Jeems 1:9 - WƖA TENIŊ

⁹ Nɩɩ-la sɩ bɩ lee kɛnɛ dʋnɩa lɛ nɩalɩŋ sɩ laa Yesu wɩaa dii tʋɔŋ, ʋ leŋ dɩ ʋ tʋɔŋ tɔrɛ arɩ Wɩa sɩ pʋ dɩchɩnɩŋ.

Jeems 1:9 ပူးပေါင်းရင်းမြစ်များ

WƖA YƖƖLAA 62:9

Nuhuobiine kala nagɛ peliŋ nɛ, la nɩbalaa arɩ nɩbiisiŋ kala bɩ kɩa kala ŋaa. Dɩ ŋ nɛ jomba a hɛ sanɩa lɛ a magɩsɛ, ba bɩ yuŋ kala kɛnɛ.

NAMAGABA 17:5

Nɩɩ-la sɩ mɔŋ summo lɛ, tʋʋsɛ Wɩa sɩ ŋaaʋ joŋŋoo nɛ. Ba jaŋ dɔgɩsɛ nɩɩ-la kala tʋɔŋ sɩ tɔrɛ wʋlɔrʋŋ sɩ ŋaa nɩa lɛ.

NAMAGABA 19:1

Nʋʋ sɩ ŋaa nyaabʋ aŋ bɩ wʋcheeli kala kɛnɛ, ʋ nɛ kpɩa nʋʋ sɩ ŋaa nɩyaarɩ aŋ nyɩnyɩɛ wɩaa.

AZAAYA 29:19

Nɩalɩŋ sɩ kɛŋ ba tɩtɩa muuri jaŋ wasa jʋɔsɛ La TƖƖNA teeŋ, dɩ nɩalɩŋ ma sɩ bɩ ba tɩtɩa lɛ wuo pɛ, bɩra jʋɔsɛ Iziral tɩŋŋaa Wɩa sɩ bɩ disiniŋ kɛnɛ teeŋ.

Luuk 1:52

Ʋ kiri nɩbalaa ba kuoru kpasɩnɩŋ nyuŋ nɛ aŋ leŋ nɩalɩŋ sɩ kɛŋ ba tɩtɩa muuri hɔŋ.

Luuk 10:20

Ama má sɩ́ leŋe dɩ ma tʋɔŋ tɔrɛ arɩ jɩŋ-bɔŋŋɔɔ sɩɩ to ma niiŋ lɛ, má leŋ dɩ ma tʋɔŋ tɔrɛ a tɩŋ ba sɩ ŋmʋnsɛ ma yɩraa Wɩa-jaŋ lɛ.”

Luuk 14:11

Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri. Ka nɩɩ-la ma sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.”

Luuk 9:48

aŋ bʋla pɩba, “Dɩ nʋʋkala nɛ kɛŋ bii-bie deeŋ dɔŋɔ woruŋ a tɩŋ mɩ wɩaa, mɩ nɛ ʋ kɛŋ woruŋ ŋɩɩ. Nɩɩ-la ma kala sɩ kɛmmɛ woruŋ, mɩ dʋndʋŋa dee ʋ kɛŋ woruŋ ŋɩɩ. Nɩɩ-la sɩ tɩmmɛ ma nɛ ʋ kɛŋ woruŋ ŋɩɩ. Nɩɩ-la sɩ ŋaa nɩ-bie ma tʋɔŋ, ʋ nɛ ŋaa ma tʋɔŋ nɩbalɩŋ.”

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

MOSIS BƖRA WULLI WƖA WOMBIIŊ 15:11

Bʋa na-kala lɛ nyaabaa jaŋ hɛ ma Iziral tɩŋŋaa tʋɔŋ, ŋɩɩ wɩaa, mɩ bʋlaa pɩma, má kɛŋ zile ma naambiiriŋ arɩ nyaaba-la sɩ hɛ ma tʋɔŋ teeŋ.

MOSIS BƖRA WULLI WƖA WOMBIIŊ 15:7

Dɩ ma nɛ mʋ tintee-la ma TƖƖNA Wɩa sɩ jaŋ joŋo pɩma, dɩ summoo hɛ ma naambiiri-la tʋɔŋ tasɩ-la kʋŋkala lɛ, má sɩ́ tʋɔhɛɛŋ kɛŋ a vɩaba ta.

MOSIS BƖRA WULLI WƖA WOMBIIŊ 15:9

Dɩ jɩ-pɛɩ-la lɛ ma sɩ jaŋ giri chɩŋŋaa ta nɛ kpaga ma, ka dɩ ma naambiiri-la kʋŋ nɩsɩŋ buo, dɩ ʋ chɩchɛ ʋ chɩŋ kʋŋ ma teeŋ, má sɩ́ tʋɔhɛɛŋ kɛŋ a vɔmʋ. Dɩ ma nɛ vɔmʋ dɩ ʋ yele pɩ La TƖƖNA, ma jaŋ laa cheeriŋ La TƖƖNA teeŋ.

Fɩlɩpa Nɩaa 3:14

Ŋɩɩ wɩaa, mɩ joŋ mɩ sɩaa chaasɛ sɩpaaŋ nɛ a yige mʋmʋ dɩ mɩ na kʋ-la Wɩa sɩ to Yesu Kirisito lɛ a yɩrɛmɛ dɩ ʋ joŋo pɩmɛ ʋ jaŋ lɛ.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

1 SAMƲƐL 2:8

Ʋ nɛ yie chʋʋlɛ summoo kʋŋkɔlʋŋ lɛ, aŋ kɛŋ nɩalɩŋ sɩ bɩ ba tɩtɩa lɛ wuo pɛ ta ba sii tʋɔrʋŋ nyuŋ, a leŋ ba guoli kuori-biiriŋ tʋɔŋ, a leŋ ba hɔŋ lee sɩ kɛŋ yɩrɩŋ. La TƖƖNA nɛ ŋaa tinteeŋ gentine kala, a leŋ dʋnɩa chɩŋ ʋ nyuŋ a ŋaa ʋ kʋŋ.