Jeems 2:21 - WƖA TENIŊ

²¹ Má liisi la naabalɩma Abɩraham wɩaa. Bɛɛ nɛ tɩɩ Wɩa leŋ Abɩraham wuo ŋaa tʋɔpʋl tɩɩna ʋ sɩpaaŋ? Wɩɩ-la sɩ tɩɩ nɛ ŋ-la: Ʋ to Wɩa niiŋ nɛ a kɛŋ ʋ bie Aɩzɩk a kaa mʋ dɩ ʋ kpʋ ŋaa Wɩɩsʋlʋŋ koruŋ nyuŋ.

Jeems 2:21 ပူးပေါင်းရင်းမြစ်များ

WƖA YƖƖLAA 143:2

Mɩ ŋaa ŋ tɩntɩnnʋ nɛ, sɩ́ mɩ sarɩya dii, bɛɛ wɩaa nʋʋkala bɩ tʋɔpʋl tɩɩna ŋaa ŋ sɩpaaŋ.

AZAAYA 51:2

Má liisi ma naabalɩma Abɩraham arɩ Sara wɩaa, ma ŋaa ba doho nɩaa nɛ. Bʋa-la lɛ mɩ-na ma TƖƖNA sɩ yɩrɛ Abɩraham, ʋ fa bɩ bii kala kɛnɛ. Ŋɩɩ nɛ mɩ pɛ ʋ lɛ, a leŋ ʋ kɛŋ biiriŋ, ʋ doho nɩaa yʋgɛ woruŋ.

Matiu 12:37

Wɩalɩŋ tɩtɩa ma sɩ bʋla nɛ jaŋ dii ma sarɩya a dagɛ dɩ ma kɛŋ tʋɔpʋla koo ma bɩ tʋɔpʋla kɛnɛ.”

Matiu 3:9

aŋ sɩ́ bɩɩna bʋl Abɩraham sɩ ŋaa ma naabalɩma ŋɩɩ, Wɩa bɩ jaŋ dɔgɩsɛma. Mɩ jaŋ bʋla pɩma arɩ Wɩa paala jaŋ wuo ŋaa dɩ tabɩaa deemba ma sɩ na bɩrɩmɛ Abɩraham doho nɩaa.

Luuk 1:73

Ʋ fa bʋla pɩ la naabalɩma Abɩraham a ŋmɩɛsɛ arɩ ʋ jaŋ laala ta la dʋndɔŋŋɔɔ nɩsɩŋ lɛ a pɩla wombiiŋ dɩ la kɛŋ nyuduoŋ a tɩma pʋ.

Luuk 16:24

Ŋɩɩ nɛ ʋ yɩrʋ a bʋl, ‘Mɩ nyɩmma Abɩraham, fá mɩ nenige aŋ tɩŋ Lazarɔs dɩ ʋ kɛŋ ʋ neniiŋ yuu lɩɩŋ a kaa kɔ a fɩɛlɛ mɩ nandelimiŋ. Mɩɩ na hɛɛŋ nɛ woruŋ nyiniŋ deeŋ tʋɔŋ.’

Luuk 16:30

Ŋɩɩ nɛ kɩaa tɩɩna-la bɩra bʋl, ‘Ŋɩɩ ha bɩ maga, mɩ nyɩmma. Dɩ nʋʋ nɛ fa sii sʋʋŋ lɛ a mʋ ba teeŋ, ba fa jaŋ bɩrɩma lɩɩ ba wʋbɔŋŋɔɔ lɛ.’

Jɔɔŋ 8:39

Ŋɩɩ nɛ ba bʋla pʋ, “Abɩraham nɛ ŋaa la nyɩmma.” Yesu ma bʋl, “Dɩ ma nɛ sɛnɛ fa ŋaa Abɩraham biiriŋ, ma fa jaŋ ŋɩŋaa wɩalɩŋ Abɩraham fa sɩ ŋaa.

Jɔɔŋ 8:53

La nyɩmma Abɩraham sʋba nɛ. Ŋ saa bɩɩna ŋ kɩɩʋ nɛɛ? Wɩa wʋlaabʋllaa ma sʋʋ. Ŋ saa bɩɩna ŋ nɛ kʋbɛɛ?”

Tɩntɩŋŋaa 7:2

Sɩtɩɩvɩŋ bʋl, “Mɩ nyɩmmaba arɩ mɩ naambiiriŋ, má jegile nɩɩ mɩ teeŋ. Wɩa sɩ kɛŋ tʋla fa kɛŋ ʋ tɩtɩa kʋ dagɛ la naabalɩma Abɩraham, bʋa-la lɛ ʋ fa sɩ hɔŋ Mesopotemia tinteeŋ lɛ nɛ, dɩ ʋ ha bɩ taŋ-la ba sɩɩ yɩrɛ Haraŋ lɛ mʋ hɔŋ.

