Jeems 2:18 - WƖA TENIŊ

¹⁸ Ŋ bɩ pɔ nʋʋ dɔŋ jaŋ hɛ nɩmɛ a bʋla pɩŋ arɩ ʋ laa Wɩa wɩaa dii nɛ. Dɔŋɔ ma bʋl dɩ ʋ maa ŋaa wʋzɔŋŋɔɔ nɛ. Dɩ ʋ nɛ bʋl ŋ-la, mɩ jaŋ pɩɛsʋ, “Dɩ ŋ nɛ bɩ wʋzɔŋŋɔɔ ŋaa aa pɛ ŋ sɩ laa Wɩa dii lɛ, ɛɛ nɛ ŋ jaŋ wuo dagɛmɛ arɩ ŋ sɛnɛ laa Wɩa wɩaa dii nɛɛ? Mɩ-naa ŋaa wʋzɔŋŋɔɔ nɛ aa dagɛ arɩ mɩ sɛnɛ laa Wɩa wɩaa dii nɛ.”

Jeems 2:18 ပူးပေါင်းရင်းမြစ်များ

Rom Tɩŋŋaa 14:23

Ama dɩ nʋʋ nɩɩ dii kɩaa aŋ bɩɩnɛ arɩ ʋ bɩ maga dɩ ʋ dii, dɩ ʋ nɛ diiba, Wɩa jaŋ joŋ cheeriŋ pʋ, bɛɛ wɩaa ʋ bɩ wɩalɩŋ ʋ sɩ laa dii arɩ ba ŋaa wʋzɔmɔ ka to. Wɩɩ-na kala nɛ ŋ ŋɩŋaa aŋ bɩ laa dii arɩ ʋ maga dɩ ŋ ŋaa, ʋ ŋaa wʋbɔŋ nɛ.

Rom Tɩŋŋaa 3:28

La sɛyɛ arɩ nʋʋ jaŋ wuo na tʋɔpʋla Wɩa sɩpaaŋ a tɩŋ ʋ sɩ laa Yesu dii. Dɩ la nɩɩ to wɩalɩŋ Mosis sɩ ŋmʋnsa bil dɩ nɩaa tuto, la bɩ jaŋ wuo kɛŋ tʋɔpʋla deeŋ.

Rom Tɩŋŋaa 4:6

La naabalɩma Devit ma fa bʋl ŋɩɩ nɛ. Ʋ sɩ dɩ Wɩa nɛ leŋe dɩ nʋʋ kɛŋ tʋɔpʋla ʋ sɩpaaŋ, ka ʋ bɩ ŋɩɩ ŋaa a tɩŋ tɩɩna wʋzɔŋŋɔɔ ŋaanɩŋ lɛ, tɩɩna tʋɔŋ jaŋ tɔrɛ.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Rom Tɩŋŋaa 9:19

Ma dɔŋɔ jaŋ wuo pɩɛsɛ, “Dɩ Wɩa nɩɩ ŋaa ŋɩɩ, ɛɛ nɛ saa ʋ jaŋ wuo joŋ cheeriŋ a pɩ nɩaa? Kʋbɛɛ nɛ jaŋ wuo giri Wɩa wʋchɛɛlɩŋ ta?”

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

1 Timoti 1:5

Wʋnyuŋ-la mɩ sɩɩ chɛ mɩ bʋla pɩŋ nɛ dɩ ba cho ba dɔnsʋŋ tɩŋŋaa arɩ tʋɔpʋla, a leŋ dɩ ba tʋɔbɩɩnaa chesi, a bɩra leŋ dɩ ba ŋaa nɩtɩtɩɩba wɩalɩŋ ba sɩ laa dii lɛ.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

Hiburu TƖŊŊAA 11:31

Haal kʋbala ma nɛ fa hɔŋ Jeriko lɛ, ʋ yɩrɩŋ nɛ Rahab. Ʋ fa ŋaa hachɔrʋŋ nɛ. Ama ʋ laa Wɩa wɩaa dii nɛ. Ŋɩɩ nɛ ʋ laa nɩalɩŋ Iziral tɩŋŋaa sɩ tɩma dɩ ba kʋ lʋara bee na Jeriko tinteeŋ sɩ nagɛ ŋɩɩ. A tɩŋ ŋɩɩ wɩaa Iziral tɩŋŋaa sɩ kʋ yuo dii taŋ-la, ba bɩ haal-la kpʋa. Ama ba kpʋ ʋ jaŋ nɩalɩŋ kala sɩ bɩ Wɩa niiŋ ka to nɛ.

Hiburu TƖŊŊAA 11:33

Ba kala fa laa Wɩa wɩaa dii nɛ, ba yuo dii kuoroo arɩ ba tinteyee. Ba to wʋtɩtɩɩ-la Wɩa sɩɩ chɛ nɛ, a na kɩalɩŋ Wɩa sɩ sɩ ʋ jaŋ joŋo pɩba. Ba dɔnsʋŋ ma yuo dii naachigee.

Hiburu TƖŊŊAA 11:6

Dɩ nʋʋ nɛ bɩ Wɩa laa dii, ʋ bɩ jaŋ wuo ŋaa wɩɩkala dɩ Wɩa tʋɔŋ tɔrɛ. Nɩɩ-la kala sɩɩ chɛ dɩ ʋ kɔ Wɩa teeŋ, ʋ maga dɩ ʋ laa sɩpaaŋ laa dii arɩ Wɩa hɛ nɩmɛ nɛ, a bɩra laa dii arɩ nɩɩ-la kala sɩ bee chɩchɛ Wɩa, ʋ tɩɩna jaŋ laa ʋ time Wɩa teeŋ.

Jeems 2:14

Mɩ naambiiriŋ, dɩ nʋʋ nɛ sɩ ʋ laa Wɩa wɩaa dii nɛ aŋ bɩ wɩalɩŋ Wɩa sɩ cho ka ŋaa, ʋ ŋɩɩ zɔmɔɔ? Dɩ ʋ Wɩa laa diiniŋ nɛ nagɛ ŋ-la, ma bɩɩna Wɩa jaŋ laaʋ ta koo?

Jeems 3:13

Ma tʋɔŋ nɩalɩŋ sɩ kɛŋ wʋjɩmɩŋ, a jɩŋ wɩaa sɩaa, ʋ maga dɩ ma ŋɩŋaa wʋzɔŋŋɔɔ nɛ a kɛŋ ma tɩtɩa muuri, a dagɛ ŋɩɩ arɩ ma sɛnɛ kɛŋ wʋjɩmɩŋ nɛ.