛlɛ. Dɩ ma nɛ ŋaa ŋɩɩ, ma jaŋ na wiese.

Matiu 21:5

Ʋ fa sɩ, “Má bʋla pɩ Zaayɔŋ nɩaa dɩ ba bee na, dɩ ba kuoro nɩɩ kɔ ba teeŋ. Ʋ kɛŋ ʋ tɩtɩa muuri nɛ a jɩl kakumo a sagɛ kaku-pɔrʋŋ nyuŋ.”

Matiu 5:5

Wɩa jaŋ pɛ nɩalɩŋ sɩ bɩ ba tɩtɩa ka dagɛ lɛ. Ba jaŋ dii Wɩa kuorii-la tintee-falɩɩ-la lɛ.

Matiu 7:24

Yesu bɩra sɩ, “Nɩɩ-la kala sɩ kɔ mɩ teeŋ a jegile nɩɩ mɩ niiŋ wɩaa deemba mɩ sɩ bʋla pɩma a tutoba, mɩ jaŋ dagɛma ŋɩɩ ʋ sɩ naga. Ʋ nagɛ wʋjɩnna sɩ saa ʋ dɩa nɛ. Ʋ saaʋ kpagɩnyɩlɩŋ nyuŋ nɛ.

1 Kɔrɩntɩ Nɩaa 6:5

Ma hɩɩsɛ nɛ. Nɩbala paala tuo ma tʋɔŋ sɩ kɛŋ wʋjɩmɩŋ, dɩ wɩɩ nɛ kʋ hɛ Wɩa nɩaa balɩa pɛgɛ, dɩ ʋ wuo bʋl a wasɛɛ?

2 Kɔrɩntɩ Nɩaa 10:1

Mɩ-na Pɔɔl tɩtɩa nɩɩ chɛ dɩ mɩ bʋl wɩɩ pɩma. Mɩɩ sʋlma a tɩŋ Kirisito wɩaa, nɩɩ-la sɩaa sɩ fɩɛla, ka ʋ kɛŋ kenyiri ma. Nɩaa dɔnsʋŋ sɩ, dɩ mɩ nɛ hɛ ma teeŋ, mɩ yie pʋɩ nɛ gbɛlɛ gbɛlɛ, ama dɩ mɩ tuo ma teeŋ, mɩ nyuŋ duori weŋgem.

2 Kɔrɩntɩ Nɩaa 8:24

Ŋɩɩ wɩaa, má dagɛ nɩaa deemba arɩ ma sɛnɛ choba nɛ, arɩ ŋɩɩ la sɩ bigisi ma lɛ pɩba, dɩ nɩalɩŋ sɩ laa Yesu wɩaa dii aa hilimi tasɩ-la lɛ na dɩ wʋtɩtɩɩ nɛ.

Galiisia Nɩaa 5:23

a kɛŋ sɩɩ-fɩɛlaa, a jɩŋ ʋ tɩtɩa kɛnɩŋ woruŋ. Wʋzɔŋ kala bɩra tuo a lɩɩ wɩaa deemba harɩŋ.

Galiisia Nɩaa 6:1

Mɩ naambiiri, dɩ ma dɔŋɔ nɛ ŋaa wʋbɔŋ, ma nɩalɩŋ sɩɩ to Wɩa Dɩŋ-zɔmʋŋ niiŋ lɛ, má dagʋ ŋɩɩ ʋ sɩ jaŋ to a lɩɩ ʋ wʋbɔmʋŋ lɛ. Má chagɩlʋ, a sɩ́ ʋ lɛ kpɩa. Dɩ ma nɩɩ ŋaa ŋɩɩ, má kɛŋ ma tɩtɩa woruŋ, dɩ Sɩtaanɩ sɩ́ wuo nyɩsɛ ma ma, dɩ ma ŋaa wʋbɔŋ.

Galiisia Nɩaa 6:4

Nʋʋkala maga ʋ beŋ ʋ tɩtɩa wʋŋaalaa lɛ a na dɩ ba tʋʋla nɛ koo ba bɩ tʋʋla. Dɩ ba nɛ tʋʋla, ʋ jaŋ wuo bigisi ʋ tɩtɩa lɛ a tɩŋ ʋ wʋŋaalɩa-la wɩaa, aŋ sɩ́ ʋ tɩtɩa kaa magɩsɛ ʋ dɔnsʋŋ tɩŋŋaa,

Ɛfɛsɩs Nɩaa 4:2

Má leŋ dɩ ma sɩaa tuu tinteeŋ, a pɛ kɛŋ ma tɩtɩa muuri, a kɛŋ kenyiri, a joŋ wɩaa chɩchɛ dɔŋɔ, a tɩŋ ma sɩ cho dɔŋɔ wɩaa.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

1 Timoti 4:12

Ŋ ŋaa hambie nɛ, ama sɩ́ leŋe dɩ nʋʋkala bee gʋʋnʋŋ. Leŋ dɩ nɩalɩŋ sɩ laa Yesu wɩaa dii na ŋ wʋbʋlaa, ŋ mɛlɛ, ŋɩɩ ŋ sɩ cho nɩaa, ŋɩɩ ŋ sɩ laa Wɩa dii arɩ ŋ tʋɔpʋla a to ŋ naabʋɔsʋŋ.

