Jeems 1:16 - WƖA TENIŊ

¹⁶ Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:16 ပူးပေါင်းရင်းမြစ်များ

Matiu 22:29

Ŋɩɩ nɛ Yesu bʋla pɩba, “Ma bɩ Wɩa teniŋ jɩŋ. Ma bɩ Wɩa doluŋ jɩŋ. Ŋɩɩ nɛ tɩɩ ma yeŋŋi.

Maak 12:24

Ŋɩɩ nɛ Yesu bʋla pɩba, “Ma bɩ Wɩa teniŋ jɩŋ. Ma bɩ Wɩa doluŋ ma jɩŋ. Ŋɩɩ nɛ tɩɩ ma yeŋŋi.

Maak 12:27

Wɩaa deemba ʋ sɩ bʋla, ba bʋbʋɔŋ nɛ dɩ Abɩraham arɩ Aɩzɩk arɩ Jekɔb bɩra sii sʋʋŋ lɛ nɛ a hɛ Wɩa kuorii-la tʋɔŋ. Wɩa bɩ nɩsʋʋnʋŋ Wɩa ŋaa. Ʋ ŋaa nɩweyee Wɩa nɛ. Ma bɩ wɩɩkala jɩŋ.”

Tɩntɩŋŋaa 1:15

Tapʋlɩɩ kʋbala ba kʋ hilimi, ba fa yi arɩ nɩaa zɔlɔ arɩ mara. Ŋɩɩ nɛ Pɩɩta sii chɩŋ dɩ ʋ bʋl wɩaa.

1 Kɔrɩntɩ Nɩaa 6:9

Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

Fɩlɩpa Nɩaa 2:12

Ŋɩɩ wɩaa mɩ naambii-chooloo, má tuto mɩ niiŋ arɩ ma fa sɩɩ to ŋɩɩ bʋa-la lɛ mɩ fa sɩ hɛ ma teeŋ. Lɛɛlɛ mɩ tuo ma teeŋ, arɩ ŋɩɩ kala ma ha to mɩ niiŋ. Wɩa laama ta nɛ, ŋɩɩ wɩaa má fáʋ, aŋ kɛŋ ma tɩtɩa muuri a tɩtɩŋ, a na kʋ-la ʋ sɩ sɩ ʋ jaŋ joŋo pɩma.

Fɩlɩpa Nɩaa 4:1

Mɩ naambiiriŋ, mɩ choma nɛ kɩŋkɛŋ, mɩ yie bɩbɩɩnɛ ma wɩaa nɛ. Ma nɛ leŋe mɩ tʋɔŋ tɔrɔ, mɩ kɛmma ŋmuŋmoo bɔyɛ. Ŋɩɩ wɩaa mɩ naambii-kpɩanaba, má chɩŋ La Tɩɩna Yesu wɩalɩŋ ma sɩ laa dii lɛ kpaŋ kpaŋ.

Koloosi Nɩaa 2:4

Mɩ bʋl ŋɩɩ pɩpɩma dɩ nʋʋkala sɩ́ wuo nyɩsɛma arɩ nii-sɩma.

Koloosi Nɩaa 2:8

Má sɩ́ leŋe dɩ nʋʋkala nyɩsa kɛsɛma dɩ ma tou. Baa dagɛma nuhuobiine wʋjɩmɩŋ nɛ, aa nyɩsɛma arɩ wɩalɩŋ sɩ bɩ bʋbʋɔ kɛnɛ. Ba to nuhuobiinee naabalɩma wɛnɩŋ nɛ a dagɛ dɩ-suomuŋ wɩaa dʋnɩa nɩaa sɩɩ to. Wɩaa deemba bɩ Kirisito teeŋ lɩa.

2 Timoti 2:18

Ba leŋ wʋtɩtɩɩ wombii-la nɛ aŋ bʋl arɩ bʋa-la lɛ nɩaa sɩ jaŋ sʋʋ aŋ sii sʋʋŋ lɛ paala kieli nɛ. Ba sɩ dagɛ ŋɩɩ ŋaa nɩalɩŋ dɔnsʋŋ sɩ laa Yesu wɩaa dii joŋ wɩalɩŋ ba sɩ laa dii ta nɛ.

