HOSIA 7:2 - WƖA TENIŊ

² Ama ba bɩ jɩŋ dɩ mɩɩ liisi ba wʋbɔŋŋɔɔ kala nɛ. Ba wʋbɔŋŋɔɔ golliba nɛ, ba hɛ mɩ sɩpaaŋ bʋa na-kala.

HOSIA 7:2 ပူးပေါင်းရင်းမြစ်များ

JOB 34:21

Wɩa sɩaa hɛ nuhuobiinee wombiee lɛ nɛ, ʋ yie na naakiel kala ba sɩ joŋo nɛ.

WƖA YƖƖLAA 10:11

aŋ bʋl, “Wɩa sɩpaa tuo. Ʋ kɛŋ ʋ sɩaa tɔ nɛ, ʋ bɩ wɩɩ-la ka na.”

WƖA YƖƖLAA 25:7

Joŋ wʋbɔmɔ-la kala mɩ sɩ ŋaa mɩ hambiiriŋ lɛ a chɛmɛ. A tɩŋ ŋ chonuŋ arɩ ŋ zile wɩaa, liisi mɩ wɩaa.

WƖA YƖƖLAA 50:22

Ma nɩalɩŋ sɩ yʋ mɩ-na Wɩa wɩaa, má jegili wɩɩŋ deeŋ, dɩ ŋɩɩ dee, mɩ jaŋ kɛmma pʋɔsɛ, ka nʋʋ tuo dɩ ʋ laama ta.

WƖA YƖƖLAA 9:16

La Tɩɩna wʋtɩtɩɩ lɛ nɛ ŋ jaŋ to a jɩmʋ. Wʋbɔmɔ-la nɩbɔŋŋɔɔ sɩ ŋaa nagɛ bɛrɛ nɛ a gʋra kɛsɛba.

WƖA YƖƖLAA 90:8

Ŋ jɩŋ la wʋbɔŋŋɔɔ kala nɛ, wɩalɩŋ kala la sɩ lʋara ŋaa.

AZAAYA 1:3

Nɛ-fere jɩŋ ʋ tɩɩna nɛ, kakumo ma jɩŋ lee-la ʋ tɩɩna sɩɩ pʋ kʋdiilee, ama Iziral tɩŋŋaa bɩ mɩ jɩŋ, mɩ nɩaa paala bɩ wɩaa bʋbʋɔŋ jɩŋ.”

AZAAYA 26:16

La TƖƖNA, bʋa-la lɛ ŋ sɩ dɔgɩsɛ ŋ nɩaa, ba na hɛɛŋ. Ŋ sɩ lɛrɛ ba dɩgɩlɩŋ ba kɔ ŋ teeŋ nɛ a nɛrɩgɛ munso sʋsʋlʋŋ.

AZAAYA 44:19

Nɩalɩŋ kʋŋ bɩ jaŋ hɔŋ a bɩɩnɛ a bʋl, “Daasɩ-la dɔnsʋŋ nɛ mɩ kaa hɛ nyiniŋ a ŋaa kʋdiilee didii a kaa wasɛ nammɩa chɩchaŋ. Bɛɛ nɛ tɩɩ mɩ jaŋ kɛŋ daa-la kʋkaanaa a ŋaa tɔmʋŋ a kpʋkpaarɛ?”

AZAAYA 5:12

Dɩ ba gbielee ma lɛ nɛ, ba yie du chenniŋ arɩ ba kɔnɛba a chɩgɩsɛ chɩnchɩgɩsɩŋ a ŋmʋʋ ŋmʋlaa hɛ, aŋ nyʋnyʋa sɩnɩŋ. Ama ba paala bɩ wɩalɩŋ La TƖƖNA sɩ ŋaa kaa tɩtɩŋ, ba sɩpaaŋ tuo ba lɛ.

JƐRƖMAAYA 14:10

Wɩɩ-la La TƖƖNA sɩ bʋla tɩgɛ nɩaa deemba lɛ nɛ ŋ-la: “Ba chaasa cho dɩ ba gɔllɔɔ baarɛ nɛ. Ba naasɩŋ bɩ lee-kala buo. Ŋɩɩ wɩaa mɩ-na ma TƖƖNA bɩ ba laa. Lɛɛlɛ nɛ mɩ jaŋ liisi ba tʋɔhɛɛ wɩalɩŋ ba sɩ ŋaa, a dɔgɩsɛba a tɩŋ ba wʋbɔŋŋɔɔ wɩaa.”

