Jeems 1:25 - WƖA TENIŊ

²⁵ Ama nɩɩ-la sɩ joŋ ʋ sɩaa hɛ Wɩa wombii-la sɩ chaasa zɔŋ a laa nɩaa tɩta lɛ, a fɩɛsɛ sɩɩŋ tutou, a bɩ wɩalɩŋ ʋ sɩ nɩa yʋa aŋ kɛmba tɩtɩŋ, Wɩa jaŋ pɛ ʋ lɛ wɩalɩŋ kala ʋ sɩɩ ŋaa lɛ.

Jeems 1:25 ပူးပေါင်းရင်းမြစ်များ

WƖA YƖƖLAA 106:3

Nɩalɩŋ sɩ chɩŋ wʋtɩtɩɩ naaŋ lɛ, arɩ nɩalɩŋ sɩɩ ŋaa wɩaa ba bʋa lɛ bʋa na-kala, ba tʋɔŋ jaŋ tɔrɛ.

WƖA YƖƖLAA 119:32

Mɩ jaŋ chaasa to wɩalɩŋ ŋ sɩ daga, bɛɛ wɩaa ŋ jaŋ leŋ dɩ mɩ jɩŋ wɩaa bʋbʋɔŋ kɩŋkɛŋ.

WƖA YƖƖLAA 119:45

Mɩ jaŋ gɔllɔ ta jɩa, a tɩŋ mɩ sɩɩ to ŋ wʋdagaa wɩaa.

NAMAGABA 14:15

Nɩalɩŋ sɩ bɩ wɩaa jɩŋ woruŋ-na yie laa wɩɩkala ba sɩ nɩa dii nɛ, ama nɩalɩŋ sɩ kɛŋ wʋjɩmɩŋ-na yie bɩɩnɛ woruŋ nɛ dɩ ba sɩ́ yeŋŋu.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

Luuk 11:28

Ŋɩɩ nɛ Yesu mɩɩra bʋla pʋ, “Nɩɩ-la sɩ nɩɩ Wɩa niiŋ wɩaa a tutoba, ʋ-na tɩɩna tʋɔŋ nɛ jaŋ tɔrɛ.”

Jɔɔŋ 13:17

Ma lɛɛlɛ sɩ jɩŋ wɩaa deemba ŋɩɩ, dɩ ma nɩɩ ŋaaba, ma jaŋ kɛŋ tʋɔtɔrʋŋ.

Jɔɔŋ 8:36

Dɩ mɩ-na Wɩa Bie nɛ saa laama ta, mɩ sɛnɛ laama ta nɛ dɩ ma tɩɩ ma tɩtɩa.

Tɩntɩŋŋaa 13:43

Ŋɩɩ nɛ nɩalɩŋ kala lɩɩ Wɩɩchʋɔlɛ dɩa lɛ. Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa aŋ tuto Juu tɩŋŋaa Wɩɩchʋɔlɛ wombiiŋ, ba yʋga a to Pɔɔl arɩ Banabas harɩŋ. Pɔɔl arɩ Banabas bʋl wɩaa pɩba a sʋsʋlba dɩ ba chɩŋ Wɩa wʋzɔmɔ-la lɛ a sɩ́ joŋo ta.

Tɩntɩŋŋaa 2:42

Ba joŋ ba nyuŋ kala hɛ wɩalɩŋ Yesu nanzɔɔba-la sɩɩ dagʋ lɛ arɩ sɩɩfɩɛsɩŋ a kɛŋ nii-bala. Ba kala hɔŋ a didii kʋdiile-la Yesu fa sɩ́ sɩ dɩ ba dii a liliisi ʋ wɩaa, aŋ pɛ gbaara chʋchʋɔlɛ Wɩa.

Tɩntɩŋŋaa 26:22

Ama arɩ jɩnɩŋ kala Wɩa haa pɛ mɩ lɛ nɛ, ŋɩɩ nɛ tɩɩ mɩ chɩŋ daha aa bʋl wɩaa deemba kala mɩ sɩ pɛ na aŋ nɩɩ ma a pɩpɩma, ma nɩbalaa arɩ ma nɩbiisiŋ kala. Wɩɩŋ deeŋ mɩ sɩɩ bʋl, ʋ tɩtɩa nɛ Wɩa wʋlaabʋllaa arɩ Mosis kala fa bʋl arɩ wɩɩ-la jaŋ ŋaa.

