Jeems 2:20 - WƖA TENIŊ

²⁰ Bɛɛ nɛ tɩɩ ma yaarɛ ŋ-la a bɩɩnɛ dɩ nʋʋ jaŋ wuo laa Wɩa wɩaa dii aŋ bɩ wʋzɔŋŋɔɔ ŋaa pɩpɛ? Má leŋ dɩ mɩ dagɛma arɩ nʋʋ nɛ sɩ ʋ laa Wɩa wɩaa dii nɛ aŋ bɩ wʋzɔŋŋɔɔ ŋaa pɩpɛ, ʋ Wɩa laa diine-la ŋaa pɛɩ nɛ.

Jeems 2:20 ပူးပေါင်းရင်းမြစ်များ

NAMAGABA 12:11

Nɩɩ-la kala sɩ faasa tɩŋ ʋ baga lɛ yie na kʋdiilee yʋgɛ nɛ, ama nɩyaara nɛ yie kɛŋ ʋ doluŋ ŋɩŋaa wʋpɛɩba.

JƐRƖMAAYA 2:5

Wɩɩ-la La TƖƖNA sɩ bʋla nɛ ŋ-la, “Wʋbɛɛ nɛ mɩ ŋaa chei ma naabalɩmaba, ba vɩamɛ a leŋ la pɛgɛ bol? Ba to vʋɩyaa sɩ ŋaa kʋpɛɩba harɩŋ nɛ a ma kʋ ŋaa nɩpɛɩba.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

Rom Tɩŋŋaa 3:28

La sɛyɛ arɩ nʋʋ jaŋ wuo na tʋɔpʋla Wɩa sɩpaaŋ a tɩŋ ʋ sɩ laa Yesu dii. Dɩ la nɩɩ to wɩalɩŋ Mosis sɩ ŋmʋnsa bil dɩ nɩaa tuto, la bɩ jaŋ wuo kɛŋ tʋɔpʋla deeŋ.

Rom Tɩŋŋaa 9:20

Kʋbɛɛ nɛ kaŋ, ŋ-na nuhuobiine dɩ ŋ laa wɩaa bʋl Wɩa niiŋ lɛ? Pupoiŋ bɩ jaŋ wuo pɩɛsɛ nɩɩ-la sɩ mɛʋ a bʋl, “Bɛɛ nɛ tɩɩ ŋ mɛmɩ mɩ nagɛ ŋ-la?”

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

Galiisia Nɩaa 6:3

Dɩ nʋʋ nɛ bɩɩna arɩ ʋ ŋaa nʋʋ nɛ, aŋ bɩ nʋʋ ŋaa, ʋʋ nyɩsɛ ʋ tɩtɩa nɛ.

Koloosi Nɩaa 2:8

Má sɩ́ leŋe dɩ nʋʋkala nyɩsa kɛsɛma dɩ ma tou. Baa dagɛma nuhuobiine wʋjɩmɩŋ nɛ, aa nyɩsɛma arɩ wɩalɩŋ sɩ bɩ bʋbʋɔ kɛnɛ. Ba to nuhuobiinee naabalɩma wɛnɩŋ nɛ a dagɛ dɩ-suomuŋ wɩaa dʋnɩa nɩaa sɩɩ to. Wɩaa deemba bɩ Kirisito teeŋ lɩa.

1 Timoti 1:6

Nɩaa dɔnsʋŋ vɩa wɩaa deemba nɛ aŋ mɩɩraa bʋl wʋyaayasɩŋ.

Taatɩs 1:10

Nɩalɩŋ sɩ laa Wɩa wɩaa dii yʋga a bɩ chɛ dɩ ba tuto nɩhɩasɩŋ niiŋ wʋbʋlaa, a saa wasa nyaŋ Juu tɩmma-la sɩ laa Yesu wɩaa dii. Ba ŋaa wʋbʋl deeŋ deeŋ tɩmma nɛ, aa nyɩsɛ nɩaa.

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

Jeems 2:17

Ŋɩɩ wɩaa, dɩ nʋʋ nɛ sɩ ʋ laa Wɩa wɩaa dii aŋ bɩ wɩalɩŋ Wɩa sɩ cho ka ŋaa, ʋ laa diine-la ŋaa pɛɩ nɛ.

Jeems 2:26

Dɩ nuhuobiine nɛ bɩ wiese kɛnɛ, ʋ bɩ wei. Nɩɩ-la saa sɩ laa Wɩa wɩaa dii aŋ bɩ wʋzɔŋŋɔɔ ŋaa pɩpɛ, ʋ tɩɩna ma nagɛ ŋɩɩ nɛ. Ʋ laa diine-la ŋaa pɛɩ nɛ.