Jeems 1:3 - WƖA TENIŊ

³ bɛɛ wɩaa dɩ ma nɩɩ na hɛɛŋ wɩɩ lɛ aŋ ha laa Wɩa dii, ŋɩɩ lɛ nɛ ma jaŋ kɛŋ kanyalɩma.

Jeems 1:3 ပူးပေါင်းရင်းမြစ်များ

Luuk 21:19

Dɩ ma nɛ nyalɩma, ma jaŋ laa ma mɩɩsɩŋ.”

Rom Tɩŋŋaa 15:4

Wɩalɩŋ kala ba fa sɩ ŋmʋnsa Wɩa teniŋ tʋɔŋ, ba ŋmʋnsa dɩ ba dagɛla nɛ, Wɩa teŋ-la nɛ dagɛla ŋɩɩ la sɩ jaŋ ŋaa a kɛŋ kenyiri, a ŋaa la nyuŋ nyaasɛ, dɩ la wuo yɩyɩɛlɛ kɩalɩŋ sɩ hɛ la sɩpaaŋ.

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

Rom Tɩŋŋaa 8:25

Ama dɩ la nɩɩ yɩɛlɛ wɩalɩŋ la ha sɩ bɩ na, la dii kenyiri a gbɩgbɛrɛ. La sɩ yie kɛŋ yɩɛlaa ŋɩɩ a kɛŋ kenyiri,

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

2 Kɔrɩntɩ Nɩaa 4:17

La teeŋ hɛɛ-la la sɩɩ na bɩ yʋgɛ aŋ bɩra bɩ jaŋ dieni maa. Hɛɛ-la dagɛla wombii-la la sɩ jaŋ to a laa yɩrɩŋ nɛ Wɩa teeŋ. Yɩrɩ-la jaŋ ŋaa yɩrɩ-bal. Yɩrɩ-bal-la la sɩ jaŋ laa jaŋ kɩɩ hɛɛ-la la sɩɩ na. La jaŋ kɛŋ yɩrɩ-balɩŋ deeŋ deeŋ.

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

2 Tɛsalonaaka Nɩaa 1:4

Ŋɩɩ wɩaa dɩ la nɛ bʋl ma wɩaa nɩalɩŋ sɩ laa Yesu wɩaa dii aa hilimi leree dɔnsʋŋ, la yie bigisi ma lɛ nɛ, bɛɛ wɩaa ba to naasɩŋ dɔgɩsɛma nɛ, ma na hɛɛŋ, aŋ ka ma ha nyalɩmɛ a chɩŋ wɩalɩŋ ma sɩ laa dii lɛ.

2 Tɛsalonaaka Nɩaa 3:5

Mɩɩ sʋl La Tɩɩna Wɩa dɩ ʋ leŋ dɩ ma wuo jɩŋ ma tʋɔŋ lɛ arɩ ʋ choma nɛ woruŋ. Mɩɩ sʋlʋ dɩ ʋ leŋ dɩ ma wuo kɛŋ kenyiri Kirisito doluŋ lɛ.

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.

Hiburu TƖŊŊAA 12:1

La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.

Hiburu TƖŊŊAA 6:12

La bɩ chɛ dɩ ma kɛŋ yarɩwɩɩŋ. Laa chɛ dɩ ma to nɩalɩŋ sɩ laa Wɩa wɩaa dii faafaa naabʋɔsʋŋ nɛ. Nɩaa deemba chɩŋ wɩalɩŋ ba sɩ laa dii lɛ nɛ a nyalɩma ŋɩɩ halɩɩ, a wuo na kɩalɩŋ Wɩa fa sɩ bʋla pɩba arɩ ba jaŋ na.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

2 Pɩɩta 1:6

Má to ma wʋjɩmɩɩ-la lɛ a kɛŋ ma tɩtɩa woruŋ. Ma sɩ kɛŋ ma tɩtɩa woruŋ ŋɩɩ, má kɛŋ nyalɩma. Ma sɩ kɛŋ nyalɩma ŋɩɩ, má ŋɩŋaa wɩalɩŋ sɩɩ to Wɩa wombiiŋ,