Jeems 1:19 - WƖA TENIŊ

¹⁹ Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 1:19 ပူးပေါင်းရင်းမြစ်များ

NƐHƖMAAYA 8:18

Tapʋlɩa-la kala, a chɩŋ tapʋl bumbuŋ kaa mʋ yi tapʋlɩa-la dɩdɛrɩŋ, Ɛzɩra karɩmɛ Wɩa wombiee teŋ-la nɛ. Ba fa gbieli gbiele-la tapʋlaa balɩpɛ nɛ, tapʋl-chori chɛɛŋ, ba hilimi arɩ Wɩa wombiiŋ teniŋ sɩ dagɛ ŋɩɩ.

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

NƐHƖMAAYA 9:3

Ba fa chɩŋ lee-la ba sɩ chɩna nɛ ka ba karɩmɛ ba TƖƖNA Wɩa wombiiŋ teŋ-la a mʋ yi hawa batori, aŋ bɩra kɛŋ hawa batori ma a dagɛ ba wʋbɔŋŋɔɔ aŋ chʋchʋɔlɛ ba TƖƖNA Wɩa.

JOB 32:16

Ʋ saa maga dɩ mɩ bɩra hɔnɔ gbɩgbɛrɛ bɛɛ nɛ, lɛɛlɛ ba niiŋ sɩ jʋʋ kpʋrʋŋ ŋ-la?

NAMAGABA 10:19

Wʋbʋl kɩŋkɛŋ tɩɩna yie bʋl wɩalɩŋ sɩ bɩ maga dɩ ʋ bʋl nɛ, ama nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ.

NAMAGABA 13:3

Nɩɩ-la sɩ jɩŋ ʋ niiŋ kɛnɩŋ nɛ jɩŋ ʋ mɩɩsɩŋ kɛnɩŋ. Ama nɩɩ-la sɩɩ bʋl wɩaa foi foi yie chei ʋ tɩtɩa nɛ.

NAMAGABA 14:17

Nɩalɩŋ baanɩŋ sɩɩ sii lɩma lɩma yie ŋɩŋaa nɩyaarɩ wɩaa nɛ. Ama nɩaa bɛrɛ wʋjɩŋ kɩŋkɛŋ tɩɩna nɛ.

NAMAGABA 14:29

Dɩ nʋʋ nɛ kɛŋ kenyiri, ʋ jaŋ jɩŋ wɩaa sɩaa woruŋ, ama nɩɩ-la baanɩŋ sɩɩ sii lɩma lɩma, ʋ yie dagɛ ŋɩɩ ʋ sɩ yaara nɛ.

NAMAGABA 15:18

Nɩɩ-la baanɩŋ sɩɩ sii lɩma lɩma nɩɩ hɛ yuosuŋ, ama nɩɩ-la sɩ kɛŋ kenyiri nɩɩ kɛrɛ yuosuŋ.

NAMAGABA 15:2

Wʋjɩnna wʋbʋlʋŋ yie leŋ nɩaa na dɩ wʋjɩmɩŋ zɔmɔ nɛ, ama dɩ nɩyaara-na nɛ suri ʋ niiŋ, nɩyaarɩ wɩaa nɛ ʋ yie bʋbʋl.

NAMAGABA 16:32

Kenyiri tɩɩna nɛ kpɩa laalɩyuori wajɩa. Nɩɩ-la sɩ jɩŋ ʋ baanɩŋ kɛnɩŋ nɛ kpɩa nʋʋ sɩ yuo dii ta-pilimiŋ.

NAMAGABA 17:14

Dɩ ŋ nɩɩ suomi yuosuŋ, ʋ nagɛ nʋʋ sɩ kɛŋ fuoŋ gɩba bubori nɛ. Ŋɩɩ wɩaa joŋ wɩɩ-la bil sɔm, dɩ yuosuŋ sɩ́ sii.

NAMAGABA 17:27

Nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ. Nɩɩ-la sɩ jɩŋ wɩaa sɩaa bɩ baanɩŋ kɛnɛ.

NAMAGABA 18:13

Nɩɩ-la sɩ bɩ wɩɩŋ nɩa aŋ dɩdagɛ ʋ bʋbʋɔŋ ŋaa nɩyaarɩ nɛ, hɩɩsɩŋ jaŋ diiu.

NAMAGABA 18:21

Ŋ niiŋ wʋbʋlaa jaŋ wuo leŋ dɩ ŋ kɛŋ mɩɩsɩŋ koo dɩ ŋ sʋʋ. Nɩalɩŋ sɩ cho wʋbʋlʋŋ jaŋ na ʋ bʋbʋɔŋ.

NAMAGABA 19:11

Nuhuobiine wʋjɩmɩŋ nɛ yie leŋ ʋ kɛŋ kenyiri. Ʋ wɩɩŋ nɛ dɩ ʋ ŋmoo tɔ nɩaa wʋcheelee a laa yɩrɩŋ.

