Jeems 1:4 - WƖA TENIŊ

⁴ Má kɛŋ nyalɩma wɩɩkala lɛ a mʋ dɛrɛ, ŋɩɩ nɛ ma jaŋ waa dɛrɛ Wɩa wɩaa lɛ a sɩ́ wʋzɔŋŋɔɔ lɛ nyaa.

Jeems 1:4 ပူးပေါင်းရင်းမြစ်များ

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

WƖA YƖƖLAA 37:7

Dii kenyiri a gbɛrɛ La Tɩɩna. Sɩ́ leŋe dɩ wɩaa walɩmɩŋ dɩ nɩaa wɩaa nɩɩ vɛŋ woruŋ, koo dɩ nɩaa nɛ wuo ŋɩŋaa wʋbɔmɔ-la ba sɩɩ bɩɩnʋ.

WƖA YƖƖLAA 40:1

Mɩ nyalɩma nɛ a gbɛrɛ La Tɩɩna dɩ ʋ pɛ mɩ lɛ, ŋɩɩ nɛ ʋ jegile nɩɩ mɩ bunso.

NAMAGABA 4:8

Dɩ ŋ nɛ chou, ʋ jaŋ kɛnɩŋ je. Dɩ ŋ nɛ mɩlʋ kpɛrɛ, ʋ jaŋ ziliŋ.

HABAKU 2:3

Wɩalɩŋ mɩ sɩ kaa dagɩŋ kɛŋ ba tapʋlɩɩ nɛ. Wɩalɩŋ mʋʋ tɩgɛ dʋnɩa dɩdɛrɩŋ lɛ nɛ, ba bɩ jaŋ ŋaa wʋnyɩɛrɩ. Dɩ ba nɛ naga baa dienu ma, ha gbɛrɛ, bɛɛ wɩaa ba jaŋ sɛnɛ kʋ ŋaa, ba bɩ jaŋ dieni.

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Matiu 19:20

Baal-la bʋla pɩ Yesu, “Mɩ kʋhɩaŋ, mɩ to wɩaa deemba kala nɛ. Bɛɛ nɛ saa ka?”

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Maak 10:21

Ŋɩɩ nɛ Yesu beŋ ʋ sɩaa lɛ a chou aŋ bʋla pʋ, “Wʋbala nɛ ka, ŋ ha bɩ ŋaa. Joŋ ŋ kɩaa kala yallɛ a joŋ moribie-la a pɩ summoo aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 21:19

Dɩ ma nɛ nyalɩma, ma jaŋ laa ma mɩɩsɩŋ.”

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

1 Kɔrɩntɩ Nɩaa 2:6

Ama nɩalɩŋ sɩ waa Wɩa wɩaa lɛ, la yie dɩdagɛba wʋjɩmɩŋ nɛ. Wʋjɩmɩŋ deeŋ la sɩɩ dagʋ tuo dʋnɩa deeŋ nɩaa wʋjɩmɩŋ, dʋnɩa deeŋ nɩduoruŋ wʋjɩmɩŋ ma dee. Nɩduoruŋ deemba wʋjɩmɩŋ jaŋ dɛrɛ.

Galiisia Nɩaa 6:9

Ŋɩɩ wɩaa, má sɩ́ leŋe dɩ la lɔl wʋzɔŋŋɔɔ ŋaanɩŋ lɛ. Dɩ la nɛ ŋaa wʋzɔŋŋɔɔ a lɔl aŋ nyalɩmɛ, dɩ bʋa-la nɛ yie, Wɩa jaŋ tinla.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

1 Tɛsalonaaka Nɩaa 5:23

Mɩɩ sʋl Wɩa sɩɩ pɩ nɩaa fɩɛlɩŋ dɩ ʋ pɩɩsɛ ma disiniŋ kala. Ʋ jaŋ beŋ ma tʋɔbɩɩnaa arɩ ma yaraa kala a lɩɩsɛma wʋbɔŋ-na kala lɛ, dɩ ma wuo ŋaa nɩzɔmɔ a sɩ́ wʋcheeli kala kɛŋ, a mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

2 Timoti 3:17

Ŋ-la nɛ jaŋ pɛ Wɩa tɩntɩnna lɛ, dɩ ʋ wɩaa kala chesi dɩ ʋ wuo tɩŋ tɩntɩŋ zɔŋ na-kala.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

Jeems 1:5

Dɩ ma kʋŋkala nɛ bɩ wʋjɩmɩŋ kɛnɛ, ʋ sʋl Wɩa dɩ ʋ pʋ wʋjɩmɩŋ. Wɩa kɛŋ zile, ʋ yie joŋ wʋjɩmɩŋ pɩ nʋʋkala sɩ sʋlʋ nɛ, ʋ bɩ nʋʋkala vɩa ta.

Jeems 3:2

La kala yie ŋaa wɩaa piperigi nɛ. Dɩ nʋʋ nɛ bɩ wɩaa bʋla piperigi, ʋ bɩ wʋcheeli kɛnɛ. Ʋ wuo kɛŋ ʋ tɩtɩa nɛ wɩalɩŋ kala ʋ sɩɩ ŋaa lɛ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

2 Pɩɩta 1:9

Nɩɩ-la kala sɩ bɩ wɩaa deemba ka ŋaa, ʋ tɩɩna ŋaa nyʋlʋŋ nɛ, a nagɛ nɩɩ-la sɩɩ na ʋ naasɩŋ bʋbʋɔŋ dʋndʋŋa aŋ bɩ dɩ-bolii ka na, bɛɛ wɩaa ʋ tɩɩna paala yʋ arɩ Yesu chɛsɛ ʋ wʋbɔŋŋɔɔ ta nɛ.