Rom Tɩŋŋaa 11:22

Ma na ŋɩɩ Wɩa sɩ kɛŋ zile arɩ ŋɩɩ ʋ sɩ tɛrɛ nɛ. Ʋ tɛrɛ nɩalɩŋ sɩ mɩɩrɛ ʋ harɩŋ nyuŋ nɛ. Ama ʋ kɛŋ zile ma-na teeŋ, dɩ ma nɛ sɛyɛ dɩ ma tuto ʋ zile-la lɛ arɩ ma sɩ suomi ŋɩɩ. Ŋɩɩ dee ʋ jaŋ kerima ma ta.

Rom Tɩŋŋaa 2:13

Nɩalɩŋ sɩ nɩɩ wɩalɩŋ Mosis sɩ ŋmʋnsa bil dɩ nɩaa tuto, ʋ ŋɩɩ bɩ jaŋ ŋaa dɩ ba kɛŋ tʋɔpʋla Wɩa teeŋ. Ama nɩalɩŋ sɩɩ to wɩalɩŋ Mosis sɩ ŋmʋnsa bil dɩ nɩaa tuto, ba nɛ jaŋ kɛŋ tʋɔpʋla Wɩa sɩpaaŋ.

Rom Tɩŋŋaa 7:12

Wɩalɩŋ Mosis fa sɩ bile dɩ nɩaa tuto saa bɩ disiniŋ kɛnɛ, wɩɩ-la kala sɩ hɛ wɩalɩŋ tʋɔŋ ma bɩ disiniŋ kɛnɛ. Ba kala ŋaa tʋɔpʋl wɩaa nɛ a zɔŋ.

Rom Tɩŋŋaa 8:15

Wɩa bɩ ma ŋaa dɩ ma nagɛ yosuŋ a bɩra fɩfá fawʋllʋŋ, ama ʋ Dɩŋ-zɔŋ-la leŋe ma ŋaa ʋ biiriŋ nɛ. Dɩ la nɩɩ yɩrʋ, la wuo kɛnʋ yɩrɛ “La Nyɩmma.”

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

2 Kɔrɩntɩ Nɩaa 13:5

Má beŋ ma tɩtɩa lɛ a pɛ mɩmagɩsɛ ma tɩtɩa, a na dɩ ma chɩŋ ma wɩalɩŋ ma sɩ laa dii naaŋ lɛ nɛ koo ma bɩ chɩna. Ma bɩ jɩŋ arɩ Yesu Kirisito hɛ ma lɛ nɛɛ? Dɩ ma nɛ bɩ jɩŋ dɩ ʋ hɛ ma lɛ, ŋɩɩ-na ma tele nɛ ŋɩɩ.

Galiisia Nɩaa 2:4

Arɩ ŋɩɩ kala, nɩaa dɔnsʋŋ fa bʋla arɩ Taatɩs maga ʋ keri ʋ peniŋ nɛ. Nɩaa deemba fa fugo arɩ ba ma laa Yesu wɩaa dii nɛ a ŋaa la naambiiriŋ. Ba fa kʋ guoli la tʋɔŋ dɩ ba na arɩ laa to Juu tɩŋŋaa naabalɩmaba wombii-la nɛ koo la bɩbaa to. La sɩ laa Yesu Kirisito wɩaa dii ŋɩɩ, ba faa chɛ dɩ ba na ŋɩɩ la sɩ lɩɩsɛ la tɩtɩa Juu tɩŋŋaa naabalɩmaba wombiiŋ lɛ nɛ. Ba fa cho dɩ la to Juu tɩŋŋaa naabalɩmaba wombii-la nɛ a ŋaa yosi ʋ lɛ.

Galiisia Nɩaa 5:1

Kirisito laala ta nɛ dɩ la tɩɩ la tɩtɩa. Má saa chɩŋ kpaŋ kpaŋ, a pɔ dɩ nʋʋkala bɩra sɩ́ ma kaa ŋaa yosi.

