Jeems 2:14 - WƖA TENIŊ

¹⁴ Mɩ naambiiriŋ, dɩ nʋʋ nɛ sɩ ʋ laa Wɩa wɩaa dii nɛ aŋ bɩ wɩalɩŋ Wɩa sɩ cho ka ŋaa, ʋ ŋɩɩ zɔmɔɔ? Dɩ ʋ Wɩa laa diiniŋ nɛ nagɛ ŋ-la, ma bɩɩna Wɩa jaŋ laaʋ ta koo?

Jeems 2:14 ပူးပေါင်းရင်းမြစ်များ

JƐRƖMAAYA 7:8

Ama, ma bee na, ma mɩɩra joŋ ma yɩɛlaa hɛ ŋɩɩ ba sɩɩ nyɩsɛma lɛ nɛ, ʋ bɩ jaŋ pɛ ma lɛ.

Matiu 5:20

Mɩ jaŋ bʋla pɩma, see dɩ ma kɛŋ tʋɔpʋla a kɩɩ Wɩa teniŋ kerichiba arɩ Farisii tɩŋŋaa a ŋɩŋaa wɩalɩŋ Wɩa sɩɩ chɛ, dɩ ŋɩɩ dee, ma bɩ jaŋ wuo jʋʋ Wɩa kuorii-la tʋɔŋ.”

Luuk 3:11

Ʋ bʋla pɩba, “Dɩ ŋ kɛŋ gɛnnɩŋ balɩa, ʋ maga dɩ ŋ joŋ dɔŋɔ a pɩ nɩɩ-la sɩ bɩ kʋŋ kɛnɛ. Nɩɩ-la sɩ kɛŋ kʋdiilee ma, ʋ maga dɩ ŋ ŋaa kpaa nɩalɩŋ sɩ bɩ kʋdiilee kɛnɛ nɛ.”

Luuk 6:49

Ama nɩɩ-la sɩ jegile nɩɩ wɩalɩŋ mɩ sɩ bʋla aŋ bɩ ba to, ʋ nagɛ baal-la sɩ saa ʋ dɩa tinteeŋ aŋ bɩ gentine luo ʋ tuu nɛ. Ŋɩɩ nɛ duonuŋ nɩɩ, fuoŋ su, lɩɩŋ pɛllɛ yagɛ dɩa-la, dɩa-la kala tel wuru.”

Tɩntɩŋŋaa 15:9

Ʋ bɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kaa pɔrɛ. Nɩalɩŋ sɩ bɩ Juu tɩŋŋaa ŋaa ma laa Yesu wɩaa dii nɛ, ŋɩɩ nɛ tɩɩ ʋ joŋ ba ma wʋbɔŋŋɔɔ chɛba.

Tɩntɩŋŋaa 8:13

Saamɔŋ tɩtɩa kʋ laa wɩalɩŋ dii, ba fou ma Wɩɩchʋɔlɛ lɩɩŋ, ka ʋ mɛrɛ Fɩlɩp lɛ. Ʋ sɩ na wʋkpuŋkperisi-la arɩ wʋmagɩlaa Fɩlɩp sɩɩ ŋaa, ʋ ŋaaʋ wʋkpuŋkpere.

Tɩntɩŋŋaa 8:21

Ŋ bɩ toru kala kɛnɛ tɩntɩmɩŋ deeŋ lɛ. Ŋ bɩ ŋ tʋɔŋ pʋlla Wɩa teeŋ.

Rom Tɩŋŋaa 2:25

Dɩ ma nɩɩ keri ma penee aŋ tuto wɩalɩŋ kala Mosis sɩ ŋmʋnsa bil dɩ nɩaa tuto, ma penee keriŋ kɛŋ bʋbʋɔŋ nɛ, ama dɩ ma nɩɩ chei wɩalɩŋ Mosis sɩ bile, ʋ naga arɩ ma bɩ ma penee kere.

1 Kɔrɩntɩ Nɩaa 15:2

Wɩa wʋzɔmɔ-la nɛ jaŋ laama ta, dɩ ma nɛ kɛŋ wɩalɩŋ mɩ sɩ bʋla pɩma woruŋ. Má sɩ́ leŋe dɩ ʋ nagɛ arɩ wɩalɩŋ ma sɩ laa dii bɩ bʋbʋɔ kɛnɛ.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

1 Timoti 1:5

Wʋnyuŋ-la mɩ sɩɩ chɛ mɩ bʋla pɩŋ nɛ dɩ ba cho ba dɔnsʋŋ tɩŋŋaa arɩ tʋɔpʋla, a leŋ dɩ ba tʋɔbɩɩnaa chesi, a bɩra leŋ dɩ ba ŋaa nɩtɩtɩɩba wɩalɩŋ ba sɩ laa dii lɛ.

