Jeems 2:5 - WƖA TENIŊ

⁵ Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jeems 2:5 ပူးပေါင်းရင်းမြစ်များ

1 KUOROO 22:28

Mɩkaaya bʋl, “Dɩ ŋ nɛ mɩɩra kɔ arɩ yarɩfɩɛlaa, ŋɩɩ-na, La TƖƖNA dee bɩ mɩ lɛ to a bʋl wɩaa.” Ŋɩɩ nɛ aŋ bɩra bʋl, “Ma nɩaa deemba kala, má magɩlɛ wɩɩ-la mɩ sɩ bʋla bil.”

JOB 34:10

Ŋɩɩ wɩaa ma nɩalɩŋ sɩ jɩŋ wɩaa sɩaa, má jegile nɩɩ mɩ teeŋ. Nʋʋkala jɩma Wɩa bɩ wʋbɔŋ kala ka ŋaa, La TƖƖNA doluŋ kala Tɩɩna bɩ wʋlɔrʋ kala ka ŋaa.

JOB 34:19

Wɩa nɛ ŋaa la kala, ʋ bɩ sɩpaalaaraa kaa pɔrɔ bil ba dʋndʋŋ, ʋ bɩ kɩaa tɩŋŋaa ma nɛ cho a kɩɩ summoo.

JOB 38:14

Wɩɩ-muluŋ sɩ nyagaa lɩɩ pʋlʋmʋŋ yie leŋ dundolluŋ arɩ fuonaasɩŋ lɩɩ chaanɛ nɛ, a ŋminsi, a nagɛ ba sɩ kɛŋ gɛrɩŋ kpeŋ ʋ kɛŋ higisiŋ.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

NAMAGABA 13:7

Nɩa dɔŋɔ yie ŋɩŋaa wɩaa arɩ ʋ kɛŋ kɩaa nɛ aŋ bɩ kʋŋ kɛnɛ, dɔŋɔ ma nagɛ arɩ ʋ bɩ kʋŋ kɛnɛ aŋ kɛŋ kɩaa woruŋ.

NAMAGABA 7:24

Lɛɛlɛ mɩ biiriŋ, má jegile nɩɩ mɩ teeŋ, má to wɩɩ-la mɩ sɩ bʋla.

NAMAGABA 8:32

Lɛɛlɛ, mɩ biiri, má jegile nɩɩ mɩ teeŋ, nɩalɩŋ sɩɩ to mɩ niiŋ jaŋ kɛŋ tʋɔtɔrʋŋ.

AZAAYA 14:32

Wʋbɛɛ nɛ saa la jaŋ bʋla pɩ nɩalɩŋ ba sɩ tɩma ba lɩɩ Fɩlɩsɩtɩa tinteeŋ kɔ? Ma jaŋ bʋla pɩba arɩ La TƖƖNA nɛ leŋe Zaayɔŋ chɩŋ kpaŋkpaŋ, ʋ nɩaa fa sɩɩ na hɛɛŋ ŋɩɩ, dɩ ba mʋ nɩmɛ a wuo hɔŋ, wɩɩ bɩ baa walɩmɛ.”

AZAAYA 29:19

Nɩalɩŋ sɩ kɛŋ ba tɩtɩa muuri jaŋ wasa jʋɔsɛ La TƖƖNA teeŋ, dɩ nɩalɩŋ ma sɩ bɩ ba tɩtɩa lɛ wuo pɛ, bɩra jʋɔsɛ Iziral tɩŋŋaa Wɩa sɩ bɩ disiniŋ kɛnɛ teeŋ.

ZEFANAAYA 3:12

Mɩ-na ma TƖƖNA jaŋ leŋ nɩalɩŋ sɩ kɛŋ ba tɩtɩa muuri arɩ nɩalɩŋ sɩaa sɩ fɩɛla tabal-la lɛ, nɩalɩŋ sɩ laamɛ dii.

ZƐKARƖYA 11:11

Mɩ chei nii-la nɛ tapʋlɩɩ-la. Nɩalɩŋ sɩɩ na hɛɛŋ ba tʋɔŋ fa sɩɩ bemmi jɩma arɩ La TƖƖNA niiŋ wɩaa nɛ.

ZƐKARƖYA 11:7

Ŋɩɩ nɛ mɩ daa piese-la ba sɩ magɩla dɩ ba kpʋ, a wasa nyaŋ piese-la ba sɩ nyaga bil. Ŋɩɩ nɛ mɩ joŋ dantɩgɩsɩŋ balɩa a hɛ dɔŋɔ yɩrɩŋ Chonuŋ, dɔŋɔ ma Nii-maga, aŋ dɩdaa piese-la.

