Jeems 1:12 - WƖA TENIŊ

¹² Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 1:12 ပူးပေါင်းရင်းမြစ်များ

WƖAA DƖ-SUOMUŊ 22:1

Ʋ sɩ yi bʋa kʋbala Wɩa chɩchɛ dɩ ʋ na Abɩraham laa ʋ wɩaa dii nɛ, ŋɩɩ nɛ ʋ yɩrʋ, “Abɩraham!” Ʋ sɛɩ a bʋl, “Namɛ nɛ ŋ-la!”

NƐHƖMAAYA 1:5

Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.

JOB 2:10

Job bʋl, “Ŋ bʋl wɩaa arɩ ŋ ŋaa hayaarɩ nɛ. Ŋ bɩɩna wʋzɔŋŋɔɔ dʋndʋŋa nɛ maga dɩ la lɩlaa Wɩa teeŋ, aŋ sɩ́ wʋbɔŋŋɔɔ-na laa koo?” Job hɛɛŋ deeŋ ma kala lɛ, ʋ bɩ wʋbɔŋ kala bʋla.

JOB 5:17

Nɩɩ-la kala Wɩa sɩ kaa tʋraa kɩɩ jaŋ kɛŋ tʋɔtɔrʋŋ, ŋɩɩ wɩaa, sɩ́ Wɩa doluŋ kala Tɩɩna dagɩŋ vɩa.

WƖA YƖƖLAA 11:5

La Tɩɩna yie bibeŋ tʋɔpʋl tɩŋŋaa arɩ nɩbɔŋŋɔɔ wʋŋaalaa nɛ, ama ʋ bɛrɛ nɩbɔŋŋɔɔ arɩ nɩalɩŋ sɩɩ hɛ yuosuŋ nɛ.

WƖA YƖƖLAA 119:67

Mɩ fa yeŋŋi ŋ wombiiŋ lɛ nɛ, ŋ dɔgɩsɛmɛ, ama lɛɛlɛ mɩ sɛɩ ŋ niiŋ nɛ.

WƖA YƖƖLAA 119:71

Ʋ ŋaa wʋzɔŋ nɛ mɩ teeŋ ŋ sɩ dɔgɩsɛmɛ, bɛɛ wɩaa ŋɩɩ nɛ jaŋ leŋ mɩ gʋnnɛ wɩalɩŋ ŋ sɩ daga.

WƖA YƖƖLAA 119:75

La Tɩɩna, mɩ jɩma ŋŋ dii sarɩya ʋ bʋa lɛ nɛ. Ŋ dɔgɩsɛmɛ wʋtɩtɩɩ bʋa lɛ nɛ.

WƖA YƖƖLAA 5:11

Leŋ dɩ nɩalɩŋ sɩ kʋ yuoruŋ tʋɔŋ tɔrɛ, dɩ ba yɩɩ yɩɩlaa a jʋjʋɔsɛ bʋa na-kala. Chu tɔ nɩalɩŋ kala sɩ choŋ, a leŋ dɩ ba jʋjʋɔsɛ.

WƖA YƖƖLAA 94:12

La Tɩɩna, nɩalɩŋ kala ŋ sɩ daga a kɛmba tʋraa kɩɩ ŋ wombie-la ŋ sɩ bile dɩ la tuto lɛ, jaŋ kɛŋ tʋɔtɔrʋŋ.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

NAMAGABA 17:3

Ba yie joŋ sɛlɩmɛ koo hɔpʋla a hɛ chefuguŋ-bʋa nyiniŋ lɛ nɛ a ŋmɩɛra lɩɩsɛ ʋ disiniŋ. Ama La Tɩɩna nɛ yie magɩsɛ nuhuobiine tʋɔŋ a na dɩ ʋ zɔmɔ koo ʋ bɩ zɔŋ.

AZAAYA 64:4

Bumbuŋ kala, nʋʋ ha bɩ Wɩa dɔŋ wɩaa nɩa, ŋɩɩ ha bɩ nʋʋ dɩgɩl jʋa, ʋ sɩaa ha bɩ Wɩa dɔŋ na a nagɩŋ, dɩ ʋ ŋaa wɩaa deemba doho a pɩ nɩalɩŋ sɩ joŋ ba yɩɛlaa hɛ ʋ lɛ.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Luuk 6:22

Dɩ nɩaa nɛ bɛrɛma a lɩɩsɛma ta ba tʋɔŋ a tʋtʋʋsɛma a chichei ma yɩrɩŋ a bʋl dɩ ma ŋaa nɩbɔmɔ nɛ, dɩ ba nɛ bʋl ŋɩɩ a tɩŋ ma sɩɩ to mɩ-na Nuhuobiine Bie harɩŋ wɩaa, Wɩa ma jaŋ pɛ ma lɛ.

Rom Tɩŋŋaa 5:4

Dɩ la nɛ kɛŋ kenyiri, ʋ jaŋ wuo leŋ dɩ la kɛŋ mɛlɛ. Dɩ la nɛ kɛŋ mɛlɛ, la jaŋ kɛŋ yɩɛlaa.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 2:9

Ba ŋmʋnsɛ Wɩa teniŋ tʋɔŋ a bʋl, “Kʋ-la nuhuobiine ha sɩ bɩ na, kʋ-la wɩaa ʋ ha sɩ bɩ nɩa, arɩ kʋ-la wɩaa ha sɩ bɩ nuhuobiine tʋɔbɩɩnaa jʋa, kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”

1 Kɔrɩntɩ Nɩaa 8:3

Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

1 Kɔrɩntɩ Nɩaa 9:25

Fɩfaarɩ-na kala ba sɩɩ dagʋ yie jɩma kɛŋ ʋ tɩtɩa wɩɩ-na kala lɛ nɛ dɩ ʋ wuo fá a dii. Ama ʋ sɩ yie fá a dii kʋ-la, ʋ bɩ dieni aŋ ka ʋ chei. Ama la-na yie fá a dii kʋ-la sɩ bɩ chei nɛ. Ʋ jaŋ hɛ nɩmɛ deeŋ deeŋ.

