Jeems 1:5 - WƖA TENIŊ

⁵ Dɩ ma kʋŋkala nɛ bɩ wʋjɩmɩŋ kɛnɛ, ʋ sʋl Wɩa dɩ ʋ pʋ wʋjɩmɩŋ. Wɩa kɛŋ zile, ʋ yie joŋ wʋjɩmɩŋ pɩ nʋʋkala sɩ sʋlʋ nɛ, ʋ bɩ nʋʋkala vɩa ta.

Jeems 1:5 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 22:12

A leŋ dɩ ŋ TƖƖNA Wɩa pɩŋ wʋjɩmɩŋ arɩ dɩgɩlɩŋ-jegilee dɩ ŋ nɛ kʋ dii kuoruŋ, dɩ ŋ wuo to ʋ wombiiŋ a beŋ Iziral tɩŋŋaa.

2 IZIRAL TƖŊŊAA NAABARƖŊ 1:10

Ŋɩɩ wɩaa, pɩmɛ wʋjɩmɩŋ a leŋ dɩ mɩ jɩŋ wɩaa sɩaa dɩ mɩ wuo beŋ nɩaa deemba. Dɩ ŋɩɩ dee, ɛɛ nɛ mɩ jaŋ wuo ŋaa a beŋ ŋ nɩ-daŋ deeŋ?”

WƖA YƖƖLAA 51:6

Ŋŋ chɛ dɩ mɩ kɛŋ wʋtɩtɩɩ nɛ mɩ tʋɔŋ lɛ, ŋɩɩ wɩaa, dagɛmɛ wʋjɩmɩŋ.

MOSIS KƐŊ IZIRAL TƖŊŊAA LƖƖ 31:3

Mɩ joŋ mɩ Dɩma hɛ ʋ lɛ nɛ, dɩ ʋ kɛŋ jɩma, doluŋ, wʋjɩmɩŋ a jɩŋ nɩsɩŋ tɩntɩmɩɩ kala,

MOSIS KƐŊ IZIRAL TƖŊŊAA LƖƖ 31:6

Mɩ bɩra lɩɩsɛ Ahɩsama nanʋala Oholiab sɩ lɩɩ Daŋ doho nɩaa tʋɔŋ ma nɛ, dɩ ʋ pɛ Bɛzalɛl lɛ. Mɩ joŋ wʋjɩmɩŋ a pɩ gɔgɩa-la nɛ, dɩ ba wuo ŋaa kɩalɩŋ kala mɩ sɩ dagɩŋ dɩ ŋ ŋaa.

NAMAGABA 8:17

Mɩ cho nɩalɩŋ sɩ chomi nɛ. Nɩalɩŋ kala sɩ bee chɩchɛmɛ yie namɛ nɛ.

Matiu 11:20

Tasɩ-la lɛ Yesu sɩ ŋaa wʋmagɩlaa yʋgɛ, ba nɩaa bɩ ʋ wɩaa laa dii, ŋɩɩ wɩaa ba bɩ bɩrɩma lɩɩ ba wʋbɔŋŋɔɔ lɛ. Ŋɩɩ nɛ ʋ kpɩaba lɛ a bʋl,

Maak 16:14

Ŋɩɩ harɩŋ nɛ Yesu harɩ-tooro-la fii arɩ kʋbala hɔnɔ didii kɩaa. Ba sɩɩ dii ŋɩɩ, Yesu kpɩaba lɛ a tɩŋ ba tʋɔŋ sɩ dolie wɩaa arɩ ba sɩ bɩ nɩalɩŋ sɩ sɩ ba naʋ dɩ ʋ sii sʋʋŋ lɛ laa dii.

Jɔɔŋ 14:13

Kʋŋ na-kala ma sɩ pɩɛsa chɩchɛ mɩ yɩrɩŋ lɛ, mɩ jaŋ joŋo pɩma. Mɩ jaŋ ŋaa ŋɩɩ dɩ nɩaa wuo to mɩ lɛ a leŋ dɩ mɩ Nyɩmma yɩrɩŋ yɩrɛ.

Jɔɔŋ 15:7

Dɩ ma nɛ mɛrɛ mɩ lɛ, dɩ mɩ niiŋ wɩaa hɛ ma tʋɔŋ, kʋŋkala ma sɩ pɩɛsɛmɛ a chɩchɛ, mɩ jaŋ ŋaa pɩma.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

2 Kɔrɩntɩ Nɩaa 2:16

Nɩalɩŋ sɩ lɛlɛ teeŋ, tʋlaalɩɩ-la sʋɔraa kpʋba nɛ. Ama nɩalɩŋ Wɩa sɩɩ laa ta teeŋ, tʋlaalɩɩ-la sʋɔra ka pɩba mɩɩsɩŋ nɛ. Kʋbɛɛ nɛ saa maga dɩ ʋ tɩŋ tɩntɩmɩŋ deeŋ?

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

Jeems 5:16

Ŋɩɩ wɩaa, má dagɛ ma wʋbɔŋŋɔɔ a pɩ dɔŋɔ a sʋl Wɩa a pɩpɩ dɔŋɔ, dɩ Wɩa wuo ŋaa dɩ ma duori. Dɩ tʋɔpʋl tɩɩna nɛ sʋl Wɩa, ʋ Wɩɩsʋlʋŋ yie faasa kɛŋ doluŋ nɛ a ŋaa wɩɩ-la ʋ sɩɩ chɛ pʋ.

1 Jɔɔŋ 3:22

Ŋɩɩ wɩaa, dɩ la nɛ sʋl kʋŋ na-kala ʋ teeŋ, ʋ jaŋ joŋo pɩla, bɛɛ wɩaa laa to wɩalɩŋ ʋ sɩ daga nɛ a ŋɩŋaa wɩalɩŋ sɩɩ tɔrɛ ʋ tʋɔŋ.