Hiburu TƖŊŊAA 13:1

Ma nɩalɩŋ sɩ laa Yesu wɩaa dii, ma sɩ cho dɔŋɔ ŋɩɩ, má kɛŋ ŋɩɩ naaŋ lɛ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 1:2

Mɩ naambiiriŋ, dɩ wʋdoho-na kala nɛ jʋʋma, má leŋ dɩ ʋ ŋaa ma tʋɔtɔrʋ,

Jeems 2:1

Mɩ naambiiriŋ, lɛɛlɛ ma laa La Tɩɩna Yesu Kirisito wɩaa dii nɛ, ʋ-na yɩrɩ-balɩŋ Tɩɩna. Ŋɩɩ wɩaa ʋ bɩ maga dɩ ma zizil nɩaa dɔnsʋŋ aŋ ka ma sɩɩŋ bɩ dɔnsʋŋ ka su.

Jeems 2:14

Mɩ naambiiriŋ, dɩ nʋʋ nɛ sɩ ʋ laa Wɩa wɩaa dii nɛ aŋ bɩ wɩalɩŋ Wɩa sɩ cho ka ŋaa, ʋ ŋɩɩ zɔmɔɔ? Dɩ ʋ Wɩa laa diiniŋ nɛ nagɛ ŋ-la, ma bɩɩna Wɩa jaŋ laaʋ ta koo?

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jeems 3:1

Mɩ naambiiriŋ, ma tʋɔŋ, ma jesiŋ sɩ́ chɩchɛ dɩ ma ŋaa nɩa sɩɩ dagɛ ma dɔnsʋŋ tɩmma-la sɩ laa Yesu wɩaa dii, bɛɛ wɩaa ma jɩma dɩ ba nɩɩ dii dʋnɩa nɩaa sarɩya, ba jaŋ faasa dii la nɩalɩŋ sɩɩ dagɛ nɩaa sarɩya nɛ a kɩɩ la dɔnsʋŋ tɩŋŋaa.

Jeems 3:10

Nii-la tɩtɩa la sɩ kaa dɛnnɛ Wɩa, ʋ tɩtɩa nɛ la kaa bʋl wʋbɔŋŋɔɔ hɩhɛ nɩaa lɛ. Mɩ naambiiri, ʋ bɩ maga dɩ la ŋɩŋaa ŋɩɩ.

Jeems 4:11

Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

Jeems 5:12

Mɩ naambiiriŋ, wɩaa deemba kala harɩŋ lɛ, sɩɩfɩaŋ wɩɩ nɛ mɩɩ chɛ mɩ bʋla pɩma. Ʋ nɛ ŋ-la: Dɩ ma nɛ sɩ ma jaŋ ŋaa wɩɩ, má sɩ́ ŋmɩɛsʋ. Má sɩ́ wɩa-nyuŋ kʋŋ ŋmɩɛsʋ, má sɩ́ tinteeŋ kʋŋ ma ŋmɩɛsʋ, koo má sɩ́ kʋŋkala ŋmɩɛsʋ. Dɩ ma nɛ sɛyɛ, ʋ maga dɩ ma bʋl, “Oo, la sɛyɛ nɛ.” Dɩ ma nɛ bɩra bɩ sɛyɛ ma, ʋ maga dɩ ma bʋl, “Aɩ, la bɩ sɛyɛ,” aŋ sɩ́ ŋmɩɛsʋ. Dɩ ma nɩɩ ŋaa ŋɩɩ, Wɩa bɩ jaŋ joŋ cheeriŋ pɩma bʋa-la lɛ ʋ sɩ jaŋ dii ma sarɩya.

Jeems 5:19

Mɩ naambiiriŋ, dɩ ma tʋɔŋ nʋʋ nɛ faa to wʋtɩtɩɩ lɛ aŋ bɩra leŋ wʋtɩtɩɩ-la, ka nʋʋ dɔŋ bɩra kɛnʋ mɩɩra kɔ ʋ tuto wʋtɩtɩɩ-la,