Jeems 2:19 - WƖA TENIŊ

¹⁹ Ŋ jɩma arɩ Wɩɩ-bala nɛ hɛ nɩmɛ koo? Dɩ ŋ nɛ jɩŋ ŋɩɩ, ʋ ŋaa wʋzɔŋ nɛ. Ama sɩ́ yʋ arɩ jɩŋ-bɔŋŋɔɔ ma jɩŋ ŋɩɩ lɛ nɛ, ŋɩɩ ŋaa fawʋllʋŋ kɛmba, ba chichel.

Jeems 2:19 ပူးပေါင်းရင်းမြစ်များ

AZAAYA 43:10

La TƖƖNA sɩ, “Ma Iziral tɩŋŋaa nɛ ŋaa mɩ pɛ-naaraa arɩ nɩalɩŋ mɩ sɩ lɩɩsa ma ŋaa mɩ tɩntɩnnaa, dɩ ma wuo jɩmmɛ a laamɛ dii woruŋ arɩ mɩ dʋndʋŋa nɛ Wɩa. A lɩɩ mɩ harɩŋ, wɩa dɔŋ kala tuo. Kʋŋ ma dɔŋ saa bɩ jaŋ hɛ nɩmɛ dɩ mɩ dee.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 44:8

Má sɩ́ chel, má sɩ́ leŋe dɩ fawʋllʋŋ kɛmma. Mɩ bɩ bʋla pɩma faafaa kala wɩalɩŋ sɩ jaŋ ŋaa? Ma nɛ ŋaa mɩ pɛ-naaraa. Wɩa dɔŋ nɛ hɛ nɩmɛ a pɛ mɩ lɛɛ? Wɩa dɔŋ bɩra tuo.”

AZAAYA 45:6

A chɩŋ wɩɩpɔsʋŋ a kaa mʋ wɩɩjʋʋlʋŋ, nʋʋkala jaŋ jɩŋ arɩ mɩ nɛ ma TƖƖNA. Wɩa dɔŋ bɩra tuo a pɛ mɩ lɛ.

AZAAYA 46:9

Má liliisi wɩalɩŋ sɩ ŋaa faafaa kala, a jɩŋ arɩ mɩ dʋndʋŋa nɛ Wɩa, Wɩa dɔŋ tuo a nagɛmɛ.

JONA 4:4

Ŋɩɩ nɛ La TƖƖNA pɩɛsʋ, “Ŋ kɛŋ wombiiŋ ŋ sɩ jaŋ na baanɩŋ?”

JONA 4:9

Ŋɩɩ nɛ Wɩa pɩɛsɛ Jona, “Ŋ kɛŋ wombiiŋ dɩ ŋ na baanɩŋ tɩa-la wɩaa?” Jona bʋl, “Oo, baanɩŋ paala kɛmmɛ a magɛ mɩ sʋʋ nɛ.”

ZƐKARƖYA 14:9

La TƖƖNA jaŋ ŋaa dʋnɩa kala kuoro. Tapʋlɩɩ-la, La TƖƖNA dʋndʋŋa nɛ jaŋ hɛ nɩmɛ, ʋ yɩrɩŋ dʋndʋŋa nɛ ba jaŋ yɩyɩrɛ.

Matiu 8:29

Ba sɩ na Yesu, ba guu ŋmoo niiŋ a pɩɛsʋ, “Bɛɛ nɛ ŋ chɩchɛ dɩ ŋ ŋaa la lɛ Wɩa Bii? Ŋ kɔ dɩ ŋ dɔgɩsɛla nɛɛ, ka bʋa-la ha bɩ yiee?”

Maak 1:24

“Yesu sɩ lɩɩ Nazarɛt, bɛɛ nɛ ŋ chɩchɛ ŋ ŋaa la lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ, ŋ nɛ ŋaa Wɩa tʋɔpʋl Tɩɩna.”

Maak 12:29

Yesu bʋl, “Ba tʋɔŋ sɩɩfɩaŋ wɩɩŋ nɛ ŋ-la, Iziral tɩmma, má jegile nɩɩ: ‘La Tɩɩna Wɩa ŋaa kʋbala nɛ.

Maak 5:7

aŋ faasa ŋaa goŋ a bʋl, “Yesu, Wɩa sɩ kɩɩ kʋŋkala Bie, bɛɛ nɛ ŋ chɛ dɩ ŋ ŋaa mɩ lɛ? Mɩ joŋ Wɩa chʋŋʋŋ, sɩ́ mɩ dɔgɩsʋ.”

