Jeems 3:1 - WƖA TENIŊ

¹ Mɩ naambiiriŋ, ma tʋɔŋ, ma jesiŋ sɩ́ chɩchɛ dɩ ma ŋaa nɩa sɩɩ dagɛ ma dɔnsʋŋ tɩmma-la sɩ laa Yesu wɩaa dii, bɛɛ wɩaa ma jɩma dɩ ba nɩɩ dii dʋnɩa nɩaa sarɩya, ba jaŋ faasa dii la nɩalɩŋ sɩɩ dagɛ nɩaa sarɩya nɛ a kɩɩ la dɔnsʋŋ tɩŋŋaa.

Jeems 3:1 ပူးပေါင်းရင်းမြစ်များ

LEVI DOHO NƖAA 10:3

Ŋɩɩ nɛ Mosis bʋla pɩ Arɔŋ, “Wɩɩŋ deeŋ wɩaa nɛ La TƖƖNA fa bʋl ŋɩɩ, ʋ sɩ: ‘Nɩalɩŋ sɩ kʋ kpagɛmɛ, mɩ jaŋ dagɛba arɩ mɩ bɩ disiniŋ kɛnɛ. Nʋʋkala jaŋ zilmi.’ ” Ŋɩɩ nɛ Arɔŋ ŋaa chɩm.

MALAKAƖ 2:12

A leŋ dɩ La TƖƖNA Wɩa lɩɩsɛ nɩalɩŋ sɩ ŋaa wɩɩŋ deeŋ Iziral tinteeŋ lɛ ta, a sɩ́ leŋe dɩ ba pɛ kɛŋ kɩalɩŋ la tinteeŋ nɩaa sɩ yie kaa kʋ ŋaa Wɩɩsʋlʋŋ pɩ La TƖƖNA doluŋ kala Tɩɩna.

Matiu 10:24

Sikuuri bie bɩ nɩɩ-la sɩɩ dagʋ ka kɩɩ, nɩɩ-la sɩɩ tɩŋ tɩntɩŋŋaa nʋʋ dɔŋ teeŋ ma bɩ yʋga kɩɩ nɩɩ-la teeŋ ʋ sɩɩ tɩŋ. Tɩntɩnna bɩ ʋ kʋhɩaŋ ka kɩɩ.

Matiu 23:13

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma kɛŋ Wɩa kuorii-la dɩa-boro yagɛ nɛ dɩ nɩaa sɩ́ jʋʋ, bɛɛ wɩaa ma tɩtɩa bɩ chɛ dɩ ma jʋʋ, aŋ bɩra pɔ dɩ nɩalɩŋ sɩɩ walɩmɛ dɩ ba jʋʋ, dɩ ba ma sɩ́ jʋʋ. [

Matiu 23:14

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma yie kɛŋ yo-haalaa kɩaa laa didii a yie fugo chʋɔlɛ Wɩa didieni. Bʋa-la lɛ Wɩa sɩ jaŋ dii ma sarɩya, ma nɛ jaŋ na hɛɛŋ a kɩɩ nʋʋkala.]

Matiu 9:11

Farisii tɩŋŋaa dɔnsʋŋ naba a pɩɛsɛ Yesu harɩ-tooroo, “Bɛɛ nɛ tɩɩ ma kʋhɩaŋ arɩ lampoo laaraa arɩ wʋbɔŋ ŋaaraa kala hɔnɔ didii kɩaa?”

Luuk 16:2

Ʋ sɩ nɩɩ ŋɩɩ, ʋ yɩrʋ a pɩɛsʋ, ‘Bee na wɩalɩŋ mɩ sɩɩ nɩɩ a tɩgɛ ŋ lɛ. Leŋ dɩ mɩ jɩŋ nɩalɩŋ ŋ sɩ yallɛ mɩ kɩalɩŋ pa. Ŋ bɩra bɩ jaŋ wuo ŋaa mɩ tɩntɩnnʋ.’

