Jeems 1:26 - WƖA TENIŊ

²⁶ Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

Jeems 1:26 ပူးပေါင်းရင်းမြစ်များ

JOB 15:13

ŋ na baanɩŋ Wɩa teeŋ, a bʋbʋl wʋdosunuŋ deemba?

JOB 30:11

Lɛɛlɛ Wɩa sɩ laa mɩ ba-laala, ka mɩɩ na hɛɛŋ, ba gennee ŋaa sakɔsʋ wɩaa mɩ sɩpaaŋ.

WƖA YƖƖLAA 141:3

La Tɩɩna, pɛ mɩ lɛ dɩ mɩ jɩŋ mɩ niiŋ kɛnɩŋ, dɩ mɩ nɩɩ chɛ mɩ bʋl wɩɩkala.

WƖA YƖƖLAA 32:9

Sɩ́ nɩyaarɩ ŋaa a nagɛ jaaba koo kakumo sɩ bɩ wɩaa sɩaa jɩŋ. Ba joŋ koŋ hɛ ʋ niiŋ koo ŋmɛnɩŋ vɔɔ a kɛnʋ dɩdagɛ wɩɩ-la sɩ maga dɩ ʋ ŋaa.”

WƖA YƖƖLAA 34:13

tɩɩna sɩ́ wʋbɔŋŋɔɔ bʋl a sɩ́ wɩaa ma nyɩnyɩa.

NAMAGABA 10:19

Wʋbʋl kɩŋkɛŋ tɩɩna yie bʋl wɩalɩŋ sɩ bɩ maga dɩ ʋ bʋl nɛ, ama nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ.

NAMAGABA 10:31

Tʋɔpʋl tɩɩna yie bʋl wɩaa arɩ wʋjɩmɩŋ nɛ, ama ba jaŋ tɔ wʋnyɩɛra-na niiŋ.

NAMAGABA 14:12

Ŋ jaŋ wuo bɩɩnɛ arɩ ŋ ŋaa wɩɩ ʋ bʋa lɛ nɛ, ama ʋ dɩdɛrɩŋ lɛ ŋ sʋʋ.

NAMAGABA 15:2

Wʋjɩnna wʋbʋlʋŋ yie leŋ nɩaa na dɩ wʋjɩmɩŋ zɔmɔ nɛ, ama dɩ nɩyaara-na nɛ suri ʋ niiŋ, nɩyaarɩ wɩaa nɛ ʋ yie bʋbʋl.

NAMAGABA 16:10

Wɩa nɛ pɩ kuoro doluŋ ʋ kaa bʋbʋl wɩaa, wʋnyɩɛrɩŋ bɩ maga dɩ ʋ lɩɩ ʋ niiŋ lɛ.

NAMAGABA 16:25

Ŋ jaŋ wuo bɩɩnɛ arɩ ŋ ŋaa wɩɩ ʋ bʋa lɛ nɛ, ama ʋ dɩdɛrɩŋ lɛ ŋ sʋʋ.

NAMAGABA 19:1

Nʋʋ sɩ ŋaa nyaabʋ aŋ bɩ wʋcheeli kala kɛnɛ, ʋ nɛ kpɩa nʋʋ sɩ ŋaa nɩyaarɩ aŋ nyɩnyɩɛ wɩaa.

NAMAGABA 21:26

Bʋa na-kala ʋ yie chɩchɛ dɩ ʋ kɛŋ kɩaa yʋgɛ nɛ. Ama tʋɔpʋl tɩɩna-na kɛŋ zile kɩŋkɛŋ nɛ a joŋ kɩaa pɩpɩ nɩaa.

AZAAYA 1:13

Má bɩra sɩ́ ma Wɩɩsʋlʋŋ kɩalɩŋ sɩ bɩ bʋbʋɔŋ kɛnɛ kaa kɔ mɩ sɩpaaŋ. Mɩ bɩra bɩ ma kʋsʋɔrʋsʋ-la ma sɩ yie nyɩgaa pɩmɛ maa chɛ. Ba nagɛ bɩnɩŋ nɛ mɩ teeŋ. Ma chɛŋ-falɩŋ gbiele arɩ ma chɛ-wiesiŋ gbielee arɩ ma sɩ yie hilimi aa zilmi, mɩ bɩra bɩ jaŋ wuo chɩna gbɛrɛma ba kʋŋkala lɛ.

