Jeems 2:6 - WƖA TENIŊ

⁶ Ama ma bɩ woruŋ ka ŋaa, ma sɩ yie ŋaa wɩaa jʋjʋʋ summoo lɛ ŋɩɩ. Kɩaa tɩŋŋaa nɛ yie didii doluŋ ma lɛ, a fʋga kɛmma mʋmʋ sarɩya dɩ-diiliŋ.

Jeems 2:6 ပူးပေါင်းရင်းမြစ်များ

JOB 20:19

bɛɛ wɩaa ʋ nyagɛ summoo bil nɛ, a vɩaba ta, aŋ kɛŋ nɩaa dɩɩsɩŋ laa.

WƖA YƖƖLAA 10:10

Ba yie ŋmoo nɩalɩŋ sɩ bɩ lee kɛnɛ lo nɛ arɩ doluŋ, ba pɩŋ vɩntɩm,

WƖA YƖƖLAA 10:14

Ama ŋ-na Wɩa yie na mɩ hɛɛŋ arɩ wɩalɩŋ kala sɩ jʋʋmɛ nɛ. Ŋ yie beŋ nɩmɛ nɛ a ŋaa wɩɩ. Nɩalɩŋ sɩ bɩ lee kɛnɛ joŋ ba tɩtɩa hɛ ŋ nɩsɩŋ lɛ nɛ. Ŋ nɛ ŋaa Nɩɩ-la sɩɩ pɛ biisinsiŋ lɛ.

WƖA YƖƖLAA 10:2

Nɩbɔŋŋɔɔ ka dagɛ ba tɩtɩa nɛ aa dɔgɩsɛ summoo. Leŋ dɩ wʋbɔmɔ-la ba sɩ vʋʋra gʋra dii ba tɩtɩa.

WƖA YƖƖLAA 10:8

Ba yie faa tabiisiŋ jeeŋ harɩŋ nɛ a gbɩgbɛrɛ dɩ ba kpʋ nʋʋ sɩ bɩ wɩɩ cheye, a bagɩlaa chɛ nɩaa.

WƖA YƖƖLAA 12:5

La Tɩɩna sɩ, “Mɩ jaŋ kɔ lɛɛlɛ a tɩŋ ba sɩɩ dɔgɩsɛ nɩalɩŋ sɩ bɩ ba tɩtɩa lɛ wuo pɛ arɩ summoo ba yiyel. Mɩ jaŋ laaba ta nɩalɩŋ sɩɩ dɔgɩsɛba nɩsɩŋ lɛ.”

WƖA YƖƖLAA 14:6

Ma wʋbɔŋ ŋaaraa nɩɩ chei wɩalɩŋ summoo sɩ vʋʋra, ama La Tɩɩna nɛ chu tɔ ba lɛ.

NAMAGABA 14:31

Nɩɩ-la kala sɩɩ dɔgɩsɛ summoo, Wɩa sɩ ŋaaba nɛ ŋ tʋtʋʋsɛ ŋɩɩ, ama nɩɩ-la kala sɩ ŋaa zile pɩpɩ nɩalɩŋ sɩ bɩ ba tɩtɩa lɛ wuo pɛ, ʋʋ zil Wɩa nɛ.

NAMAGABA 17:5

Nɩɩ-la sɩ mɔŋ summo lɛ, tʋʋsɛ Wɩa sɩ ŋaaʋ joŋŋoo nɛ. Ba jaŋ dɔgɩsɛ nɩɩ-la kala tʋɔŋ sɩ tɔrɛ wʋlɔrʋŋ sɩ ŋaa nɩa lɛ.

NAMAGABA 18:23

Nyaaba yie sʋsʋl kɩaa tɩɩna dɩ ʋ fá ʋ nenige, ama kɩaa tɩɩna-na yie bʋbʋl chaŋkpaŋ duoŋ nɛ.

NAMAGABA 22:16

Nɩɩ-la sɩ nyagɛ summoo bil ka dɩ ʋ dʋa pʋŋ, arɩ nɩɩ-la sɩ joŋ kɩaa ŋaa zile pɩpɩ kɩaa tɩɩna, ba nɩalɩŋ balɩa kala jaŋ summi.

NAMAGABA 22:7

Summoo ŋaa kɩaa tɩŋŋaa yosi nɛ, chɩŋ-diiree ma ŋaa nɩalɩŋ teeŋ ba sɩ dii chɩŋŋaa yosi.

TƖƖCHA 5:8

Sɩ́ leŋe dɩ ʋ ŋaa wʋkpuŋkpere ŋ lɛ, dɩ ŋ nɛ na dɩ ba nyagɛ summoo bil ma tinteeŋ lɛ, aŋ vɩa wʋtɩtɩɩ arɩ wɩalɩŋ sɩ maga dɩ ba joŋo ŋaa ba lɛ ta, bɛɛ wɩaa tɩntɩnnɩ-hɩaŋ kala kɛŋ nɩhɩaŋ nɛ ʋ bibenu. Ka ba kala ha kɛŋ nɩhɩasɩŋ ba bibemba.

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 5:11

Ma kɛŋ summoo jɩlaa tuu nɛ a fʋgaa laa ba mɩaa. Ŋɩɩ wɩaa ma saa dɩɩ-balaa ma nɛ, ama ma bɩ jaŋ jʋʋba a nɩɩ sɩma. Ma pɛrɛ girep tɩɩsɩŋ bagɩsɩŋ nɛ, ama ma bɩ jaŋ nyʋa ba sɩnɩŋ.