1 Timoti 4:8

Dɩ ŋ nɛ kɛŋ ŋ yaraa hʋhʋgʋsɛ, ŋɩɩ jaŋ pɛ ŋ lɛ mʋa. Ama dɩ ŋ nɛ kɛŋ ŋ tʋɔŋ a to Wɩa wombiiŋ, ŋɩɩ jaŋ pɛ ŋ lɛ dɩ ŋ na mɩɩsɩŋ dʋnɩa deeŋ lɛ, dɩ ŋ nɛ sʋba ma, ŋ jaŋ kɛŋ mɩɩsɩ-la sɩ bɩ dɛrɛ.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

Taatɩs 3:8

Wɩɩŋ deeŋ ŋaa wʋtɩtɩɩ nɛ. Mɩɩ chɛ dɩ ŋ paala chaasa bʋl wɩaa deemba, dɩ nɩalɩŋ sɩ laa Wɩa wɩaa dii, dɩ ba ŋaa siri a ŋɩŋaa wʋzɔŋŋɔɔ bʋa na-kala lɛ. Wɩaa deemba ŋaa wʋzɔmɔ nɛ. Ba jaŋ wuo pɛ nɩaa lɛ.

Hiburu TƖŊŊAA 11:17

Abɩraham fa laa Wɩa wɩaa dii nɛ, Wɩa magɩsʋ a bʋl dɩ ʋ kɛŋ ʋ bie Aɩzɩk a kpʋ a ŋaa Wɩɩsʋlʋŋ pʋ. Abɩraham, nɩɩ-la Wɩa sɩ hɛ niiriŋ pa, sɛɩ a kɛŋ ʋ tɩtɩa hɛ dɔŋɔ a kɛŋ Aɩzɩk, ʋ bie kala dɩ ʋ kpʋ a ŋaa Wɩɩsʋlɩɩ-la.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 2:16

ŋɩɩ nɛ ma bʋla pʋ, “Wɩa jaŋ pɛ ŋ lɛ a pɩŋ kɩalɩŋ ŋ sɩɩ chɛ.” Dɩ ma nɛ ŋaa ŋɩɩ aŋ bɩ sɛyɛ dɩ ma pɛ ʋ lɛ arɩ kɩalɩŋ ʋ sɩɩ chɛ, ʋ ŋɩɩ zɔmɔɔ?

Jeems 2:18

Ŋ bɩ pɔ nʋʋ dɔŋ jaŋ hɛ nɩmɛ a bʋla pɩŋ arɩ ʋ laa Wɩa wɩaa dii nɛ. Dɔŋɔ ma bʋl dɩ ʋ maa ŋaa wʋzɔŋŋɔɔ nɛ. Dɩ ʋ nɛ bʋl ŋ-la, mɩ jaŋ pɩɛsʋ, “Dɩ ŋ nɛ bɩ wʋzɔŋŋɔɔ ŋaa aa pɛ ŋ sɩ laa Wɩa dii lɛ, ɛɛ nɛ ŋ jaŋ wuo dagɛmɛ arɩ ŋ sɛnɛ laa Wɩa wɩaa dii nɛɛ? Mɩ-naa ŋaa wʋzɔŋŋɔɔ nɛ aa dagɛ arɩ mɩ sɛnɛ laa Wɩa wɩaa dii nɛ.”

Jeems 2:26

Dɩ nuhuobiine nɛ bɩ wiese kɛnɛ, ʋ bɩ wei. Nɩɩ-la saa sɩ laa Wɩa wɩaa dii aŋ bɩ wʋzɔŋŋɔɔ ŋaa pɩpɛ, ʋ tɩɩna ma nagɛ ŋɩɩ nɛ. Ʋ laa diine-la ŋaa pɛɩ nɛ.

2 Pɩɩta 1:5

A tɩŋ ma sɩ laa Yesu wɩaa dii ŋɩɩ, má hɛ doluŋ dɩ ma mɛlɛ zɔŋ. Má leŋ dɩ ma wʋjɩmɩŋ pʋŋa pɩpɛ ma mɛl-zɔŋ-la lɛ.