Jeems 1:27 - WƖA TENIŊ

²⁷ La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

Jeems 1:27 ပူးပေါင်းရင်းမြစ်များ

WƖA YƖƖLAA 119:1

Nɩalɩŋ sɩ bɩ wʋcheeli kala kɛnɛ jaŋ kɛŋ tʋɔtɔrʋŋ, nɩalɩŋ sɩɩ to La Tɩɩna wombii-la ʋ sɩ bile dɩ la tuto.

WƖA YƖƖLAA 146:9

La Tɩɩna ka beŋ nʋhʋɔraa nyuŋ nɛ, a chɩna gbɛrɛ biisinsiŋ arɩ yo-haalaa, aŋ chichei nɩbɔŋŋɔɔ wɩaa.

WƖA YƖƖLAA 68:5

Wɩa hɛ ʋ dɩɩ-bal-la sɩ bɩ disiniŋ kɛnɛ lɛ nɛ. Ʋ nɛ ŋaa biisinsiŋ nyɩmma, ʋ nɩɩ beŋ yo-haalaa ma.

AZAAYA 1:23

Nɩalɩŋ sɩɩ bemma bɩ mɩ niiŋ ka to, gaaraa nɛ ŋaa ba nandɔsʋŋ, ba cho kpalaa laanɩŋ nɛ woruŋ a kiree to kʋmɔlɩɩba harɩŋ. Ba bɩ chɩna gbɛrɛ biisinsiŋ, dɩ yo-haalaa nɛ kɛŋ wɩaa kɔ ba teeŋ, ba bɩ jegile nɩnɩɩ.

Matiu 12:32

Nɩɩ-la kala sɩ bʋl wʋbɔŋŋɔɔ a mʋ tɩgɛ mɩ-na Nuhuobiine Bie lɛ, Wɩa jaŋ joŋo chɛʋ, ama nɩɩ-la kala sɩ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛ ʋ tɩɩna lɛɛlɛ a kaa mʋ wuu.”

Matiu 5:8

Wɩa jaŋ pɛ nɩalɩŋ sɩ kɛŋ tʋɔpʋla lɛ, ba jaŋ na Wɩa.

Luuk 1:6

Zɛkarɩya arɩ ʋ haala kala fa ŋaa tʋɔpʋl tɩmma nɛ. Ba faa to Wɩa niiriŋ arɩ ʋ wʋdagaa nɛ woruŋ a bɩ wʋcheeli kala kɛnɛ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Rom Tɩŋŋaa 2:13

Nɩalɩŋ sɩ nɩɩ wɩalɩŋ Mosis sɩ ŋmʋnsa bil dɩ nɩaa tuto, ʋ ŋɩɩ bɩ jaŋ ŋaa dɩ ba kɛŋ tʋɔpʋla Wɩa teeŋ. Ama nɩalɩŋ sɩɩ to wɩalɩŋ Mosis sɩ ŋmʋnsa bil dɩ nɩaa tuto, ba nɛ jaŋ kɛŋ tʋɔpʋla Wɩa sɩpaaŋ.

Galiisia Nɩaa 1:4

Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.

Galiisia Nɩaa 3:11

Ama lɛɛlɛ Wɩa chaasa dagɛ arɩ nɩɩ-la kala sɩɩ to wɩalɩŋ Mosis sɩ ŋmʋnsa bil bɩ jaŋ wuo kɛŋ tʋɔpʋla ʋ sɩpaaŋ, bɛɛ wɩaa Wɩa teniŋ tʋɔŋ ba bʋla, “Tʋɔpʋl tɩŋŋaa jaŋ kɛŋ mɩɩsɩŋ a tɩŋ ba sɩ laa Wɩa dii.”

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

Galiisia Nɩaa 6:14

Ama mɩ-na, mɩ jaŋ bigisi mɩ tɩtɩa lɛ arɩ La Tɩɩna Yesu Kirisito sɩ sʋʋ daagɛsɛ-la nyuŋ dʋndʋŋa wɩaa. A tɩŋ ʋ sɩ sʋʋ ŋɩɩ, dʋnɩa wɩaa nagɛ wʋsʋʋnɩ nɛ mɩ teeŋ, mɩ ma nagɛ nɩsʋʋ dʋnɩa wɩaa teeŋ.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

MOSIS BƖRA WULLI WƖA WOMBIIŊ 14:29

Kʋdiile-la nɛ jaŋ ŋaa Levi doho nɩalɩŋ sɩ bɩ kpaal kɛnɛ ma Iziral tɩŋŋaa tʋɔŋ kʋdiilee, ba dɩ nɩwogusuŋ, biisinsiŋ arɩ yo-haala-la sɩ hɛ ma tasɩŋ lɛ, dɩ ba dii a vɔgɛ. Dɩ ma nɛ ŋaa ŋɩɩ, ma TƖƖNA Wɩa jaŋ pɛ ma lɛ wɩɩkala ma sɩɩ ŋaa lɛ.

