Jeems 1:14 - WƖA TENIŊ

¹⁴ Ama tʋɔbɩɩŋ bɔmɔ-la sɩ hɛ nʋʋ tʋɔŋ nɛ yie nyɩsʋ ʋ ŋɩŋaa wʋbɔŋŋɔɔ. Tʋɔbɩɩŋ-bɔmɔ-la nɛ yie kɛnʋ yeŋŋi.

Jeems 1:14 ပူးပေါင်းရင်းမြစ်များ

WƖAA DƖ-SUOMUŊ 3:6

Ŋɩɩ nɛ haal-la beŋ a na tɩa-la nɛnɛɛ dɩ ba zɔmɔ sɩɩŋ lɛ, aŋ zɔŋ arɩ diiniŋ ma aŋ bɩra cho dɩ ʋ kɛŋ wʋjɩmɩŋ. Ʋ tɔrɔ dii, aŋ tɔrɔ pɩ ʋ bala ma ʋ dii.

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

2 SAMƲƐL 11:4

Ŋɩɩ nɛ Devit tɩŋ ba mʋ kɛnʋ kɔ. Ʋ sɩ kɔ, ʋ kɛnʋ pɩŋ. (Bʋa-la lɛ dɩ ʋ yie chɛsɛ ʋ tɩtɩa ta dɛrɛ, a tɩŋ ʋ sɩ hɛ tɩŋa.) Ŋɩɩ nɛ ka ʋ mɩɩra mʋ dɩa.

JOB 31:27

Mɩ tʋɔbɩɩnaa ha bɩ mɩ yige hɛ mɩ lʋara zilba kʋŋ, mɩ ha bɩ ba kʋŋ kpirime chʋɔlɛ.

JOB 31:9

Dɩ mɩ nɛ joŋ mɩ tʋɔbɩɩnaa hɛ mɩ dɔŋɔ tɩɩna haala lɛ, a faa dɩ-jalɩŋ gbɛrʋ boiŋ niiŋ,

NAMAGABA 4:23

Kɛŋ ŋ tʋɔbɩɩnaa woruŋ, bɛɛ wɩaa, ba nɛ jaŋ leŋ dɩ ŋ wʋŋaalaa tʋʋlɛ.

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

HOSIA 13:9

Iziral tɩmma, ma chei ma tɩtɩa, bɛɛ wɩaa ma lɩɩ mɩ-na Nɩɩ-la sɩɩ pɛ ma lɛ harɩŋ nɛ.

Matiu 15:18

Ama wɩalɩŋ sɩ yie to ŋ niiŋ lɩɩ, ba yie lɩɩ ŋ tʋɔŋ lɛ nɛ. Wɩaa deemba nɛ yie ŋaa nɩaa kɛŋ disiniŋ.

Matiu 15:20

Wɩaa deemba nɛ yie ŋaa nɩaa kɛŋ disiniŋ. Ama dɩ nʋʋ nɛ dii kɩaa aŋ bɩ ʋ nɩsɩŋ sɔmɔ arɩ ma naabalɩmaba sɩ dagɛ ŋɩɩ, ŋɩɩ bɩ jaŋ wuo ŋaa dɩ tɩɩna kɛŋ disiniŋ.”

Matiu 4:1

Ŋɩɩ nɛ Wɩa Dɩŋ-zɔmʋŋ kɛŋ Yesu kaa jʋʋ tintee-hɩlɩŋ tʋɔŋ dɩ Sɩtaanɩ magɩsʋ.

Matiu 5:28

Ama mɩ jaŋ bʋla pɩma, nʋʋkala sɩ na haala a cho dɩ ʋ kɛnʋ pɩŋ, ʋ tɩɩna ŋaa wʋbɔŋ nɛ Wɩa teeŋ ʋ tʋɔŋ lɛ.

Rom Tɩŋŋaa 7:11

Wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ a hɛ sʋʋŋ bʋa lɛ.

Rom Tɩŋŋaa 7:13

Wɩɩ-la sɩ ŋaa wʋzɔŋ nɛ saa ŋaa mɩ sʋʋ koo? Aɩ, ŋɩɩ dee. Wʋbɔŋŋɔɔ nɛ ŋaa mɩ sʋʋ. Ʋ kɛŋ wɩalɩŋ sɩ zɔmɔ nɛ a kaa ŋaa mɩ sʋʋ. Ʋ ŋaa ŋɩɩ dɩ la wuo jɩŋ wʋbɔmʋŋ sɩ nagɛ ŋɩɩ nɛ. Wɩalɩŋ Mosis fa sɩ ŋmʋnsa dɩ nɩaa tuto ŋaa la jɩŋ arɩ wʋbɔmʋŋ chaasa bɩ zɔŋ.

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Hiburu TƖŊŊAA 3:13

Ama má pɛ dɔŋɔ lɛ tapʋlɩɩ-na kala a lɩɩ jɩnɩŋ a kaa mʋmʋ, dɩ wʋbɔŋŋɔɔ sɩ́ wuo nyɩsɛ ma kʋŋkala a leŋ dɩ ma ŋaa sɩɩ-duo wɩaa Wɩa sɩpaaŋ.

Jeems 1:13

Dɩ nʋʋkala nɛ jʋʋ wɩɩ, ʋ bɩ maga dɩ tɩɩna bʋl arɩ Wɩa nɛ magɩsʋ. Nʋʋkala bɩ Wɩa wuo nyɩsɛ dɩ ʋ ŋaa wʋbɔŋ, ʋ tɩtɩa ma bɩ nʋʋkala ka nyɩsɛ dɩ ʋ ŋaa wʋbɔŋ.

Jeems 1:15

Dɩ ʋ nɛ sɛyɛ dɩ ʋ to tʋɔbɩɩŋ bɔmɔ-la lɛ, ba yie leŋ ʋ ŋɩŋaa wʋbɔŋŋɔɔ. Dɩ wʋbɔmɔ-la nɛ kʋ yʋgɛ ba yie ŋaa nɩɩ-la sʋʋ.