Rom Tɩŋŋaa 3:20

Nʋʋkala bɩ jaŋ wuo to wɩalɩŋ Mosis sɩ bile lɛ a kɛŋ tʋɔpʋla Wɩa sɩpaaŋ. Ama wɩalɩŋ Mosis sɩ bile dɩ nɩaa tuto nɛ dagɛla la jɩŋ arɩ nʋʋkala ka ŋaa wʋbɔŋŋɔɔ nɛ.

Rom Tɩŋŋaa 4:1

Wʋbɛɛ nɛ saa la kɛŋ dɩ la bʋl a tɩgɛ la naabalɩma Abɩraham lɛ? Wʋbɛɛba nɛ ʋ na a tɩgɛ ʋ Wɩa laa diiniŋ lɛ?

Rom Tɩŋŋaa 4:12

Ʋ nɛ ŋaa nɩalɩŋ sɩ keri ba penee ma nyɩmma. Ama ʋ bɩ naga ba sɩ keri ba penee dʋndʋŋa wɩaa nɛ tɩɩ ʋ ŋaa ba nyɩmma. Ba laa Wɩa dii nɛ a pɛ ba penee keriŋ lɛ, a nagɛ Abɩraham ma fa sɩ laa Wɩa dii ŋɩɩ, aŋ-na keri ʋ peniŋ.

Rom Tɩŋŋaa 4:16

Ŋɩɩ wɩaa, nii-la Wɩa sɩ hɛ, nɩalɩŋ sɩ laa Wɩa dii nɛ jaŋ naʋ. Ʋ ŋaa zile kʋŋ nɛ a pɩ Abɩraham doho nɩaa kala. Ʋ bɩ naga arɩ ʋ joŋo pɩ nɩalɩŋ sɩɩ to wɩalɩŋ Mosis sɩ bile dʋndʋŋa nɛ, ama ba dɩ nɩalɩŋ kala sɩ laa Wɩa dii a nagɛ Abɩraham fa sɩ laa Wɩa dii ŋɩɩ, ba kala nɛ ʋ joŋo pa nɩalɩŋ sɩ keri ba penee arɩ nɩalɩŋ sɩ bɩ ba penee kere kala, bɛɛ wɩaa Abɩraham nɛ ŋaa la kala nyɩmma Wɩa sɩpaaŋ.

Hiburu TƖŊŊAA 11:17

Abɩraham fa laa Wɩa wɩaa dii nɛ, Wɩa magɩsʋ a bʋl dɩ ʋ kɛŋ ʋ bie Aɩzɩk a kpʋ a ŋaa Wɩɩsʋlʋŋ pʋ. Abɩraham, nɩɩ-la Wɩa sɩ hɛ niiriŋ pa, sɛɩ a kɛŋ ʋ tɩtɩa hɛ dɔŋɔ a kɛŋ Aɩzɩk, ʋ bie kala dɩ ʋ kpʋ a ŋaa Wɩɩsʋlɩɩ-la.

Jeems 2:18

Ŋ bɩ pɔ nʋʋ dɔŋ jaŋ hɛ nɩmɛ a bʋla pɩŋ arɩ ʋ laa Wɩa wɩaa dii nɛ. Dɔŋɔ ma bʋl dɩ ʋ maa ŋaa wʋzɔŋŋɔɔ nɛ. Dɩ ʋ nɛ bʋl ŋ-la, mɩ jaŋ pɩɛsʋ, “Dɩ ŋ nɛ bɩ wʋzɔŋŋɔɔ ŋaa aa pɛ ŋ sɩ laa Wɩa dii lɛ, ɛɛ nɛ ŋ jaŋ wuo dagɛmɛ arɩ ŋ sɛnɛ laa Wɩa wɩaa dii nɛɛ? Mɩ-naa ŋaa wʋzɔŋŋɔɔ nɛ aa dagɛ arɩ mɩ sɛnɛ laa Wɩa wɩaa dii nɛ.”

Jeems 2:24

Ŋɩɩ daga arɩ wɩalɩŋ nʋʋ sɩɩ ŋaa nɛ yie tɩɩ Wɩa leŋ ʋ wuo ŋaa tʋɔpʋl tɩɩna ʋ sɩpaaŋ. Ʋ sɩ laa Wɩa wɩaa dii dʋndʋŋa dee bɩ tɩɩ.

JOSUA 24:3

Ŋɩɩ nɛ mɩ kɛŋ Abɩraham sɩ ŋaa ma naabalɩma, a lɩɩ Yufireti fuo-la cholo tintee-la lɛ, a kɛnʋ to Kɛnaŋ tinteeŋ a leŋ ʋ doho nɩaa pʋŋ woruŋ. Mɩ fa leŋe ʋ lʋl Aɩzɩk nɛ,