1 Timoti 6:11

Ama ŋ-na sɩ ŋaa Wɩa tɩntɩnnʋ, sɩ́ wɩaa deemba kala ŋaa. Leŋ dɩ ŋ sɩɩŋ fɩɛsɛ dɩ ŋ ŋɩŋaa tʋɔpʋl wɩaa, a tuto Wɩa wombiiŋ, a chɩŋ wɩalɩŋ ŋ sɩ laa dii lɛ, a cho nɩaa, a kɛŋ kenyiri, a kɛŋ ŋ tɩtɩa muuri nɩaa sɩpaaŋ.

2 Timoti 2:25

Ʋ maga dɩ ʋ sɩaa fɩɛlɛ dɩ ʋ nɩɩ dagɛ nɩalɩŋ sɩ bɩ ʋ harɩŋ chɩna. Ŋ bɩ pɔ, Wɩa jaŋ leŋ dɩ ba na wombiiŋ a wuo bɩrɩma lɩɩ ba wʋbɔŋŋɔɔ lɛ a kʋ jɩŋ wʋtɩtɩɩ-la.

Taatɩs 3:2

Bʋla pɩba dɩ ba sɩ́ wʋbɔŋ kala bʋla tɩgɛ nʋʋkala lɛ. Ʋ bɩ maga dɩ ba cho yuosuŋ, ama ʋ maga dɩ ba leŋ ba dɩ nʋʋkala pɛgɛ zɔŋ, a leŋ dɩ ba sɩaa fɩɛlɛ nʋʋkala teeŋ.

Hiburu TƖŊŊAA 13:5

Má sɩ́ faasa cho moribiee kɩŋkɛŋ. Kɩalɩŋ ma sɩ kɛnɛ, má leŋ dɩ ma sɩɩŋ suba. Ŋ-la nɛ Wɩa bʋl ʋ teniŋ tʋɔŋ. Ʋ sɩ, “Mɩ bɩ jaŋ vɩama ta. Mɩ bɩ jaŋ kɔ dɩ mɩ lɩɩ ma harɩŋ.”

Jeems 1:21

Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.

Jeems 2:18

Ŋ bɩ pɔ nʋʋ dɔŋ jaŋ hɛ nɩmɛ a bʋla pɩŋ arɩ ʋ laa Wɩa wɩaa dii nɛ. Dɔŋɔ ma bʋl dɩ ʋ maa ŋaa wʋzɔŋŋɔɔ nɛ. Dɩ ʋ nɛ bʋl ŋ-la, mɩ jaŋ pɩɛsʋ, “Dɩ ŋ nɛ bɩ wʋzɔŋŋɔɔ ŋaa aa pɛ ŋ sɩ laa Wɩa dii lɛ, ɛɛ nɛ ŋ jaŋ wuo dagɛmɛ arɩ ŋ sɛnɛ laa Wɩa wɩaa dii nɛɛ? Mɩ-naa ŋaa wʋzɔŋŋɔɔ nɛ aa dagɛ arɩ mɩ sɛnɛ laa Wɩa wɩaa dii nɛ.”

Jeems 3:1

Mɩ naambiiriŋ, ma tʋɔŋ, ma jesiŋ sɩ́ chɩchɛ dɩ ma ŋaa nɩa sɩɩ dagɛ ma dɔnsʋŋ tɩmma-la sɩ laa Yesu wɩaa dii, bɛɛ wɩaa ma jɩma dɩ ba nɩɩ dii dʋnɩa nɩaa sarɩya, ba jaŋ faasa dii la nɩalɩŋ sɩɩ dagɛ nɩaa sarɩya nɛ a kɩɩ la dɔnsʋŋ tɩŋŋaa.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

1 Pɩɩta 1:15

Wɩa bɩ disiniŋ kɛnɛ aŋ yɩrɛma. Ŋɩɩ wɩaa, má ma sɩ́ disiniŋ kɛŋ wɩɩ-na kala ma sɩɩ ŋaa lɛ,

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Pɩɩta 3:4

Ama má leŋ dɩ ma zɔmʋŋ lɩɩ ma tʋɔŋ nɛ. Má leŋ dɩ ma sɩaa fɩɛlɛ, a kɛŋ ma tɩtɩa muuri. Zɔmʋŋ deeŋ doho-na bɩ lɛl. Ʋ nɛ bɩra kɛŋ nyʋʋrʋŋ ma Wɩa teeŋ.