Jeems 2:10 - WƖA TENIŊ

¹⁰ Dɩ nʋʋ nɛ paala tuto wɩalɩŋ kala ba sɩ ŋmʋnsa bil dɩ nɩaa tuto aŋ chei ba tʋɔŋ wʋbala ma, ʋ naga ʋ chei wɩalɩŋ kala nɛ ŋɩɩ Wɩa sɩpaaŋ.

Jeems 2:10 ပူးပေါင်းရင်းမြစ်များ

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

Galiisia Nɩaa 5:3

Mɩ jaŋ bɩra bʋl, dɩ nʋʋkala nɛ sɛyɛ dɩ ba keri ʋ peniŋ, ʋ maga dɩ tɩɩna tuto wɩalɩŋ kala Mosis fa sɩ bile nɛ.

MOSIS BƖRA WULLI WƖA WOMBIIŊ 27:26

‘La TƖƖNA ŋmɩaŋ jaŋ dii nɩɩ-la kala sɩ vɩa dɩ ʋ to Wɩa niiriŋ deemba arɩ wɩalɩŋ ʋ sɩ daga.’ Nɩalɩŋ kala jaŋ laa bʋl, ‘Amɩɩ.’

Jeems 3:2

La kala yie ŋaa wɩaa piperigi nɛ. Dɩ nʋʋ nɛ bɩ wɩaa bʋla piperigi, ʋ bɩ wʋcheeli kɛnɛ. Ʋ wuo kɛŋ ʋ tɩtɩa nɛ wɩalɩŋ kala ʋ sɩɩ ŋaa lɛ.

2 Pɩɩta 1:10

Ŋɩɩ wɩaa mɩ naambiiriŋ, mɩɩ sʋlma arɩ Wɩa sɩ yɩrɛma a lɩɩsɛma ŋɩɩ, má hɛ doluŋ a chɩŋ wɩaa deemba lɛ woruŋ. Dɩ ma nɩɩ ŋaaba, ma bɩ jaŋ yeŋŋi Wɩa wombiiŋ lɛ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.