Jeems 1:21 - WƖA TENIŊ

²¹ Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.

Jeems 1:21 ပူးပေါင်းရင်းမြစ်များ

WƖA YƖƖLAA 25:9

Ʋ nɛ laa nɩalɩŋ sɩ kɛŋ ba tɩtɩa muuri sɩpaaŋ, a dagɛba dɩ ba ŋɩŋaa wɩaa ba bʋa lɛ aŋ tuto ʋ wombiiŋ.

AZAAYA 2:20

Tapʋlɩɩ-la, nuhuobiinee jaŋ joŋ tɔmɔ-la kala ba sɩ kɛŋ hɔpʋla arɩ sɛlɩmɛ libi a kpʋkpaarɛ, a yuo pɩ taatɩaa arɩ jɩnnɩŋ.

AZAAYA 29:19

Nɩalɩŋ sɩ kɛŋ ba tɩtɩa muuri jaŋ wasa jʋɔsɛ La TƖƖNA teeŋ, dɩ nɩalɩŋ ma sɩ bɩ ba tɩtɩa lɛ wuo pɛ, bɩra jʋɔsɛ Iziral tɩŋŋaa Wɩa sɩ bɩ disiniŋ kɛnɛ teeŋ.

AZAAYA 30:22

Ŋɩɩ nɛ ma jaŋ paa tɔmɔ-la ma sɩ kɛŋ hɔpʋla arɩ sɛlɩmɛ taara tɔ a yuo ta, a nagɛ haala sɩ lɩɩsɛ amuosii yuo ta aŋ bʋl, “Má mʋ aŋ ka mɩ.”

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ZEFANAAYA 2:3

Má chɛ La TƖƖNA, ma nɩalɩŋ kala sɩ kɛŋ ma tɩtɩa muuri a hɛ tintee-la lɛ, ma nɩalɩŋ sɩɩ ŋaa wɩalɩŋ ʋ sɩ daga, má kɛŋ tʋɔpʋla, a kɛŋ ma tɩtɩa muuri, ŋ bɩ pɔ ma jaŋ na leriŋ a kɛŋ ma nyusuŋ pɛllɛ tapʋlɩɩ-la La TƖƖNA sɩ jaŋ na baanɩŋ.

Matiu 5:5

Wɩa jaŋ pɛ nɩalɩŋ sɩ bɩ ba tɩtɩa ka dagɛ lɛ. Ba jaŋ dii Wɩa kuorii-la tintee-falɩɩ-la lɛ.

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Jɔɔŋ 6:68

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Tɩntɩŋŋaa 10:33

Kɔnɩɩlɩas bɩra bʋl, “Ŋɩɩ nɛ tɩɩ mɩ guu tɩŋ nɩaa, ba kɔ ŋ teeŋ dɩ ba yɩrɩŋ. Ŋ ma hɛ doluŋ ŋ sɩ kɔ ŋ-la. Lɛɛlɛ la kala hilime nɛ Wɩa sɩpaaŋ, a gbɩgbɛrɛ dɩ la nɩɩ wɩɩ-la La Tɩɩna sɩ dagɩŋ dɩ ŋ bʋla pɩla.”

Tɩntɩŋŋaa 13:26

Mɩ naambiiriŋ Abɩraham doho nɩaa arɩ ma nɩalɩŋ sɩ bɩ Juu tɩŋŋaa ŋaa a hɛ daha a fɩfá Wɩa, la wɩaa nɛ ba tɩŋ dɩ ba bʋl wɩaa deemba sɩ jaŋ wuo laala ta.

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Rom Tɩŋŋaa 11:17

Juu tɩŋŋaa saa nagɛ tɩa-la ba sɩɩ yɩrɛ Olif nɛ. Ba kɛŋ ʋ nɛnɛɛ a kaa tutugi nʋʋŋ nɛ. Wɩa ŋaa ʋ zɔŋ. Ŋɩɩ nɛ Wɩa keri ʋ naakelee dɔnsʋŋ, aŋ kɛmma kaa mɛrɛ ba leree, ma nɩalɩŋ sɩ nagɛ gɩrɩŋ tɩɩ-naakelee. Ʋ ŋaa ŋɩɩ dɩ ma ma pɛ nɩɩ Olif tɩɩ-zɔŋ-la naakelee sɩma nɛ.

Rom Tɩŋŋaa 6:17

Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ.

