Jeems 2:1 - WƖA TENIŊ

¹ Mɩ naambiiriŋ, lɛɛlɛ ma laa La Tɩɩna Yesu Kirisito wɩaa dii nɛ, ʋ-na yɩrɩ-balɩŋ Tɩɩna. Ŋɩɩ wɩaa ʋ bɩ maga dɩ ma zizil nɩaa dɔnsʋŋ aŋ ka ma sɩɩŋ bɩ dɔnsʋŋ ka su.

Jeems 2:1 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 19:7

Má fá La TƖƖNA, a fɩɛlɛ ma sɩaa a didii sarɩya. La TƖƖNA Wɩa bɩ chɛ dɩ ma kɛŋ wʋtɩtɩɩ bɩrɩmɛ, ʋ bɩ chɛ dɩ ma kɛŋ nɩaa kaa pɔrɛ koo a lɩlaa kpalaa nɩaa teeŋ.”

NAMAGABA 24:23

Wʋjɩnnaa wʋbʋlaa dɔnsʋŋ nɛ ŋ-la: Dɩ ma nɛ dii sarɩya a kɛŋ nɩaa pʋpɔrɛ, ŋɩɩ bɩ zɔŋ.

NAMAGABA 28:21

Dɩ nʋʋ nɛ kɛŋ nɩaa pʋpɔrɛ, ŋɩɩ bɩ zɔŋ, aŋ ka nɩa yie ŋaa wʋbɔmʋŋ a chɩchɛ kʋdiilee mʋa.

LEVI DOHO NƖAA 19:15

Ma pʋpɔ má sɩ́ wʋtɩtɩɩ joŋo faa. Má sɩ́ summo gʋrʋ a tɩŋ ʋ sɩ bɩ kʋŋ kɛnɛ wɩaa, a sɩ́ kɩaa tɩɩna ma lɛ pɛ a tɩŋ ʋ sɩ kɛŋ kɩaa. Má dii nʋʋkala sarɩya arɩ wʋtɩtɩɩ.

Matiu 22:16

Ŋɩɩ nɛ ba tɩŋ ba harɩ-tooroo dɔnsʋŋ arɩ Hɛrɔd ma harɩ-tooroo dɔnsʋŋ dɩ ba mʋ Yesu teeŋ. Ŋɩɩ nɛ ba kɔ ʋ teeŋ a pɩɛsʋ, “La kʋhɩaŋ, la jɩma dɩ ŋ kɛŋ wʋtɩtɩɩ nɛ a dɩdagɛ Wɩa tonuŋ wombii-tɩtɩɩ-la. Ŋ sɩpaaŋ tuo nʋʋ lɛ. Ŋ bɩ nɩbal sɩɩ ka fá.

Tɩntɩŋŋaa 10:34

Ŋɩɩ nɛ Pɩɩta suomo bʋbʋl, “Mɩ lɛɛlɛ jɩma arɩ wʋtɩtɩɩ nɛ, Wɩa joŋ nɩaa kala ba ŋaa kʋbala nɛ.

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

Tɩntɩŋŋaa 24:24

Tapʋlaa baŋmɛnɛ harɩŋ Fɛlɩs kɛŋ ʋ haala ba kɔ. Ʋ yɩrɩŋ nɛ Dirusila. Ʋ fa ŋaa Juu tɩɩna nɛ. Ŋɩɩ nɛ Fɛlɩs tɩma yɩrɛ Pɔɔl dɩ ʋ kɔ. Ʋ sɩ kɔ, ʋ bʋl Yesu Kirisito laa diiniŋ wɩaa pʋ ʋ jijegili.

Tɩntɩŋŋaa 7:2

Sɩtɩɩvɩŋ bʋl, “Mɩ nyɩmmaba arɩ mɩ naambiiriŋ, má jegile nɩɩ mɩ teeŋ. Wɩa sɩ kɛŋ tʋla fa kɛŋ ʋ tɩtɩa kʋ dagɛ la naabalɩma Abɩraham, bʋa-la lɛ ʋ fa sɩ hɔŋ Mesopotemia tinteeŋ lɛ nɛ, dɩ ʋ ha bɩ taŋ-la ba sɩɩ yɩrɛ Haraŋ lɛ mʋ hɔŋ.

Rom Tɩŋŋaa 1:11

Mɩ cho dɩ mɩ kʋ nama nɛ arɩ sɩɩfɩɛsɩŋ, a pɛ ma lɛ arɩ kɩalɩŋ Wɩa Dɩŋ-zɔmʋŋ sɩɩ chɛ dɩ ʋ joŋo pɩma dɩ ma dol.