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

MALAKAƖ 3:14

Wɩɩ-la ma sɩ bʋla nɛ ŋ-la: ‘Ʋ ŋaa wʋpɛɩ nɛ dɩ la nɩɩ to Wɩa. Wʋzɔŋ bɛɛba nɛ la na bʋa-la lɛ la sɩ to wɩalɩŋ ʋ sɩ dagɛla a kɛŋ la tɩtɩa muuri La TƖƖNA doluŋ kala Tɩɩna sɩpaaŋ a dagɛ arɩ la tʋɔŋ chei la wʋbɔŋŋɔɔ wɩaa nɛ?

Matiu 15:9

Ba yie chʋɔlɛmɛ pɛɩ nɛ aa dagɛ nuhuobiine wɛnɩŋ aŋ bʋl mɩ nɛ bʋla. Nuhuobiine wɛnɩŋ nɛ baa to aŋ vɩa Wɩa niiŋ wɩaa.’ ”

Maak 7:7

Ba yie chʋɔlɛmɛ pɛɩ nɛ aa dagɛ nuhuobiine wombiiŋ aŋ bʋl dɩ Wɩa nɛ bʋla.’

Luuk 8:18

Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ lɛ. Nɩɩ-la kala sɩɩ to Wɩa niiŋ wɩaa, Wɩa jaŋ faasa pɛ ʋ lɛ dɩ ʋ to woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la maa, ʋ jaŋ laaʋ kaa viiri.”

1 Kɔrɩntɩ Nɩaa 15:15

Ʋ ŋɩɩ saa jaŋ nagɛ arɩ la nyɩɛ wɩaa pɩpɩ Wɩa nɛ, bɛɛ wɩaa la bʋla arɩ ʋ chɩsɛ Kirisito sʋʋŋ lɛ nɛ. Dɩ nɩaa nɛ bɩ jaŋ sʋʋ aŋ wuo sii sʋʋŋ lɛ, ŋɩɩ-na Wɩa bɩ Kirisito chɩsa.

1 Kɔrɩntɩ Nɩaa 15:2

Wɩa wʋzɔmɔ-la nɛ jaŋ laama ta, dɩ ma nɛ kɛŋ wɩalɩŋ mɩ sɩ bʋla pɩma woruŋ. Má sɩ́ leŋe dɩ ʋ nagɛ arɩ wɩalɩŋ ma sɩ laa dii bɩ bʋbʋɔ kɛnɛ.

1 Kɔrɩntɩ Nɩaa 3:18

Nʋʋkala sɩ́ ʋ tɩtɩa nyɩsʋ. Dɩ nʋʋ nɛ hɛ ma tʋɔŋ a bɩɩnɛ arɩ ʋ kɛŋ wʋjɩmɩŋ dʋnɩa deeŋ lɛ, ʋ maga dɩ ʋ bɩrɩmɛ nɩyaarɩ nɛ a wuo kɛŋ wʋjɩmɩɩ-la sɩ lɩɩ Wɩa teeŋ.

Galiisia Nɩaa 2:6

Mɩ jaŋ bʋl arɩ nɩalɩŋ sɩ ŋaa nɩhɩasɩŋ Wɩa nɩaa tʋɔŋ bɩ wɩɩ bʋla dɩ mɩ dagɛ a pɛ Wɩa wʋzɔmɔ-la lɛ mɩ sɩ jɩma. Ama nɩaa deemba dɩchɩnɩŋ bɩ wɩɩ ŋaa mɩ teeŋ, bɛɛ wɩaa Wɩa bɩ nuhuobiine yaraa lɛ nɩɩ beŋ.

