Jeems 1:17 - WƖA TENIŊ

¹⁷ Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

Jeems 1:17 ပူးပေါင်းရင်းမြစ်များ

WƖAA DƖ-SUOMUŊ 41:16

Ŋɩɩ nɛ Josɛf bʋla pɩ Ijipiti tinteeŋ kuoro a bʋl, “Mɩ-na bɩ doluŋ kɛnɛ, ama Wɩa nɛ jaŋ wuo dagɛ ŋ duoso-la bʋbʋɔŋ.”

1 IZIRAL TƖŊŊAA NAABARƖŊ 22:12

A leŋ dɩ ŋ TƖƖNA Wɩa pɩŋ wʋjɩmɩŋ arɩ dɩgɩlɩŋ-jegilee dɩ ŋ nɛ kʋ dii kuoruŋ, dɩ ŋ wuo to ʋ wombiiŋ a beŋ Iziral tɩŋŋaa.

1 IZIRAL TƖŊŊAA NAABARƖŊ 29:19

Leŋ dɩ mɩ nanʋala Solomoŋ kɛŋ tʋɔ-la sɩ jaŋ leŋ dɩ ʋ to wɩalɩŋ kala ŋ sɩ daga aŋ pɛ kɛŋ kɩalɩŋ mɩ sɩ chɛ bil a saa ŋ dɩa-la.”

WƖA YƖƖLAA 102:27

Ama ŋ-na bɩ jaŋ kɔ dɩ ŋ bɩrɩma. Ŋ jaŋ hɛ nɩmɛ a kaa mʋ wuu.

WƖA YƖƖLAA 122:6

Má sʋl Wɩa ŋ-la a pɩ Jerusalɛm nɩaa dɩ ba hɔŋ sɔm, “A leŋ dɩ nɩalɩŋ sɩ choŋ dʋa.

WƖA YƖƖLAA 136:7

Ʋ nɛ ŋaa wɩɩpɔsʋŋ arɩ chɛnɛ. Ʋ chonuŋ bɩ dɛrɛ.

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

WƖA YƖƖLAA 85:12

La Tɩɩna jaŋ ŋaa wʋzɔŋŋɔɔ pɩla dɩ la tinteeŋ kʋpɛrɛɛ wasɛ woruŋ.

NAMAGABA 2:6

La Tɩɩna nɩɩ pa wʋjɩmɩŋ. Ʋ niiŋ lɛ nɛ ŋ yie to a kɛŋ wʋjɩmɩŋ a pɛ jɩŋ wɩaa bʋbʋɔŋ.

AZAAYA 28:26

Ʋ Wɩa yie dagʋ nɛ ʋ jɩŋ ʋ tɩntɩŋŋaa wombiiŋ.

AZAAYA 45:7

Mɩ nɛ ŋaa birimiŋ arɩ pʋlʋmʋŋ. Mɩ nɛ leŋe nɩaa dʋdʋa, mɩ nɛ leŋe wʋlɔrʋnʋŋ ma jʋjʋʋba. Mɩ-na ma TƖƖNA nɛ ŋaa wɩaa deemba kala.

AZAAYA 46:10

Dɩ-suomuŋ kala nɛ mɩ dagɛ wɩalɩŋ sɩ jaŋ kʋ ŋaa maachie. Wɩɩ-la mɩ sɩɩ chɛ nɛ jaŋ chɩŋ, mɩ jaŋ ŋaaʋ, ʋ bɩ jaŋ birigi.

AZAAYA 60:19

Wɩɩpɔsʋŋ dee bɩ jaŋ ŋaa ŋ pʋlʋmʋŋ wɩɩhɛyɛ koo chɛŋ-pʋla dee bɩra bɩ jaŋ ŋaa ŋ pʋlʋmʋŋ tɩtaŋɩŋ, mɩ-na ŋ Tɩɩna nɛ jaŋ ŋaa ŋ pʋlʋmʋŋ a kaa mʋ wuu ŋ Wɩa nɛ jaŋ ŋaa ŋ tʋla.

MALAKAƖ 3:6

Jekɔb doho nɩaa, mɩ-na nɛ ŋaa ma TƖƖNA doluŋ kala Tɩɩna, mɩ bɩ bɩrɩmɛ, ŋɩɩ nɛ tɩɩ mɩ bɩ ma cheye ŋɩɩ.

NAMBABA 11:17

Mɩ jaŋ kʋ tuu ŋ teeŋ nɩmɛ a bʋl wɩaa pɩŋ, aŋ lɩɩsɛ Dɩma-la mɩ sɩ joŋo hɛ ŋ lɛ mʋa a hɛ ba lɛ, dɩ ba laa nɩalɩŋ wʋwalɩmɩa-la dɔnsʋŋ, dɩ ʋ bɩra sɩ́ ŋ dʋndʋŋa chʋga ŋaa.