NAMAGABA 19:19

Baaŋ kɩŋkɛŋ tɩɩna yie jʋʋ wɩaa aa ŋmoo chɩmɩŋ bʋa na-kala lɛ. Dɩ ŋ nɛ lɩɩsʋ wɩɩ lɛ jɩnɩŋ, chie ŋ jaŋ bɩra lɩɩsʋ dɔŋɔ lɛ.

NAMAGABA 21:23

Nɩɩ-la sɩ jɩŋ ʋ niiŋ kɛnɩŋ, kɛŋ ʋ tɩtɩa nɛ dɩ ʋ sɩ́ wɩaa jʋʋ.

NAMAGABA 25:28

Nʋʋ sɩ bɩ ʋ tɩtɩa wuo kɛŋ, ʋ nagɛ taŋ ba sɩ saa kɛrɛ golli, ʋ tel aŋ ka taŋ-la nɛ.

NAMAGABA 29:20

Dɩ ŋ na nʋʋ sɩ pese bʋbʋl wɩaa, nɩyaarɩŋ nɛ kɛŋ yɩɛlaa a kɩɩʋ.

NAMBABA 22:27

Kakumo-la bɩra sɩ na La TƖƖNA tɩndaarʋ-la ʋ tuu tel, Balam hɔŋ ʋ nyuŋ. Balam baanɩŋ sii, ʋ ŋmoo kakumo-la arɩ ʋ daaŋ.

Matiu 5:22

Ama lɛɛlɛ mɩ jaŋ bʋla pɩma, nɩɩ-la kala sɩ na baanɩŋ ʋ naambie nyuŋ, ba jaŋ kɛnʋ kaa kʋ dii ʋ sarɩya. Nɩɩ-la ma kala sɩ yɩrɛ ʋ naambie nɩpɛɩpɛɩ, ba jaŋ kɛnʋ kaa mʋ nɩalɩŋ sɩ hilime vʋvʋʋrɛ wɩaa teeŋ. Nɩɩ-la ma kala sɩ yɩrɛ ʋ naambie a bʋl dɩ ʋ ŋaa nɩtɔɔ nɛ, ʋ tɩɩna jaŋ mʋ jʋʋ Wɩa nyiniŋ.

Maak 12:37

Devit tɩtɩa yɩrɛ nɩa deeŋ ʋ Tɩɩna nɛ. Ɛɛ nɛ saa ʋ jaŋ wuo ŋaa ʋ nihiŋ dʋndʋŋ?” Yesu sɩɩ bʋl wɩaa, nɩaa yʋga a jegile nɩɩ ʋ teeŋ arɩ tʋɔtɔrʋŋ.

Maak 2:2

Ŋɩɩ nɛ nɩ-daŋ gire kɔ a tɔ lee-la kala a tɔ boiŋ niiŋ ma. Ka ʋ bʋl Wɩa wɩaa pɩpɩba.

Luuk 15:1

Tapʋlɩɩ kʋbala lampoo laaraa arɩ wʋbɔŋ ŋaaraa yʋgɛ a kɔ Yesu teeŋ dɩ ba jegile nɩɩ ʋ wɩaa.

Luuk 19:48

Ama ba bɩ jɩŋ wombii-la ba sɩ jaŋ to, bɛɛ wɩaa nɩalɩŋ kala fa sɩ hɛ nɩmɛ jegile nɩnɩɩ wɩalɩŋ ʋ sɩɩ bʋl nɛ arɩ sɩɩfɩɛsɩŋ.

Tɩntɩŋŋaa 1:15

Tapʋlɩɩ kʋbala ba kʋ hilimi, ba fa yi arɩ nɩaa zɔlɔ arɩ mara. Ŋɩɩ nɛ Pɩɩta sii chɩŋ dɩ ʋ bʋl wɩaa.

Tɩntɩŋŋaa 10:33

Kɔnɩɩlɩas bɩra bʋl, “Ŋɩɩ nɛ tɩɩ mɩ guu tɩŋ nɩaa, ba kɔ ŋ teeŋ dɩ ba yɩrɩŋ. Ŋ ma hɛ doluŋ ŋ sɩ kɔ ŋ-la. Lɛɛlɛ la kala hilime nɛ Wɩa sɩpaaŋ, a gbɩgbɛrɛ dɩ la nɩɩ wɩɩ-la La Tɩɩna sɩ dagɩŋ dɩ ŋ bʋla pɩla.”

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Tɩntɩŋŋaa 2:42

Ba joŋ ba nyuŋ kala hɛ wɩalɩŋ Yesu nanzɔɔba-la sɩɩ dagʋ lɛ arɩ sɩɩfɩɛsɩŋ a kɛŋ nii-bala. Ba kala hɔŋ a didii kʋdiile-la Yesu fa sɩ́ sɩ dɩ ba dii a liliisi ʋ wɩaa, aŋ pɛ gbaara chʋchʋɔlɛ Wɩa.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

Ɛfɛsɩs Nɩaa 4:31

Dɩ nʋʋ nɛ ŋaa wɩɩ jʋʋ ma lɛ, má sɩ́ joŋo hɛ ma tʋɔŋ lɛ. Má sɩ́ tɛrʋ, má sɩ́ baanɩŋ na. Má sɩ́ goŋ ŋaa nɩaa nyuŋ. Má sɩ́ nɩaa yɩrɩŋ chichei. Má sɩ́ nʋʋkala bɛrʋ.