1 Kɔrɩntɩ Nɩaa 15:2

Wɩa wʋzɔmɔ-la nɛ jaŋ laama ta, dɩ ma nɛ kɛŋ wɩalɩŋ mɩ sɩ bʋla pɩma woruŋ. Má sɩ́ leŋe dɩ ʋ nagɛ arɩ wɩalɩŋ ma sɩ laa dii bɩ bʋbʋɔ kɛnɛ.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Ɛfɛsɩs Nɩaa 1:13

Ma ma kʋ ŋaa Kirisito nɩaa nɛ bʋa-la lɛ ma sɩ nɩɩ Wɩa wɩalɩŋ sɩ ŋaa wʋtɩtɩɩba, Yesu wʋzɔmɔ-la sɩ laa nɩaa tɩta. Ma sɩ laa ʋ wɩaa dii ŋɩɩ, Wɩa joŋ ʋ Dɩŋ-zɔmʋŋ hɛ ma lɛ nɛ a magɩlɛma, kʋ-la ʋ fa sɩ sɩ ʋ jaŋ joŋo pɩ nɩalɩŋ sɩ laa ʋ wɩaa dii.

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Ɛfɛsɩs Nɩaa 4:25

Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

Ɛfɛsɩs Nɩaa 5:4

Má sɩ́ wʋlɩɩlɩŋ arɩ wʋtɔɔnʋŋ ma bʋbʋl. Má sɩ́ sɩsɩɩ-tɔɔnʋŋ ma sɩɩ. Ʋ bɩ maga dɩ Wɩa nɩaa ŋɩŋaa wɩaa deemba. Ama ʋ maga dɩ ma lʋlɔllɛ Wɩa nɛ bʋa na-kala lɛ.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

1 Tɛsalonaaka Nɩaa 2:13

A tɩŋ wɩɩŋ deeŋ wɩaa, la yie lʋlɔllɛ Wɩa nɛ bʋa na-kala. La sɩ kɛŋ Wɩa wɩalɩŋ kʋ bʋla pɩma, ma laaba nɛ a sɛɩba. Ma bɩ ba joŋo arɩ ba ŋaa nuhuobiine wɩaa, ama ma sɛɩba arɩ ba sɛnɛ ŋaa Wɩa wɩaa nɛ, wɩalɩŋ ka tɩŋ ma nɩalɩŋ sɩ laaba dii lɛ nɛ.

Taatɩs 2:11

Wɩa dagɛ ʋ zile pɩla nɛ, a kɔ dɩ ʋ laa nʋʋkala ta.

Hiburu TƖŊŊAA 12:1

La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Hiburu TƖŊŊAA 4:2

Wɩa wʋzɔmɔ-la ba sɩ bʋla pɩla, ba fa bʋla pɩ la naabalɩmaba ma nɛ. Ama ba bɩ wɩalɩŋ laa dii. Ŋɩɩ wɩaa wɩalɩŋ fa bɩ ba wiese-la pa.

Jeems 4:8

Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.

Jeems 5:20

ʋ tɩɩna sɩ ŋaa ŋɩɩ pɛ wʋbɔŋ ŋaarʋ-la lɛ nɛ ʋ leŋ ʋ wʋbɔŋŋɔɔ ŋaanɩŋ aŋ mɩɩra kɔ a tuto wʋtɩtɩɩ-la. Ʋ laa tɩɩna mɩɩsɩŋ pʋ nɛ. Wɩa jaŋ joŋ nɩɩ-la wʋbɔŋŋɔɔ kala chɛʋ. Mɩ teniŋ dɩdɛrɩŋ nɛ ŋɩɩ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Pɩɩta 1:9

Ma sɩ laa Yesu wɩaa dii, ŋɩɩ nɛ tɩɩ Wɩa laama ta, wɩɩ-la ma sɩɩ chɛ nɛ ŋɩɩ.

1 Pɩɩta 2:1

Ma sɩ kɛŋ mɩɩ-falɩŋ ŋɩɩ, má lɩɩsɛ ma tɩtɩa wʋbɔŋ kala lɛ, a sɩ́ nɩaa nyɩnyɩsʋ, a sɩ́ kanfugi tɩmma ŋaa. Má sɩ́ yarɩ-bieriŋ kɛŋ, a sɩ́ nɩaa harɩŋ gɩgaa.

1 Pɩɩta 2:11

Mɩ naambii-kpɩanaba, ma jɩma ma ŋaa nʋhʋɔraa nɛ dʋnɩa deeŋ lɛ. Ŋɩɩ wɩaa, mɩɩ sʋlma, má lɩɩsɛ ma tɩtɩa ma tʋɔtɔrɛ wʋŋaala-la sɩ bɩ zɔŋ lɛ, bɛɛ wɩaa ma tʋɔtɔrɛ wʋŋaalaa bɩ jaŋ sɛɩ dɩ ma ŋaa wɩalɩŋ sɩɩ tɔrɛ Wɩa tʋɔŋ.