1 Timoti 1:5

Wʋnyuŋ-la mɩ sɩɩ chɛ mɩ bʋla pɩŋ nɛ dɩ ba cho ba dɔnsʋŋ tɩŋŋaa arɩ tʋɔpʋla, a leŋ dɩ ba tʋɔbɩɩnaa chesi, a bɩra leŋ dɩ ba ŋaa nɩtɩtɩɩba wɩalɩŋ ba sɩ laa dii lɛ.

1 Timoti 5:4

Ama dɩ yo-haal-la nɛ kɛŋ biiriŋ koo nihee, ʋ maga dɩ ba laa sɩpaaŋ ŋaa wɩɩ-la Wɩa sɩ sɩ dɩ ba ŋaa nɛ a bibeŋ ba dɩa nɩaa, a wuo tiŋ nɩalɩŋ sɩ lʋlba arɩ ba naabalɩmaba chɩmɩŋ, bɛɛ wɩaa ŋɩɩ nɩɩ tɔrɛ Wɩa tʋɔŋ.

Taatɩs 2:12

Wɩa wʋzɔmɔ-la dagɛla dɩ la sɩ́ wʋbɔŋŋɔɔ ŋaa, a sɩ́ la tɩtɩa joŋo hɛ dʋnɩa wɩaa lɛ, a jɩma kɛŋ la tɩtɩa, a kɛŋ wʋtɩtɩɩ, a tuto Wɩa wombiiŋ dʋnɩa deeŋ lɛ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

Jeems 3:9

La yie kɛŋ la nandelimee nɛ a dɩdɛnnɛ Wɩa sɩ ŋaa La Tɩɩna a ŋaa la Nyɩmma ma, aŋ bɩra kɛŋ nandelime-la tɩtɩa a kaa bʋl wʋbɔŋŋɔɔ hɩhɛ la dɔnsʋŋ tɩŋŋaa ma Wɩa sɩ ŋaa ba nagʋ lɛ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

2 Pɩɩta 1:4

Wɩaa deemba kala lɛ nɛ Wɩa to a ŋaa wʋbal-la ʋ fa sɩ sɩ ʋ jaŋ ŋaa pɩla. Wɩalɩŋ zɔmɔ kɩŋkɛŋ la teeŋ. Ʋ joŋ wɩaa deemba pɩla dɩ la wuo lɩɩsɛ la tɩtɩa wʋbɔmɔ-la dʋnɩa nɩaa sɩɩ to ba tʋɔtɔrɛ wʋŋaalaa lɛ a ŋɩŋaa, ka dɩ la kʋ nagɛ ŋɩɩ Wɩa sɩ naga.

2 Pɩɩta 2:20

Dɩ nɩaa nɛ kʋ jɩŋ La Tɩɩna Yesu Kirisito, a lɩɩsɛ ba tɩtɩa dʋnɩa wɩalɩŋ sɩ bɩ zɔŋ lɛ, aŋ bɩra leŋ dɩ wɩaa deemba malba a kɛŋ doluŋ ba lɛ, nɩaa deemba dɩdɛrɩŋ nɛ jaŋ bɔmɔ kɩɩ bʋa-la lɛ ba ha sɩ bɩ wʋtɩtɩɩ-la jɩŋ.

2 Pɩɩta 3:14

Ŋɩɩ wɩaa mɩ nandɔŋ-kpɩanaba, ma sɩɩ gbɛrɛ dɩ ma na wɩaa deemba ŋɩɩ, má fɩɛsɛ sɩɩŋ a leŋ dɩ ma mɛlɛ zɔŋ, dɩ tapʋlɩɩ-la nɛ yie, dɩ Wɩa sɩ́ cheeriŋ joŋo pɩma, ka dɩ ma dɩ Wɩa sɩŋ.

1 Jɔɔŋ 5:18

La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.