Jeems 1:2 - WƖA TENIŊ

² Mɩ naambiiriŋ, dɩ wʋdoho-na kala nɛ jʋʋma, má leŋ dɩ ʋ ŋaa ma tʋɔtɔrʋ,

Jeems 1:2 ပူးပေါင်းရင်းမြစ်များ

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

Rom Tɩŋŋaa 5:3

Ŋɩɩ ma dʋndʋŋa dee, la haa jʋɔsɛ nɛ arɩ hɛɛ-la kala la ha sɩɩ na a tɩŋ Kirisito wɩaa, bɛɛ wɩaa hɛɛ-la jaŋ leŋ dɩ la wuo kɛŋ kenyiri.

Fɩlɩpa Nɩaa 1:29

Ma-na, Wɩa nɛ pɩma wombiiŋ dɩ ma laa Kirisito wɩaa dii aŋ pɛ na hɛɛŋ a tɩŋ ʋ wɩaa.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Fɩlɩpa Nɩaa 2:18

Ŋɩɩ wɩaa, má ma leŋ dɩ ma tʋɔŋ tɔrɛ dɩ la kala jʋjʋɔsɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

Hiburu TƖŊŊAA 10:34

Ma fa nɩalɩŋ ba sɩ kaa tɔ dɩa Yesu wɩaa bunso nɛ. Ba sɩ fʋga laa ma kɩaa, ma sɛɩ wɩɩ-la arɩ tʋɔtɔrʋŋ, bɛɛ wɩaa ma jɩma arɩ ma kɛŋ kɩalɩŋ sɩ zɔmɔ kɩɩ dʋnɩa deeŋ kɩaa nɛ. Kɩalɩŋ-na jaŋ hɛ nɩmɛ deeŋ deeŋ.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 5:11

Wɩa pɛ nɩalɩŋ sɩ wuo nyalɩmɛ ŋɩɩ a mʋ dɛrɛ lɛ nɛ woruŋ. Ma nɩɩ ŋɩɩ baal kʋbala ba sɩɩ yɩrɛ Job sɩ na hɛɛŋ aŋ nyalɩmɛ nɛ, a bɩra nɩɩ ŋɩɩ Wɩa sɩ pɛ ʋ lɛ ʋ hɛɛ-la harɩŋ lɛ. Wʋtɩtɩɩ, La Tɩɩna ka fá la nenige arɩ la nisusuŋ nɛ kɩŋkɛŋ kɩŋkɛŋ.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.