Galiisia Nɩaa 2:9

Jeems arɩ Pɩɩta arɩ Jɔɔŋ sɩ ŋaa Wɩa nɩaa tʋɔŋ nɩhɩasɩ-la na arɩ wʋtɩtɩɩ, Wɩa nɛ lɩɩsɛmɛ dɩ mɩ tɩŋ tɩntɩŋ-fɩɛmɩŋ deeŋ. Ŋɩɩ nɛ ba kɛŋ mɩ dɩ Banabas hɛ ba tʋɔŋ, la kala kɛŋ nii-bala. Ba bʋla arɩ la dɩ Banabas jaŋ mʋ bʋl Wɩa wʋzɔmɔ-la nɩalɩŋ sɩ bɩ Juu tɩŋŋaa ŋaa teeŋ, ka ba ma bʋl wʋzɔmɔ-la Juu tɩŋŋaa teeŋ.

Galiisia Nɩaa 3:4

Hɛɛ-la kɩŋkɛŋ ma sɩ na ŋaa pɛɩ nɛ ma teeŋ koo? Aɩ, mɩ bɩɩna ʋ bɩ pɛɩ wuo ŋaa.

Galiisia Nɩaa 6:3

Dɩ nʋʋ nɛ bɩɩna arɩ ʋ ŋaa nʋʋ nɛ, aŋ bɩ nʋʋ ŋaa, ʋʋ nyɩsɛ ʋ tɩtɩa nɛ.

Ɛfɛsɩs Nɩaa 4:29

Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

Ɛfɛsɩs Nɩaa 5:4

Má sɩ́ wʋlɩɩlɩŋ arɩ wʋtɔɔnʋŋ ma bʋbʋl. Má sɩ́ sɩsɩɩ-tɔɔnʋŋ ma sɩɩ. Ʋ bɩ maga dɩ Wɩa nɩaa ŋɩŋaa wɩaa deemba. Ama ʋ maga dɩ ma lʋlɔllɛ Wɩa nɛ bʋa na-kala lɛ.

MOSIS BƖRA WULLI WƖA WOMBIIŊ 11:16

Má fɩɛlɛ ma sɩaa, dɩ ma tʋɔbɩɩnaa sɩ́ bɩrɩmʋ dɩ ma to vesiŋ harɩŋ a kpʋkpaarɛba.

Koloosi Nɩaa 4:6

Má leŋ dɩ ma wʋbʋlaa kala sɩŋ a kɛŋ bʋbʋɔŋ, dɩ ma wuo jɩŋ ŋɩɩ ma sɩ jaŋ to a chaarɛ nʋʋkala wɩaa sɩaa pʋ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 1:22

Ʋ maga dɩ ma ŋɩŋaa wɩalɩŋ Wɩa sɩ sɩ ma ŋɩŋaa nɛ. Ʋ bɩ maga dɩ ma nɩnɩɩ wɩalɩŋ dʋndʋŋ. Dɩ ma nɩ́ɩ nɩɩ wɩalɩŋ aŋ bɩbaa ŋaa, maa nyɩsɛ ma tɩtɩa nɛ.

Jeems 2:20

Bɛɛ nɛ tɩɩ ma yaarɛ ŋ-la a bɩɩnɛ dɩ nʋʋ jaŋ wuo laa Wɩa wɩaa dii aŋ bɩ wʋzɔŋŋɔɔ ŋaa pɩpɛ? Má leŋ dɩ mɩ dagɛma arɩ nʋʋ nɛ sɩ ʋ laa Wɩa wɩaa dii nɛ aŋ bɩ wʋzɔŋŋɔɔ ŋaa pɩpɛ, ʋ Wɩa laa diine-la ŋaa pɛɩ nɛ.

1 Pɩɩta 3:10

Ba ŋmʋnsɛ Wɩa teniŋ tʋɔŋ a bʋl, “Dɩ nʋʋkala nɩɩ chɛ dɩ ʋ nɩɩ sɩma a na wʋzɔŋŋɔɔ dʋnɩa deeŋ lɛ, tɩɩna sɩ́ wʋbɔŋŋɔɔ bʋbʋl, a sɩ́ wɩaa ma nyɩnyɩa.