Jeems 2:8 - WƖA TENIŊ

⁸ Ba ŋmʋnsɛ Wɩa teniŋ tʋɔŋ a bʋl ŋ-la nɛ: “Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.” Dɩ ma nɛ sɛnɛɛ to niiŋ deeŋ, ma ŋaa woruŋ nɛ. La Kuoro Wɩa nɛ joŋ niiŋ deeŋ pɩla.

Jeems 2:8 ပူးပေါင်းရင်းမြစ်များ

1 KUOROO 8:18

Ŋɩɩ nɛ La TƖƖNA bʋla pɩ mɩ nyɩmma Devit, ‘Ʋ ŋaa wʋzɔŋ nɛ ŋ sɩ kɛŋ ŋ tʋɔŋ dɩ ŋ saa mɩ dɩɩ-balɩŋ pɩmɛ dɩ ba zizilmi nɩmɛ.

2 KUOROO 7:9

Ŋɩɩ nɛ ba bʋla pɩ dɔŋɔ, “La bɩ woruŋ ka ŋaa. Jɩnɩŋ ŋaa tapʋl zɔŋ nɛ. Ʋ bɩ maga dɩ wɩɩŋ deeŋ magɛ la dʋndʋŋ. Dɩ la nɛ bɩ bʋla pɩ nʋʋkala ka dɩ taŋ pʋl, ba jaŋ dɔgɩsɛla. Má leŋ dɩ la mʋ kuoro dɩa a bʋl wɩɩ-la pɩ ʋ tɩntɩnnɩ-hɩasɩŋ.”

LEVI DOHO NƖAA 19:18

Pʋpɔ ŋ sɩ́ tʋɔŋ kɛŋ arɩ ŋ dɔŋɔ tɩɩna aa chɛ dɩ ŋ ŋaa wɩaa tiŋ chɩŋŋaa, ama cho ŋ dɔŋɔ arɩ ŋ sɩ cho ŋ tɩtɩa ŋɩɩ. Mɩ nɛ ma TƖƖNA Wɩa.

LEVI DOHO NƖAA 19:34

Nʋhʋɔra-la sɩ hɛ ma tinteeŋ lɛ, má kɛmba woruŋ arɩ ma naambiiriŋ. Má choba arɩ ma sɩ cho ma tɩtɩa ŋɩɩ. Ma ma fa ŋaa nʋhʋɔra nɛ Ijipiti tinteeŋ lɛ, mɩ nɛ ma TƖƖNA Wɩa.

JONA 4:4

Ŋɩɩ nɛ La TƖƖNA pɩɛsʋ, “Ŋ kɛŋ wombiiŋ ŋ sɩ jaŋ na baanɩŋ?”

JONA 4:9

Ŋɩɩ nɛ Wɩa pɩɛsɛ Jona, “Ŋ kɛŋ wombiiŋ dɩ ŋ na baanɩŋ tɩa-la wɩaa?” Jona bʋl, “Oo, baanɩŋ paala kɛmmɛ a magɛ mɩ sʋʋ nɛ.”

Matiu 22:39

Wʋlɩamɩŋ ma nɛ ŋ-la: ‘Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.’

Matiu 25:21

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Matiu 25:23

Ŋɩɩ nɛ ʋ bʋla pɩ ʋ ma, ‘Ŋ ma ŋaa tɩntɩnnɩ-tɩtɩɩ nɛ, ŋ ma hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Matiu 7:12

Wɩalɩŋ ma sɩ cho dɩ nɩaa joŋo ŋɩŋaa ma lɛ, má ma joŋ ŋɩɩ ŋɩŋaa ba lɛ. Wɩalɩŋ Mosis fa sɩ ŋmʋnsa bil dɩ nɩaa tuto arɩ Wɩa wʋlaabʋllaa wʋdagaa wʋnyuŋ nɛ wɩɩŋ deeŋ.”

Rom Tɩŋŋaa 13:10

Dɩ ŋ nɛ cho ŋ dɔŋɔ tɩɩna, ŋ bɩ wʋbɔŋ kala jaŋ ŋaa ʋ lɛ. Ŋɩɩ wɩaa dɩ ŋ nɛ cho ŋ dɔŋɔ tɩɩna, ŋŋ to wɩalɩŋ kala Mosis fa sɩ ŋmʋnsa bil dɩ nɩaa tuto nɛ.

Galiisia Nɩaa 5:14

Má ŋaa ŋɩɩ, bɛɛ wɩaa wɩalɩŋ Mosis fa sɩ bile dɩ nɩaa tuto, ba tʋɔŋ wʋnyuŋ nɛ ŋ-la: “Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.”

Galiisia Nɩaa 6:2

Dɩ ma kʋŋ nɛ jʋʋ wɩɩ, má pɛ ʋ lɛ. Dɩ ma nɩɩ ŋaa ŋɩɩ, maa to Kirisito niiŋ nɛ.

Fɩlɩpa Nɩaa 4:14

Ama ʋ ŋaa wʋzɔŋ nɛ ma sɩ pɛ mɩ lɛ bʋa-la lɛ wɩaa sɩ jʋʋmɛ.

1 Tɛsalonaaka Nɩaa 4:9

Mɩ naambiiri, ʋ bɩ maga dɩ mɩ ŋmʋnsɛ teniŋ a bʋla pɩma ŋɩɩ ma sɩ jaŋ cho dɔŋɔ, bɛɛ wɩaa Wɩa tɩtɩa dagɛma ŋɩɩ ma sɩ jaŋ cho dɔŋɔ nɛ.

Jeems 1:25

Ama nɩɩ-la sɩ joŋ ʋ sɩaa hɛ Wɩa wombii-la sɩ chaasa zɔŋ a laa nɩaa tɩta lɛ, a fɩɛsɛ sɩɩŋ tutou, a bɩ wɩalɩŋ ʋ sɩ nɩa yʋa aŋ kɛmba tɩtɩŋ, Wɩa jaŋ pɛ ʋ lɛ wɩalɩŋ kala ʋ sɩɩ ŋaa lɛ.

Jeems 2:12

Dɩ ma nɩɩ bʋl wɩaa aŋ pɛ ŋɩŋaa wɩaa, má liise yi arɩ Wɩa jaŋ to ma wʋbʋlaa arɩ ma wʋŋaalaa lɛ nɛ a dii ma sarɩya. Ʋ jaŋ to wɩalɩŋ lɛ ʋ sɩ leŋe ba ŋmʋnsa bil dɩ nɩaa tuto nɛ a dii ma sarɩya. Wɩaa deemba nɛ laa nɩaa tɩta.

Jeems 2:19

Ŋ jɩma arɩ Wɩɩ-bala nɛ hɛ nɩmɛ koo? Dɩ ŋ nɛ jɩŋ ŋɩɩ, ʋ ŋaa wʋzɔŋ nɛ. Ama sɩ́ yʋ arɩ jɩŋ-bɔŋŋɔɔ ma jɩŋ ŋɩɩ lɛ nɛ, ŋɩɩ ŋaa fawʋllʋŋ kɛmba, ba chichel.

Jeems 4:11

Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.