1 Kɔrɩntɩ Nɩaa 2:8

Nɩalɩŋ kala sɩɩ beŋ dʋnɩa deeŋ bɩ wɩaa deemba bʋbʋɔŋ jɩŋ. Dɩ ba nɛ fa jɩmba, ba fa bɩ jaŋ kpaasɛ La Tɩɩna sɩ kɛŋ tʋla a mɛrɛ daagɛsɛ nyuŋ.

MOSIS BƖRA WULLI WƖA WOMBIIŊ 1:17

Má dii nʋʋkala sarɩya ʋ bʋa lɛ, má sɩ́ nʋʋkala sɩɩŋ fá, bɛɛ wɩaa wɩalɩŋ kala ma sɩɩ bʋl Wɩa nɛ dagɛma. Wɩɩ-la kala sɩ dolie kɩɩma, má kaa kɔ mɩ teeŋ.

MOSIS BƖRA WULLI WƖA WOMBIIŊ 16:19

Nɩaa deemba bɩ maga dɩ ba joŋ wʋtɩtɩɩ faa, a sɩ laa pɛ nʋʋ lɛ dɩ ʋ kɩaa nɛ bɩ sɩŋ, a sɩ́ kpalaa laa. Kpalaa nɛ yie leŋ nɩaa joŋ wʋtɩtɩɩ faa aŋ kɛŋ wʋtɩtɩɩ bɩrɩmɛ wʋnyɩɛrɩŋ.

Koloosi Nɩaa 1:4

bɛɛ wɩaa la nɩa arɩ ma sɛɩ Kirisito Yesu niiŋ nɛ, a cho Wɩa nɩaa ma kala.

1 Timoti 1:19

Chɩŋ wɩalɩŋ ŋ sɩ laa dii lɛ a leŋ dɩ ŋ tʋɔbɩɩnaa chesi. Nɩaa dɔnsʋŋ bɩra bɩ ba tʋɔbɩɩnaa lɛɛ to, ŋɩɩ nɛ tɩɩ ba joŋ wɩalɩŋ ba sɩ laa dii ta.

1 Timoti 5:21

Mɩ bʋl ŋɩɩ pɩŋ Wɩa arɩ Kirisito Yesu arɩ Wɩa tɩndaaraa Wɩa sɩ lɩɩsa sɩpaaŋ nɛ. Mɩɩ sʋlʋŋ arɩ sɩɩfɩɛsɩŋ dɩ ŋ to wɩaa deemba, a sɩ́ nɩaa kaa pɔrɛ wɩɩ-na kala ŋ sɩɩ ŋaa lɛ. Joŋ ba kala dɩ ba ŋaa nɩbala ŋ teeŋ.

Taatɩs 1:1

Mɩ-na Pɔɔl nɛ ŋmʋnsɛ teniŋ deeŋ aa pɩ ŋ-na Taatɩs. Mɩ ŋaa Wɩa tɩntɩnnʋ nɛ a ŋaa Yesu Kirisito nanzɔɔ ma. Wɩa nɛ lɩɩsɛmɛ dɩ mɩ pɛ nɩalɩŋ ʋ sɩ lɩɩsa lɛ dɩ ba wasa chɩŋ wɩalɩŋ ba sɩ laa dii lɛ, a wuo jɩŋ wʋtɩtɩɩ-la sɩɩ to Wɩa wombiiŋ.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 2:3

Ŋɩɩ nɛ ma kɛŋ nɩɩ-la sɩ laalɛ gɛrɩ-zɔŋŋɔɔ woruŋ a pʋ dɩ-hɔŋ-zɔmʋŋ ʋ hɔŋ, aŋ bʋla pɩ nɩɩ-la sɩ laalɛ gɛrɩ-kɔsʋmɔɔ dɩ ʋ hɔŋ tinteeŋ koo dɩ ʋ chɩŋ nɩmɛ.

Jeems 2:9

Dɩ ma nɛ kɛŋ nɩaa pʋpɔrɛ, maa ŋaa wʋbɔŋ nɛ. Maa chei wɩalɩŋ Wɩa sɩ leŋe ba ŋmʋnsa bil dɩ nɩaa tuto nɛ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

Juud 1:16

Nɩaa deemba yie gʋgʋrɩmɛ wɩaa, a dʋdɔŋ nɩaa, baa to ba tʋɔbɩɩŋ bɔŋŋɔɔ harɩŋ nɛ, a bibigisi ba tɩtɩa lɛ, a kɛŋ nii-sɩma a nyɩsa lɩlaa nɩaa kɩaa.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.