Jeems 1:18 - WƖA TENIŊ

¹⁸ Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

Jeems 1:18 ပူးပေါင်းရင်းမြစ်များ

JƐRƖMAAYA 2:3

Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

LEVI DOHO NƖAA 23:10

“Bʋla pɩ Iziral tɩŋŋaa: ‘Dɩ ma nɛ jʋʋ Kɛnaŋ tintee-la mɩ sɩɩ chɛ dɩ mɩ joŋo pɩma, jɩna na-kala dɩ ma nɛ ŋaa ma kʋdii falaa, má sʋa mɩɩ-jagɩsɩŋ a kaa mʋ pɩ Wɩɩsʋllɩ sɩpaalaara.

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Rom Tɩŋŋaa 4:17

Ba fa ŋmʋnsɛ ŋɩɩ nɛ Wɩa teniŋ tʋɔŋ. Wɩa bʋla a tɩgɛ Abɩraham lɛ, “Mɩ leŋe ŋ ŋaa tintee daŋ nyɩmma nɛ.” Wɩa sɩpaaŋ Abɩraham nɛ ŋaa la nyɩmma. Wɩa-la sɩ wuo leŋ kɩalɩŋ kala sɩ sʋba, dɩ ba sii sʋʋŋ lɛ a kɛŋ mɩɩsɩŋ, aŋ bɩra wuo dagɛ wɩalɩŋ sɩ jaŋ ŋaa aŋ ha bɩ ŋaa, Wɩa deeŋ nɛ Abɩraham laa dii.

1 Kɔrɩntɩ Nɩaa 4:15

Dɩ ma nɛ kɛŋ sɩpaalaaraa sɩɩ dagɛma Kirisito wɩaa, dɩ ba nɛ ŋaa bʋɩ fii ma, ma nyɩmmaba dee ŋɩɩ. Mɩ nɛ ŋaa ma nyɩmma Yesu Kirisito lɛ, bɛɛ wɩaa mɩ nɛ bʋl Wɩa wʋzɔmɔ-la a pɩma.

2 Kɔrɩntɩ Nɩaa 6:7

La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

Ɛfɛsɩs Nɩaa 1:12

Ʋ ŋaa ŋɩɩ dɩ la nɩalɩŋ sɩ laa sɩpaaŋ joŋ la yɩɛlaa hɛ Kirisito lɛ, dɩ la wuo leŋ dɩ ʋ yɩrɩŋ yɩrɛ.

Ɛfɛsɩs Nɩaa 1:13

Ma ma kʋ ŋaa Kirisito nɩaa nɛ bʋa-la lɛ ma sɩ nɩɩ Wɩa wɩalɩŋ sɩ ŋaa wʋtɩtɩɩba, Yesu wʋzɔmɔ-la sɩ laa nɩaa tɩta. Ma sɩ laa ʋ wɩaa dii ŋɩɩ, Wɩa joŋ ʋ Dɩŋ-zɔmʋŋ hɛ ma lɛ nɛ a magɩlɛma, kʋ-la ʋ fa sɩ sɩ ʋ jaŋ joŋo pɩ nɩalɩŋ sɩ laa ʋ wɩaa dii.

2 Timoti 2:15

Hɛ ŋ doluŋ kala dɩ Wɩa wuo na arɩ ŋ ŋaa tɩntɩnnɩ-tɩtɩɩ nɛ, sɩ bɩ hɩɩsɩŋ ka fá, a bɩra leŋ dɩ ʋ wuo na arɩ ŋ dagɛ wɩalɩŋ sɩ ŋaa wʋtɩtɩɩba nɛ woruŋ.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.

Jeems 1:15

Dɩ ʋ nɛ sɛyɛ dɩ ʋ to tʋɔbɩɩŋ bɔmɔ-la lɛ, ba yie leŋ ʋ ŋɩŋaa wʋbɔŋŋɔɔ. Dɩ wʋbɔmɔ-la nɛ kʋ yʋgɛ ba yie ŋaa nɩɩ-la sʋʋ.

Jeems 1:21

Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.

Jeems 3:14

Ama dɩ ma nɛ faasa kɛŋ yarɩ-bieriŋ dɔŋɔ lɛ, a chɩl ma dʋndʋŋa wɩaa, aŋ dɩdagɛ ma tɩtɩa arɩ ma kɛŋ wʋjɩmɩŋ, maa nyɩɛ nɛ.

1 Pɩɩta 1:23

Ʋ naga ba wasa lʋlma nɛ a tɩŋ Wɩa niiŋ wɩaa sɩɩ pɩ nɩaa mɩɩsɩŋ. Ba nɛ pɩma mɩɩ-falɩŋ. Ba bɩ jaŋ pʋa, ba jaŋ hɛ nɩmɛ a kaa mʋ wuu. Ʋ bɩ nagɛ nuhuobiine sɩɩ sʋʋ nɛ pɩma mɩɩsɩŋ deeŋ. Ama Wɩa sɩ bɩ sʋʋ nɛ pɩma.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Jɔɔŋ 3:9

Nɩɩ-la kala sɩ ŋaa Wɩa bii, ʋ tɩɩna bɩ wʋbɔŋŋɔɔ ŋaa, bɛɛ wɩaa Wɩa nagɩsɩŋ hɛ ʋ lɛ nɛ. Ʋ bɩ jaŋ wuo vɩa aŋ ha ŋɩŋaa wʋbɔŋŋɔɔ, bɛɛ wɩaa ʋ ŋaa Wɩa bii nɛ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.