MOSIS BƖRA WULLI WƖA WOMBIIŊ 13:3

má sɩ́ jegile nɩɩ ʋ teeŋ. Ma Tɩɩna Wɩa to ŋɩɩ lɛ nɛ dɩ ʋ magɩsɛma a na arɩ ma chou arɩ ma tʋɔŋ arɩ ma wɩɩ-wɩɩkala nɛ.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

MOSIS BƖRA WULLI WƖA WOMBIIŊ 8:2

Má liisi jɩsɩŋ mahɩŋ balɩa-la kala ma TƖƖNA Wɩa sɩ kɛmma kaa vɩvɛŋ tintee-hɩlɩɩ-la lɛ. Ʋ ŋaa wɩaa ma lɛ dɩ ma sɩaa tuu tinteeŋ nɛ, aŋ magɩsɛma dɩ ʋ na ma jaŋ to wɩalɩŋ ʋ sɩ daga koo ma bɩ to.

2 Timoti 2:15

Hɛ ŋ doluŋ kala dɩ Wɩa wuo na arɩ ŋ ŋaa tɩntɩnnɩ-tɩtɩɩ nɛ, sɩ bɩ hɩɩsɩŋ ka fá, a bɩra leŋ dɩ ʋ wuo na arɩ ŋ dagɛ wɩalɩŋ sɩ ŋaa wʋtɩtɩɩba nɛ woruŋ.

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Hiburu TƖŊŊAA 10:32

Má liise mʋ yi bʋa-la lɛ Wɩa sɩ suri ma sɩaa, ma kʋ laa Yesu wɩaa dii. Bʋa-la lɛ ma na hɛɛŋ nɛ woruŋ aŋ nyalɩmɛ.

Hiburu TƖŊŊAA 11:17

Abɩraham fa laa Wɩa wɩaa dii nɛ, Wɩa magɩsʋ a bʋl dɩ ʋ kɛŋ ʋ bie Aɩzɩk a kpʋ a ŋaa Wɩɩsʋlʋŋ pʋ. Abɩraham, nɩɩ-la Wɩa sɩ hɛ niiriŋ pa, sɛɩ a kɛŋ ʋ tɩtɩa hɛ dɔŋɔ a kɛŋ Aɩzɩk, ʋ bie kala dɩ ʋ kpʋ a ŋaa Wɩɩsʋlɩɩ-la.

Hiburu TƖŊŊAA 12:5

Nyu-nyaasɛ wɩalɩŋ Wɩa sɩ bʋla pɩma, ma yʋa nɛɛ? Wɩa bʋl wɩalɩŋ pɩ ʋ biiriŋ nɛ. Ʋ sɩ, “Mɩ bii, dɩ Wɩa nɩɩ dagɩŋ, jegile nɩɩ woruŋ. Dɩ ʋ nɛ kɛnɩŋ tʋraa kɩɩ, sɩ́ leŋe dɩ ŋ nandaasɩŋ yʋɔrɛ.

Hiburu TƖŊŊAA 6:15

Ŋɩɩ nɛ Abɩraham kɛŋ kenyiri a gbɛrɛ, a sɛnɛ na wɩɩ-la Wɩa fa sɩ bʋla pʋ arɩ ʋ jaŋ na.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jeems 5:11

Wɩa pɛ nɩalɩŋ sɩ wuo nyalɩmɛ ŋɩɩ a mʋ dɛrɛ lɛ nɛ woruŋ. Ma nɩɩ ŋɩɩ baal kʋbala ba sɩɩ yɩrɛ Job sɩ na hɛɛŋ aŋ nyalɩmɛ nɛ, a bɩra nɩɩ ŋɩɩ Wɩa sɩ pɛ ʋ lɛ ʋ hɛɛ-la harɩŋ lɛ. Wʋtɩtɩɩ, La Tɩɩna ka fá la nenige arɩ la nisusuŋ nɛ kɩŋkɛŋ kɩŋkɛŋ.

1 Pɩɩta 3:14

Ama dɩ ba nɩɩ dɔgɩsɛma a tɩŋ ma tʋɔpʋl wʋŋaalaa wɩaa, Wɩa jaŋ pɛ ma lɛ. Ŋɩɩ wɩaa, má sɩ́ nɩalɩŋ sɩ dɔgɩsɛma fá, a sɩ́ leŋe dɩ wɩɩkala wʋwalɩmɛ ma.

1 Pɩɩta 4:13

Hɛɛ-la Kirisito sɩ na, má ma na hɛɛ-la tɩtɩa nɛ. Ŋɩɩ wɩaa má jʋjʋɔsɛ. Tapʋlɩɩ-la Kirisito nɛ kɔ arɩ ʋ tʋla, ma jaŋ faasa jʋɔsɛ.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

1 Pɩɩta 5:4

Dɩ ma nɛ ŋaa ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, Nɩɩ-la sɩ ŋaa Pie-daaraa kala Kʋhɩaŋ, ʋ jaŋ joŋ kʋ-la sɩ zɔmɔ a kɩɩ kʋŋkala pɩma. Ʋ-na bɩ jaŋ chei.

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.