Jeems 1:22 - WƖA TENIŊ

²² Ʋ maga dɩ ma ŋɩŋaa wɩalɩŋ Wɩa sɩ sɩ ma ŋɩŋaa nɛ. Ʋ bɩ maga dɩ ma nɩnɩɩ wɩalɩŋ dʋndʋŋ. Dɩ ma nɩ́ɩ nɩɩ wɩalɩŋ aŋ bɩbaa ŋaa, maa nyɩsɛ ma tɩtɩa nɛ.

Jeems 1:22 ပူးပေါင်းရင်းမြစ်များ

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

JƐRƖMAAYA 11:6

La TƖƖNA bɩra bʋla pɩmɛ, “Heele bʋl wɩaa deemba Juda tasɩŋ arɩ Jerusalɛm womporunuŋ lɛ, ‘Má jegile nɩɩ wɩalɩŋ sɩ hɛ niiŋ deeŋ sɩ hɛ mɩ dɩ ma pɛgɛ lɛ a toba.

OBADAAYA 1:3

Ŋ babii-ballɩŋ nyɩsɩŋ nɛ, ŋ sɩ hɔŋ bʋŋ nyuŋ ŋɩɩ, ŋ dɩa hɛ peelee nyuŋ dɩ-bolii, ŋ bʋl ŋ tʋɔŋ lɛ, ‘Kʋbɛɛ nɛ jaŋ wuo sorimi kʋ tʋʋ tinteeŋ?’

Matiu 12:50

Nɩɩ-la kala sɩ ŋaa wɩɩ-la mɩ Nyɩmma Wɩa sɩ hɛ Wɩa-jaŋ lɛ sɩ cho, ʋ nɛ ŋaa mɩ ŋaana arɩ mɩ dɩhaala arɩ mɩ naaŋ.”

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Luuk 11:28

Ŋɩɩ nɛ Yesu mɩɩra bʋla pʋ, “Nɩɩ-la sɩ nɩɩ Wɩa niiŋ wɩaa a tutoba, ʋ-na tɩɩna tʋɔŋ nɛ jaŋ tɔrɛ.”

Jɔɔŋ 13:17

Ma lɛɛlɛ sɩ jɩŋ wɩaa deemba ŋɩɩ, dɩ ma nɩɩ ŋaaba, ma jaŋ kɛŋ tʋɔtɔrʋŋ.

Rom Tɩŋŋaa 2:13

Nɩalɩŋ sɩ nɩɩ wɩalɩŋ Mosis sɩ ŋmʋnsa bil dɩ nɩaa tuto, ʋ ŋɩɩ bɩ jaŋ ŋaa dɩ ba kɛŋ tʋɔpʋla Wɩa teeŋ. Ama nɩalɩŋ sɩɩ to wɩalɩŋ Mosis sɩ ŋmʋnsa bil dɩ nɩaa tuto, ba nɛ jaŋ kɛŋ tʋɔpʋla Wɩa sɩpaaŋ.

1 Kɔrɩntɩ Nɩaa 15:33

Ama ma sɩ́ ma tɩtɩa nyɩsʋ. Dɩ ŋ nɛ ŋaa nɩzɔŋ aŋ tuto nɩbɔŋŋɔɔ harɩŋ, ŋ ma jaŋ kʋ ŋaa nɩbɔŋ.

1 Kɔrɩntɩ Nɩaa 3:18

Nʋʋkala sɩ́ ʋ tɩtɩa nyɩsʋ. Dɩ nʋʋ nɛ hɛ ma tʋɔŋ a bɩɩnɛ arɩ ʋ kɛŋ wʋjɩmɩŋ dʋnɩa deeŋ lɛ, ʋ maga dɩ ʋ bɩrɩmɛ nɩyaarɩ nɛ a wuo kɛŋ wʋjɩmɩɩ-la sɩ lɩɩ Wɩa teeŋ.

1 Kɔrɩntɩ Nɩaa 6:9

Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

Galiisia Nɩaa 6:3

Dɩ nʋʋ nɛ bɩɩna arɩ ʋ ŋaa nʋʋ nɛ, aŋ bɩ nʋʋ ŋaa, ʋʋ nyɩsɛ ʋ tɩtɩa nɛ.

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

Fɩlɩpa Nɩaa 4:8

Mɩ naambiiriŋ, wɩɩ-la dɩdɛrɩŋ nɛ ŋ-la: Má ŋɩŋaa wɩalɩŋ sɩ ŋaa wʋtɩtɩɩba, wɩalɩŋ sɩ kɛŋ yɩrɩŋ, wɩalɩŋ sɩɩ to wombiiŋ, wɩalɩŋ sɩ bɩ disiniŋ kɛnɛ, wɩalɩŋ sɩ daga arɩ ma cho nɩaa, wɩalɩŋ sɩ zɔmɔ nɩaa sɩpaaŋ arɩ wɩalɩŋ sɩ jaŋ leŋ dɩ nɩaa bɩbɛsɛ ma lɛ. Má joŋ ma nyuŋ hɛ wɩaa deemba lɛ.

Koloosi Nɩaa 3:17

Wɩɩ na-kala ma sɩɩ ŋaa koo ma sɩɩ bʋl, má ŋaa ba kala La Tɩɩna Yesu yɩrɩŋ lɛ a lɔllɛ la Nyɩmma Wɩa ʋ yɩrɩŋ lɛ.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

Jeems 4:11

Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

Jeems 4:17

Dɩ nʋʋ nɛ jɩŋ wʋzɔmʋŋ sɩ maga dɩ ʋ ŋaa, ka ʋ vɩa dɩ ʋ ŋaa wɩɩ-la, ŋɩɩ ŋaa wʋbɔŋ nɛ.

2 Pɩɩta 2:13

Wʋbɔmɔ-la ba sɩɩ ŋaa nɩaa lɛ, Wɩa jaŋ joŋ wʋbɔmɔ-la chɩmɩŋ a tiŋ ba lɛ. Ba tʋɔtɔrʋŋ kala nɛ dɩ ba gɔllɔɔ ŋaa wʋlɩɩlɩŋ deemba ba bɩ kaa fɩfaa. Ba sɩɩ ŋaa ŋɩɩ, nɩaa yie chichei ma yɩrɩŋ a joŋ hɩɩsɩŋ aa hɛ ma lɛ. Ba yie guoli ma tʋɔŋ nɛ ma kala didii kɩaa, ama ba yie lɩɩ ma harɩŋ a ŋɩŋaa ba wʋlɩɩlɩŋ.

1 Jɔɔŋ 1:8

Dɩ la nɛ sɩ la bɩ wʋbɔŋŋɔɔ ŋaa, laa nyɩsɛ la tɩtɩa nɛ. La bɩ wʋtɩtɩɩ kɛnɛ.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 3:7

Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”