NAMBABA 11:25

Ŋɩɩ nɛ La TƖƖNA to duoŋ-bɩlɩmbaanɩŋ lɛ kʋ tuu a bʋl wɩaa Mosis teeŋ, aŋ lɩɩsɛ Dɩma-la sɩ hɛ Mosis lɛ mʋa, a hɛ nɩhɩasɩ-la mahɩŋ batori arɩ fii lɛ. Ʋ sɩ ŋaa ŋɩɩ, ba suomo bʋbʋl wɩaa a nagɛ Wɩa wʋlaabʋllaa. Ama ba bɩ ŋɩɩ ŋaa dieni.

NAMBABA 23:19

Wɩa bɩ nuhuobiinee naga a nyɩnyɩɛ wɩaa koo a kɛŋ ʋ tʋɔbɩɩnaa a bɩbɩrɩmɛ. Dɩ ʋ nɛ bʋl wɩɩ, ʋ yie sɛnɛ ŋaa wɩɩ-la nɛ, dɩ ʋ nɛ hɛ niiŋ arɩ ʋ jaŋ ŋaa wɩɩ ma, ʋ yie sɛnɛ ŋaa nɛ.

Matiu 7:11

Dɩ ma nɛ bɔmɔ aŋ jɩŋ kʋzɔŋŋɔɔ joŋo pɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ, a kɛŋ kʋzɔŋŋɔɔ bɩ jaŋ joŋo pɩ nɩalɩŋ sɩ sʋla chɩchɛ?

Luuk 11:13

Dɩ ma nɛ bɔmɔ aŋ joŋ kʋzɔŋŋɔɔ pɩpɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ bɩ jaŋ joŋ ʋ Dɩŋ-zɔmʋŋ a pɩ nɩalɩŋ sɩ sʋla chɩchɛ?”

Jɔɔŋ 1:9

Ŋɩɩ nɛ pʋlʋŋ-la tɩtɩa kʋ tuu dʋnɩa dɩ ʋ chaana hɛ nʋʋkala lɛ.

Jɔɔŋ 3:27

Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Tɩntɩŋŋaa 11:18

Ba sɩ nɩɩ wɩɩŋ deeŋ, ba bɩra bɩ wɩɩkala wuo bʋl aŋ dɛnnɛ Wɩa a bʋl, “Wɩa paala pɩ nɩalɩŋ ma sɩ bɩ Juu tɩŋŋaa ŋaa wombiiŋ nɛ dɩ ba wuo bɩrɩma lɩɩ ba wʋbɔŋŋɔɔ lɛ aŋ kɛŋ mɩɩsɩŋ.”

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

1 Kɔrɩntɩ Nɩaa 4:7

Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

MOSIS BƖRA WULLI WƖA WOMBIIŊ 4:19

Má sɩ kɩaa deemba ma sɩɩ na wɩa-nyuŋ zil: Wɩɩpɔsʋŋ, chɛnɛ arɩ chɛnwʋlaa. Ba ŋaa kɩa nɛ La TƖƖNA sɩ joŋo pɩ dʋnɩa nɩaa kala.

Fɩlɩpa Nɩaa 1:29

Ma-na, Wɩa nɛ pɩma wombiiŋ dɩ ma laa Kirisito wɩaa dii aŋ pɛ na hɛɛŋ a tɩŋ ʋ wɩaa.

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Jeems 1:5

Dɩ ma kʋŋkala nɛ bɩ wʋjɩmɩŋ kɛnɛ, ʋ sʋl Wɩa dɩ ʋ pʋ wʋjɩmɩŋ. Wɩa kɛŋ zile, ʋ yie joŋ wʋjɩmɩŋ pɩ nʋʋkala sɩ sʋlʋ nɛ, ʋ bɩ nʋʋkala vɩa ta.

Jeems 3:15

Wʋjɩmɩŋ deeŋ doho bɩ Wɩa teeŋ lɩa. Ʋ ŋaa dʋnɩa wɩɩ nɛ a lɩɩ dʋnɩa nɩaa tʋɔbɩɩnaa lɛ arɩ Sɩtaanɩ teeŋ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

1 Jɔɔŋ 1:5

Wɩalɩŋ Wɩa Bie sɩ dagɛla a tɩgɛ Wɩa lɛ, ba nɛ ŋ-la: Wɩa nɛ pʋlʋmʋŋ, birimiŋ mʋa ma tuo ʋ lɛ.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.

1 SAMƲƐL 15:29

Wɩa nɛ ŋaa Iziral tɩŋŋaa tʋla, ʋ bɩ wɩaa ka nyɩɛ koo aa bɩrɩmɛ ʋ tʋɔbɩɩnaa. Ʋ bɩ nuhuobiiŋ ŋaa, a kɛŋ ʋ tʋɔbɩɩnaa bɩbɩrɩmɛ.”