HABAKU 3:14

Ʋ tɩtɩa timiŋ nɛ ŋ laa a tɔɔ gɩrɩgɛ ʋ nyuŋ lɛ, ʋ bayuoroo sɩ gbu lɩɩ dɩ ba ŋmoola pɩsɛ. Ba faa jʋɔsʋ nɛ dɩ ba kɛŋ nɩalɩŋ sɩ bɩ ba tɩtɩa lɛ wuo pɛ sɩ faa a liŋ.

ZƐKARƖYA 7:10

Má sɩ́ yo-haalaa, biisinsiŋ, nʋhʋɔraa arɩ summoo nyaga bil. Má sɩ́ wʋbɔŋŋɔɔ bɩɩnʋ a mʋʋ tɩgɛ dɔŋɔba lɛ.

Jɔɔŋ 8:49

Ŋɩɩ nɛ Yesu bʋla pɩba, “Jɩŋ-bɔŋ bɩ mɩ kɛnɛ, ama mɩɩ zil mɩ Nyɩmma nɛ, aŋ ka ma-na bɩ mɩ ka zil.

Tɩntɩŋŋaa 13:50

Ama Juu tɩŋŋaa nyɩsɛ tabal-la nɩhɩasɩŋ arɩ haala-la sɩ ŋaa nɩbalaa a fɩfá Wɩa a hɛ. Ba dɩ Juu tɩŋŋaa suomo to naasɩŋ dʋdɔgɩsɛ Pɔɔl arɩ Banabas, a ŋaa ba lɩɩ ba tinteeŋ lɛ.

Tɩntɩŋŋaa 17:6

Ama ba bɩ ba na, ŋɩɩ nɛ ba kɛŋ Jaasɩŋ arɩ nɩalɩŋ dɔnsʋŋ sɩ laa Yesu wɩaa dii a lɛrɛba lɩɩ ba taŋ kʋhɩasɩŋ teeŋ, aŋ ŋɩŋaa goŋ a bʋl, “Nɩaa deemba chei lee-kala nɛ aŋ lɛɛlɛ kɔ la jaŋ.

Tɩntɩŋŋaa 18:12

Bʋa-la lɛ baal kʋbala baa yɩrɛ Galio nɛ fa chɩŋ Rom kuoru balɩŋ naasɩŋ lɛ aa beŋ Giriisi tinteeŋ. Ŋɩɩ nɛ Juu tɩŋŋaa sii hɛ dɔŋɔ a kɛŋ Pɔɔl kaa mʋ ba sarɩya dɩ-diiliŋ.

Tɩntɩŋŋaa 8:3

Sɔɔl faa chɛ dɩ ʋ pugi nɩalɩŋ sɩ laa Yesu wɩaa dii, a to naasɩŋ dʋdɔgɩsɛba. Ʋ to dii-niiriŋ a kɛsɛ baalaa arɩ haala-la sɩ laa Yesu wɩaa dii, a lɛrɛba lɩɩ ba dɩɩsɩŋ lɛ, aŋ leŋ ba kɛmba kaa mʋ tɔ bɩnɩŋ dɩa.

1 Kɔrɩntɩ Nɩaa 11:22

Bɛɛ ba! Ma bɩ dɩɩsɩŋ kɛnɛ ma sɩ jaŋ wuo hɔŋ nɩmɛ a dii kʋdiilee aŋ pɛ nyʋnyʋa kɩaa? Koo maa chɛ dɩ ma mɔŋ nɩalɩŋ sɩ laa Yesu wɩaa dii aa hilimi, aŋ leŋ dɩ nɩalɩŋ sɩ bɩ kʋŋ kɛnɛ ba tʋɔŋ dii hɩɩsɩŋ nɛɛ? Bɛɛ nɛ maa chɛ dɩ mɩ bʋla pɩma a tɩgɛ wɩɩŋ deeŋ lɛ? Mɩ bɛsɛ ma lɛɛ? Aɩ, mɩ bɩ jaŋ bɛsɛ ma lɛ.

Jeems 2:3

Ŋɩɩ nɛ ma kɛŋ nɩɩ-la sɩ laalɛ gɛrɩ-zɔŋŋɔɔ woruŋ a pʋ dɩ-hɔŋ-zɔmʋŋ ʋ hɔŋ, aŋ bʋla pɩ nɩɩ-la sɩ laalɛ gɛrɩ-kɔsʋmɔɔ dɩ ʋ hɔŋ tinteeŋ koo dɩ ʋ chɩŋ nɩmɛ.

Jeems 5:4

Ma vɩa dɩ ma tiŋ nɩalɩŋ ma, ma sɩ ŋaa ba tɩŋ ma bagɩsɩŋ lɛ nɛ. Ba nɛ yele hɩhɛ ma lɛ. Ba yele-la jʋʋ La Tɩɩna Wɩa dɩgɩlaa nɛ, Nɩɩ-la sɩɩ beŋ dʋnɩa kʋŋkala.

Jeems 5:6

Ma joŋ cheeriŋ pɩ nɩalɩŋ sɩ bɩ wɩɩ cheye nɛ, a kpʋba. Ka ba bɩ lobo dɩ ba laa ba tɩtɩa.