Koloosi Nɩaa 3:15

Má leŋ dɩ fɩɛla-la Kirisito sɩ pɩma kɛmma tɩtɩŋ. Wɩa yɩrɛma dɩ ma ŋaa kʋbala nɛ a hɔŋ arɩ fɩɛlɩŋ, a lɔllɛ bʋa na-kala.

Koloosi Nɩaa 3:8

Ama lɛɛlɛ ʋ maga dɩ ma joŋ wɩaa deemba kala ta. Ba nɛ ŋ-la: Baanɩŋ nanɩŋ, baanɩŋ joŋo fɩɩsɩŋ, wʋbɔŋŋɔɔ ŋaanɩŋ nɩaa lɛ, harɩ-gaaŋ arɩ wʋlɩɩlɩŋ bʋlʋŋ.

1 Tɛsalonaaka Nɩaa 2:13

A tɩŋ wɩɩŋ deeŋ wɩaa, la yie lʋlɔllɛ Wɩa nɛ bʋa na-kala. La sɩ kɛŋ Wɩa wɩalɩŋ kʋ bʋla pɩma, ma laaba nɛ a sɛɩba. Ma bɩ ba joŋo arɩ ba ŋaa nuhuobiine wɩaa, ama ma sɛɩba arɩ ba sɛnɛ ŋaa Wɩa wɩaa nɛ, wɩalɩŋ ka tɩŋ ma nɩalɩŋ sɩ laaba dii lɛ nɛ.

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:2

Mɩ naambiiriŋ, dɩ wʋdoho-na kala nɛ jʋʋma, má leŋ dɩ ʋ ŋaa ma tʋɔtɔrʋ,

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

Jeems 2:1

Mɩ naambiiriŋ, lɛɛlɛ ma laa La Tɩɩna Yesu Kirisito wɩaa dii nɛ, ʋ-na yɩrɩ-balɩŋ Tɩɩna. Ŋɩɩ wɩaa ʋ bɩ maga dɩ ma zizil nɩaa dɔnsʋŋ aŋ ka ma sɩɩŋ bɩ dɔnsʋŋ ka su.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jeems 3:10

Nii-la tɩtɩa la sɩ kaa dɛnnɛ Wɩa, ʋ tɩtɩa nɛ la kaa bʋl wʋbɔŋŋɔɔ hɩhɛ nɩaa lɛ. Mɩ naambiiri, ʋ bɩ maga dɩ la ŋɩŋaa ŋɩɩ.

Jeems 4:11

Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

Jeems 5:12

Mɩ naambiiriŋ, wɩaa deemba kala harɩŋ lɛ, sɩɩfɩaŋ wɩɩ nɛ mɩɩ chɛ mɩ bʋla pɩma. Ʋ nɛ ŋ-la: Dɩ ma nɛ sɩ ma jaŋ ŋaa wɩɩ, má sɩ́ ŋmɩɛsʋ. Má sɩ́ wɩa-nyuŋ kʋŋ ŋmɩɛsʋ, má sɩ́ tinteeŋ kʋŋ ma ŋmɩɛsʋ, koo má sɩ́ kʋŋkala ŋmɩɛsʋ. Dɩ ma nɛ sɛyɛ, ʋ maga dɩ ma bʋl, “Oo, la sɛyɛ nɛ.” Dɩ ma nɛ bɩra bɩ sɛyɛ ma, ʋ maga dɩ ma bʋl, “Aɩ, la bɩ sɛyɛ,” aŋ sɩ́ ŋmɩɛsʋ. Dɩ ma nɩɩ ŋaa ŋɩɩ, Wɩa bɩ jaŋ joŋ cheeriŋ pɩma bʋa-la lɛ ʋ sɩ jaŋ dii ma sarɩya.

Jeems 5:19

Mɩ naambiiriŋ, dɩ ma tʋɔŋ nʋʋ nɛ faa to wʋtɩtɩɩ lɛ aŋ bɩra leŋ wʋtɩtɩɩ-la, ka nʋʋ dɔŋ bɩra kɛnʋ mɩɩra kɔ ʋ tuto wʋtɩtɩɩ-la,

1 Jɔɔŋ 2:21

Ʋ bɩ naga dɩ mɩ ŋmʋnsa pɩpɩma a tɩŋ ma sɩ bɩ wʋtɩtɩɩ-la jɩŋ nɛ. Ama mɩ ŋmʋnsa pɩpɩma a tɩŋ ma sɩ jɩŋ wʋtɩtɩɩ-la nɛ. Ma jɩma arɩ wʋnyɩɛrɩ tɩɩna bɩ wʋtɩtɩɩ kɛnɛ.