Galiisia Nɩaa 6:2

Dɩ ma kʋŋ nɛ jʋʋ wɩɩ, má pɛ ʋ lɛ. Dɩ ma nɩɩ ŋaa ŋɩɩ, maa to Kirisito niiŋ nɛ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

1 Timoti 2:15

Ama dɩ haala nɛ laa Wɩa dii, a cho nɩaa, a leŋ dɩ ʋ sɩaa fɩɛlɛ a bɩ disiniŋ kɛnɛ, Wɩa jaŋ laaʋ ta biiriŋ lʋlʋŋ lɛ.

1 Timoti 4:16

Kɛŋ ŋ tɩtɩa a mʋ tɩgɛ ŋ mɛlɛ arɩ wɩalɩŋ ŋ sɩɩ dagɛ lɛ. Chɩŋ wɩalɩŋ lɛ woruŋ, bɛɛ wɩaa dɩ ŋ nɛ ŋaa ŋɩɩ, ŋ jaŋ laa ŋ tɩtɩa arɩ nɩalɩŋ sɩ jegilee nɩɩ ŋ teeŋ ta.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

Jeems 2:12

Dɩ ma nɩɩ bʋl wɩaa aŋ pɛ ŋɩŋaa wɩaa, má liise yi arɩ Wɩa jaŋ to ma wʋbʋlaa arɩ ma wʋŋaalaa lɛ nɛ a dii ma sarɩya. Ʋ jaŋ to wɩalɩŋ lɛ ʋ sɩ leŋe ba ŋmʋnsa bil dɩ nɩaa tuto nɛ a dii ma sarɩya. Wɩaa deemba nɛ laa nɩaa tɩta.

1 Pɩɩta 2:16

Ma tɩɩ ma tɩtɩa nɛ, ŋɩɩ wɩaa má hɔŋ a nagɛ nɩaa sɩ tɩɩ ba tɩtɩa, aŋ sɩ́ leŋe dɩ ŋɩɩ ŋaa dɩ ma ŋaa wʋbɔŋŋɔɔ. Ama má ŋaa wɩalɩŋ sɩ jaŋ dagɛ arɩ ma ŋaa Wɩa tɩntɩnnaa nɛ.

1 Jɔɔŋ 2:24

Má leŋ dɩ wɩalɩŋ kala ma sɩ nɩa bumbuŋ hɛ ma tʋɔŋ a kaa mʋ. Dɩ wɩaa deemba nɛ hɛ ma tʋɔŋ a kaa mʋ, ma jaŋ hɛ Wɩa Bie arɩ ʋ Nyɩmma lɛ.

Jɔɔŋ Wʋnaalaa 14:13

Ka mɩ nɩɩ yikoro kʋbala dɩ ʋ lɩɩ Wɩa-jaŋ a bʋl, “Ŋmʋnsɛ wɩɩŋ deeŋ: Nɩalɩŋ sɩ laa La Tɩɩna Yesu wɩaa dii aŋ sʋʋ, Wɩa jaŋ pɛ ba lɛ a chɩŋ lɛɛlɛ kaa mʋ.” Ŋɩɩ nɛ Wɩa Dɩŋ-zɔmʋŋ ma bʋl, “Wɩa sɛnɛ jaŋ pɛ nɩaa deemba lɛ dɩ ba wuo na wiese woruŋ. Ba bɩra bɩ jaŋ tɩŋ, bɛɛ wɩaa tɩntɩmɩɩ-la ba sɩ tɩma ka to ba harɩŋ nɛ.”

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.

1 SAMƲƐL 12:14

Wɩɩkala jaŋ vɛŋ woruŋ pɩ ma dɩ kuoru-la La TƖƖNA sɩ joŋo pɩma dɩ ʋ bibemma, dɩ ma dɩ ʋ kala nɩɩ fá La TƖƖNA Wɩa, a tɩma pʋpʋ, a sɛyɛ tuto wɩalɩŋ kala ʋ sɩ daga.