HOSIA 8:2 - WƖA TENIŊ

² Iziral tɩŋŋaa ŋmoo niiŋ pɩmɛ a bʋl, ‘La Wɩa, la jɩmɩŋ nɛ.’

HOSIA 8:2 ပူးပေါင်းရင်းမြစ်များ

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

Matiu 7:21

Nʋʋkala sɩ yɩrɛmɛ, ‘mɩ Tɩɩna, mɩ Tɩɩna,’ dee bɩ jaŋ jʋʋ Wɩa kuorii-la tʋɔŋ, see nɩalɩŋ sɩɩ ŋaa wɩalɩŋ mɩ Nyɩmma sɩ hɛ Wɩa-jaŋ sɩ daga.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

Luuk 13:25

Tapʋlɩɩ kʋbala dɩa-la tɩɩna jaŋ sii a kɛŋ ʋ boiŋ tɔ. Ka ŋ-na jaŋ hɛ jeeŋ harɩŋ a du boro a sʋsʋl, ‘La Tɩɩna, kɛŋ boro suro pɩla.’ Ŋɩɩ nɛ ʋ jaŋ bʋla pɩma, ‘Mɩ bɩ lee-la ma sɩ lɩa jɩŋ.’

Matiu 25:11

Ʋ ŋɩɩ harɩŋ lɛ haalaa banɔŋ-la kʋkaanaa ma kɔ a bʋl, ‘La Tɩɩna, La Tɩɩna, kɛŋ boro suro pɩla.’

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

JƐRƖMAAYA 7:4

Má sɩ́ ba laa dii ŋɩɩ ba sɩ yie nyɩsɛma a bʋl, ‘La TƖƖNA dɩɩ-bal-la nɛ ŋ-la, La TƖƖNA dɩɩ-bal-la nɛ ŋ-la, La TƖƖNA dɩɩ-bal-la nɛ ŋ-la.’

2 KUOROO 10:29

Ama ʋ fa bɩ Nɛbat nanʋala Jerobuam wʋbɔmɔ-la ʋ sɩ ŋaa a leŋ Iziral tɩŋŋaa ma ŋaa ba tɩtɩa leŋe. Ʋ fa haa kpaarɛ ba sɩ kɛŋ sɛlɩmɛ libi nɛ-bel-biisi-la bil tasɩ-la ba sɩɩ yɩrɛ Bɛtɛl arɩ Daŋ lɛ nɛ.

2 KUOROO 10:16

Ŋɩɩ nɛ aŋ bʋl, “Kɔ dɩ la mʋ dɩ ŋ na ŋɩɩ mɩ sɩɩfɩɛsɩŋ sɩ maga La TƖƖNA lɛ.” Ŋɩɩ nɛ ba balɩa jɩl Jehu laalɩŋ jaaba toruko-la a mʋ Samarɩa.

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

HOSIA 8:3

Ama Iziral tɩŋŋaa vɩa wɩalɩŋ sɩ zɔmɔ nɛ, ba dʋndɔŋŋɔɔ jaŋ kire to ba harɩŋ.