Maak 7:9

Ʋ bɩra bʋla pɩba, “Ma yie bɩɩnɛ ma kɛŋ wʋjɩmɩŋ nɛ a vɩa Wɩa wombiiŋ aŋ tuto ma naabalɩmaba wombiee.

Luuk 4:34

a bʋl, “Yesu ŋ sɩ lɩɩ Nazarɛt, bɛɛ kʋŋ nɛ ŋ chɛ ŋ ŋaala lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ. Ŋ ŋaa Wɩa tʋɔpʋl Tɩɩna nɛ.”

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Tɩntɩŋŋaa 16:17

Ʋ to la dɩ Pɔɔl harɩŋ a yie faasaa bʋl, “Nɩaa deemba Wɩa sɩ kɩɩ kʋŋkala tɩntɩnnaa nɛ. Ba bʋlaa pɩma ŋɩɩ ma sɩ jaŋ ŋaa dɩ Wɩa laama ta nɛ.”

Tɩntɩŋŋaa 19:15

Tapʋlɩɩ kʋbala jɩŋ-bɔmʋŋ bʋla pɩba, “Mɩ jɩŋ Yesu nɛ, a jɩŋ Pɔɔl ma, aŋ ka ma ma nɛ kʋbɛɛba?”

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.

Rom Tɩŋŋaa 3:30

Wɩa sɩ ŋaa kʋbala, ʋ jaŋ leŋ dɩ nɩalɩŋ sɩɩ keri ba penee kɛŋ tʋɔpʋla a tɩŋ ba sɩ laa Yesu wɩaa dii wɩaa. Nɩalɩŋ ma sɩ bɩ Juu tɩŋŋaa ŋaa, ʋ jaŋ leŋ dɩ ba ma kɛŋ tʋɔpʋla a tɩŋ ba ma sɩ laa Yesu wɩaa dii wɩaa.

1 Kɔrɩntɩ Nɩaa 8:4

Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

Galiisia Nɩaa 3:20

Nɩaa balɩa nɛ yie ŋɩŋaa wɩɩ a kɛŋ sɩpaa-tooro. Ama Wɩa ŋaa kʋbala nɛ.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

1 Timoti 2:5

Wɩa ŋaa kʋbala nɛ. Nɩbala ma nɛ hɛ Wɩa arɩ nuhuobiine pɛgɛ dɩ ʋ kɛmba kaa hɛ dɔŋɔ lɛ. Nɩɩ-la nɛ ŋaa Kirisito Yesu.

Jeems 2:8

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.” Dɩ ma nɛ sɛnɛɛ to niiŋ deeŋ, ma ŋaa woruŋ nɛ. La Kuoro Wɩa nɛ joŋ niiŋ deeŋ pɩla.

Juud 1:4

Mɩ bʋl wɩɩŋ deeŋ pɩpɩma, bɛɛ wɩaa nɩaa dɔnsʋŋ sɩ bɩ Wɩa ka fá lʋara jʋʋ ma tʋɔŋ nɛ. Ba bɩ Wɩa wombiiŋ ka to, ŋɩɩ wɩaa Wɩa jaŋ dɔgɩsɛba a leŋ dɩ ba sʋʋ. Wɩa teniŋ tʋɔŋ ba bʋl faafaa kala nɛ dɩ Wɩa jaŋ ŋaa ŋɩɩ nɩbɔŋŋɔɔ lɛ. Wɩa sɩ fá la nenige a laala ta, ba to ŋɩɩ a kɛŋ Wɩa wʋzɔmɔ-la kaa bɩrɩmɛ a ŋɩŋaa wʋlɩɩlɩŋ. Ba yie bʋl arɩ ba bɩ Yesu Kirisito jɩŋ, Nɩɩ-la sɩ ŋaa la kala Tɩɩna.

Juud 1:6

Má sɩ́ yʋ arɩ Wɩa dɔgɩsɛ ʋ tɩndaaraa ma nɛ. Ba fa kɛŋ doluŋ nɛ a bibeŋ leree, ama ba vɩa lere-la ba sɩ hɛ nɛ. Ŋɩɩ nɛ Wɩa kɛmba hɛ chɔrʋmɔɔ a bil birimiŋ tʋɔŋ lim. Ba jaŋ hɛ nɩmɛ a kaa mʋ wuu, see dɩ tapʋlɩɩ-la Wɩa sɩ jaŋ dii nɩaa sarɩya kʋ yi.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.