Matiu 11:5

Nyʋlɩmaa sɩaa ka suri nɛ, gbɛrɩgɛɛ vɩvɛŋ, gbegisiŋ ma duduori. Taŋŋaa nɩnɩɩ wɩaa, nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Matiu 5:3

“Wɩa jaŋ pɛ nɩalɩŋ sɩ bene arɩ ba ha bɩ Wɩa jɩŋ woruŋ lɛ. Ba nɛ jaŋ hɛ Wɩa kuorii-la tʋɔŋ.

Maak 7:14

Ŋɩɩ nɛ Yesu bɩra yɩrɛ nɩ-daŋ ba kɔ ʋ teeŋ, ʋ bʋla pɩba, “Má kala jegile nɩɩ mɩ teeŋ woruŋ a jɩŋ wɩɩŋ deeŋ sɩaa.

Luuk 12:21

Ŋɩɩ nɛ Yesu bʋla pɩ nɩaa, “Nɩɩ-la kala sɩ yie chɛ kɩaa bil ʋ tɩtɩa lɛ aŋ bɩ kuoru ŋaa Wɩa teeŋ, ʋ nagɛ baala deeŋ nɛ.”

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.

Luuk 16:22

Ŋɩɩ nɛ summu-la sii sʋʋ. Wɩa tɩndaaraa kʋ joŋu a kaa mʋ Abɩraham teeŋ. Ʋ hɔŋ ʋ sɛmɛ Wɩa-jaŋ lɛ aa nɩɩ sɩma. Kɩaa tɩɩna-la ma sʋʋ ba hugu,

Luuk 16:25

Ŋɩɩ nɛ Abɩraham bʋla pʋ, ‘Mɩ bii, liise mʋ yi ŋ fa sɩ hɛ ŋ mɩɩsɩŋ lɛ, ŋ faa nɩɩ sɩma nɛ woruŋ, aŋ ka Lazarɔs fa nɩna hɛɛŋ. Ama lɛɛlɛ Lazarɔs maa nɩɩ sɩma daha, aŋ ka ŋ ma hɛ hɛɛŋ tʋɔŋ.

Luuk 22:29

Mɩ Nyɩmma pɩmɛ doluŋ nɛ dɩ mɩ dii kuoruŋ. Ŋɩɩ tɩtɩa nɛ mɩ ma jaŋ pɩma doluŋ dɩ ma dii kuoruŋ.

Luuk 6:20

Yesu sɩ vaarɛ nɩalɩŋ dɛrɛ, ʋ mɩɩra beŋ ʋ harɩ-tooroo aŋ bʋl, “Ma nɩalɩŋ sɩ ŋaa summoo, Wɩa jaŋ pɛ ma lɛ. Ma nɛ jaŋ dii Wɩa kuorii-la.

Jɔɔŋ 7:48

Ma ha nɩa arɩ la kʋhɩasɩŋ tʋɔŋ koo la Farisii tɩŋŋaa tʋɔŋ kʋbala laa ʋ wɩaa dii?

Tɩntɩŋŋaa 7:2

Sɩtɩɩvɩŋ bʋl, “Mɩ nyɩmmaba arɩ mɩ naambiiriŋ, má jegile nɩɩ mɩ teeŋ. Wɩa sɩ kɛŋ tʋla fa kɛŋ ʋ tɩtɩa kʋ dagɛ la naabalɩma Abɩraham, bʋa-la lɛ ʋ fa sɩ hɔŋ Mesopotemia tinteeŋ lɛ nɛ, dɩ ʋ ha bɩ taŋ-la ba sɩɩ yɩrɛ Haraŋ lɛ mʋ hɔŋ.

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

1 Kɔrɩntɩ Nɩaa 2:9

Ba ŋmʋnsɛ Wɩa teniŋ tʋɔŋ a bʋl, “Kʋ-la nuhuobiine ha sɩ bɩ na, kʋ-la wɩaa ʋ ha sɩ bɩ nɩa, arɩ kʋ-la wɩaa ha sɩ bɩ nuhuobiine tʋɔbɩɩnaa jʋa, kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”

2 Kɔrɩntɩ Nɩaa 4:15

Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

1 Tɛsalonaaka Nɩaa 2:12

La bʋl wɩaa ma nyuŋ nyaasɛ nɛ, a leŋ ma tʋɔŋ pɩŋ dɩ-bala. La sʋlma nɛ dɩ ma leŋ dɩ ma mɛlɛ zɔŋ Wɩa sɩpaaŋ. Wɩa nɛ yɩrɛma dɩ ma kʋ jʋʋ ʋ kuorii-la tʋɔŋ a pɛ na ʋ tʋla.