Luuk 6:37

Má sɩ́ ma dɔnsʋŋ tɩŋŋaa wɩaa laa jɩŋ, a sɩ́ cheeriŋ joŋo pɩba. Dɩ ma nɛ ŋaa ŋɩɩ, Wɩa ma bɩ jaŋ joŋ cheeriŋ pɩma. Má joŋ wɩaa chɩchɛ ma dɔnsʋŋ tɩŋŋaa. Dɩ ma nɩɩ ŋaa ŋɩɩ, Wɩa ma jaŋ joŋ ma wɩaa chɛma.

Jɔɔŋ 3:10

Ŋɩɩ nɛ Yesu bʋla pʋ, “Ŋ ŋaa kerichi-bal nɛ Iziral tinteeŋ lɛ, aŋ bɩ wɩɩŋ deeŋ bʋbʋɔŋ jɩŋ?

Tɩntɩŋŋaa 13:1

Nɩalɩŋ sɩ laa Yesu wɩaa dii aa hilimi Antɩɔk lɛ, Wɩa wʋlaabʋllaa arɩ nɩalɩŋ sɩɩ dagɛ nɩaa fa hɛ ba tʋɔŋ nɛ. Ba yɩraa nɛ: Banabas, arɩ Simioŋ ba sɩɩ yɩrɛ nɩ-bine, arɩ Lusias sɩ lɩɩ Siriini, arɩ Sɔɔl arɩ Maneyaŋ. (Tintee-la kuoro Hɛrɔd nɛ dɩɛsɛ Maneyaŋ.)

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

Ɛfɛsɩs Nɩaa 4:11

Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

1 Timoti 1:7

Mosis fa sɩ ŋmʋnsɛ wɩalɩŋ bil dɩ nɩaa tuto, nɩaa deemba fa cho dɩ ba dagɛ nɩaa wɩaa deemba nɛ, ama ba tɩtɩa bɩ wɩalɩŋ ba sɩ ŋmʋnsa bʋbʋɔŋ jɩŋ. Ba bɩ wɩalɩŋ ma ba sɩɩ bʋl chaasa jɩŋ.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.

2 Timoti 1:11

Yesu wʋzɔmɔ-la wɩaa nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ, a leŋ mɩ bʋl wɩaa deemba a pɩpɩ nɩaa a dɩdagɛba.

Hiburu TƖŊŊAA 13:17

Má tuto ma sɩpaalaaraa niiŋ a joŋ ma tɩtɩa a pɩba. Má ŋaa ŋɩɩ, bɛɛ wɩaa ba nɩɩ bemma. Maachie ba nɛ jaŋ dagɛ ŋɩɩ ma sɩ tɩŋ ma tɩntɩŋŋaa a pɩ Wɩa. Dɩ ma nɛ to ba niiŋ lɛ, ba jaŋ tɩŋ ba tɩntɩŋŋaa woruŋ arɩ tʋɔtɔrʋŋ. Ama dɩ ma nɛ bɩ ba niiŋ to, ba tʋɔŋ jaŋ chei ma nyuŋ. Ʋ ŋɩɩ saa bɩ jaŋ pɛ ma lɛ.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 3:10

Nii-la tɩtɩa la sɩ kaa dɛnnɛ Wɩa, ʋ tɩtɩa nɛ la kaa bʋl wʋbɔŋŋɔɔ hɩhɛ nɩaa lɛ. Mɩ naambiiri, ʋ bɩ maga dɩ la ŋɩŋaa ŋɩɩ.

1 Pɩɩta 5:3

Má sɩ́ doluŋ kaa beŋ nɩalɩŋ Wɩa sɩ joŋo hɛ ma nɩsɩŋ lɛ. Ama má leŋ dɩ ba na arɩ ma mɛlɛ zɔmɔ, dɩ ba tuto ma naabʋɔsʋŋ.