2 Tɛsalonaaka Nɩaa 1:5

Wɩaa deemba kala daga arɩ Wɩa kɛŋ wʋtɩtɩɩ nɛ ʋ sarɩya diiniŋ lɛ. Ŋɩɩ wɩaa ma jaŋ jʋʋ Wɩa kuorii-la tʋɔŋ a tɩŋ ma sɩɩ na hɛɛŋ ʋ wɩaa.

1 Timoti 6:18

Bʋla pɩ nɩalɩŋ sɩ kɛŋ kɩaa dɩ ba ŋɩŋaa wʋzɔŋŋɔɔ, dɩ ba leŋ dɩ ba wʋzɔŋŋɔɔ yʋgɛ. Bʋla pɩba dɩ ba kɛŋ zile a ŋaa kɩaa pɩpɩ nɩaa.

2 Timoti 4:18

Wɩa jaŋ lɩɩsɛmɛ wʋbɔŋŋɔɔ kala lɛ. Ʋ jaŋ bemmi woruŋ a kɛmmɛ joiiŋ kaa mʋ hɛ ʋ kuorii-la tʋɔŋ Wɩa-jaŋ lɛ. Wɩa yɩrɩŋ jaŋ yɩrɛ bʋa na-kala lɛ, a kaa mʋ wuu. Amɩɩ.

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Hiburu TƖŊŊAA 11:26

Mosis kɛŋ ʋ tɩtɩa hɛ dɔŋɔ dɩ ʋ dii hɩɩsɩŋ nɛ a tɩŋ Kirisito wɩaa, Nɩɩ-la Wɩa sɩ lɩɩsa. Ʋ jɩma arɩ hɩɩsɩ-la ʋ sɩ jaŋ dii a tɩŋ ʋ wɩaa time nɛ yʋga a kɩɩ kʋzɔmɔ-la kala ʋ sɩ jaŋ na Ijipiti tinteeŋ lɛ. Ʋ ŋaa siri dɩ ʋ laa time-la Wɩa sɩ jaŋ joŋo pʋ maachie nɛ.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 1:9

Nɩɩ-la sɩ bɩ lee kɛnɛ dʋnɩa lɛ nɩalɩŋ sɩ laa Yesu wɩaa dii tʋɔŋ, ʋ leŋ dɩ ʋ tʋɔŋ tɔrɛ arɩ Wɩa sɩ pʋ dɩchɩnɩŋ.

1 Pɩɩta 1:4

a dii kʋzɔmɔ-la Wɩa sɩ ŋaa bil ʋ nɩaa lɛ ʋ jaŋ lɛ. Kɩalɩŋ bɩ jaŋ pʋa, ba bɩ jaŋ chei ma, ba zɔmʋŋ ma bɩ jaŋ lɩɩ.

2 Pɩɩta 1:11

Dɩ ma chɩŋ wɩalɩŋ lɛ woruŋ, ma jaŋ na wombiiŋ a jʋʋ La Tɩɩna arɩ la Laataara Yesu Kirisito kuorii-la sɩ jaŋ hɛ nɩmɛ deeŋ deeŋ tʋɔŋ.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.

SƖPAALAARAA 9:7

Ba sɩ bʋl wɩɩŋ deeŋ a pɩ Jotam, ʋ sii jɩl peel-la ba sɩɩ yɩrɛ Gɛrɩzɩm nyuŋ aŋ ŋaa goŋ a bʋl, “Sɛkɛm tɩmma, má jegile nɩɩ mɩ teeŋ, dɩ Wɩa ma wuo jegile nɩɩ ma teeŋ.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.

1 SAMƲƐL 2:8

Ʋ nɛ yie chʋʋlɛ summoo kʋŋkɔlʋŋ lɛ, aŋ kɛŋ nɩalɩŋ sɩ bɩ ba tɩtɩa lɛ wuo pɛ ta ba sii tʋɔrʋŋ nyuŋ, a leŋ ba guoli kuori-biiriŋ tʋɔŋ, a leŋ ba hɔŋ lee sɩ kɛŋ yɩrɩŋ. La TƖƖNA nɛ ŋaa tinteeŋ gentine kala, a leŋ dʋnɩa chɩŋ ʋ nyuŋ a ŋaa ʋ kʋŋ.