JƐRƖMAAYA 16:17

Mɩ sɩaa ka na ba wʋŋaalaa kala nɛ. Wɩalɩŋ kʋŋkala bɩ faa mɩ teeŋ. Ba wʋbɔŋŋɔɔ ma bɩ faa mɩ teeŋ.

JƐRƖMAAYA 17:1

La Tɩɩna sɩ, “Hɔɔŋ nɛ ba kaa ŋmʋnsɛ Juda wʋbɔmʋŋ. Hɔɔ-chʋlachʋla-bie nɛ ba kaa tuuri. Ba ŋmʋnsɛ wɩalɩŋ hɛ ba tʋɔŋ lɛ nɛ arɩ ba vʋɩ-kpaarɛ korunuŋ nyilliŋ lɛ.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 32:19

Ŋ wɩaa kala ŋaa wʋbala nɛ, ŋ wʋŋaalaa ma kala ŋaa wʋduoru. Ŋ sɩaa ka na nuhuobiinee wʋŋaalaa kala nɛ. Ŋ yie tiŋ nʋʋkala a lɩɩ ŋɩɩ ʋ mɛlɛ arɩ ʋ wʋŋaalaa sɩ naga nɛ.

JƐRƖMAAYA 4:18

Ma tɩtɩa mɛlɛ arɩ ma wʋŋaalaa nɛ lɛrɛ wɩɩŋ deeŋ kʋ hɛ ma lɛ. Ŋɩɩ ba sɩ jaŋ dɔgɩsɛma nɛ ŋɩɩ. Ʋ faasa hɛɩ nɛ. Ʋ wɩɩ jʋʋ kɛŋ ma chʋbagɩlɩŋ-buguluŋ nɛ woruŋ.

JƐRƖMAAYA 44:21

“Kʋsʋɔrʋsʋ-la ma sɩ nyɩga Juda tasɩŋ arɩ Jerusalɛm womporunuŋ lɛ, ma dɩ ma naabalɩmaba, ma kuoroo, ma tɩntɩnnɩ-hɩasɩŋ arɩ nɩalɩŋ kala sɩ hɛ tintee-la lɛ, ma bɩɩna La TƖƖNA yʋ ba wɩaa nɛ koo?

ƐZƖKƖƐL 21:29

Má sɩ́ wɩalɩŋ ba sɩ na a nagɛ duosoo tʋɔŋ arɩ wɩalɩŋ ba sɩ vʋga na a tɩgɛ ma lɛ kaa tɩŋ. Ba ŋaa wʋnyɩɛrɩŋ nɛ. Ma ŋaa nɩbɔmɔ nɛ a ŋɩŋaa wʋbɔŋŋɔɔ. Tapʋlɩɩ-la ba sɩ jaŋ dɔgɩsɛma yie nɛ. Tokobiiŋ nɛ ba jaŋ kaa keri ma baŋŋaa.

HOSIA 12:2

La TƖƖNA kɛŋ wɩɩ nɛ dɩ ʋ bʋla tɩgɛ Juda lɛ, ʋ jaŋ dɔgɩsɛ Jekɔb a tɩŋ ŋɩɩ ʋ sɩɩ ŋaa wɩaa, a joŋ ʋ wʋŋaalaa chɩmɩŋ tiŋ ʋ lɛ.

HOSIA 4:9

Nɩalɩŋ sɩ nagɛ ŋɩɩ, ŋɩɩ tɩtɩa nɛ Wɩɩsʋllɩ sɩpaalaaraa ma nagɛ. Mɩ jaŋ dɔgɩsɛ ba kala a tɩŋ wombie-la ba sɩɩ to wɩaa, a joŋ ba wʋŋaalaa chɩmɩŋ tiŋ ba lɛ.

HOSIA 6:2

Tapʋlaa balɩa harɩŋ ʋ jaŋ leŋ dɩ la bɩra kɛŋ doluŋ, tapʋl-tori chɛɛŋ ʋ jaŋ bɩra kɛnla kaa kɔ ʋ teeŋ dɩ la hɛ ʋ leriŋ.

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

HOSIA 9:15

La TƖƖNA sɩ, “Ba suomi ba nɩbɔŋ wɩaa kala Gɩlɩgal lɛ nɛ, nɩmɛ nɛ mɩ chɩna bɛrɛba. Wʋbɔmɔ-la ba sɩɩ ŋaa wɩaa, mɩ jaŋ kiriba ta mɩ tinteeŋ lɛ. Mɩ bɩra bɩ jaŋ choba, ba sɩpaalaaraa kala vɩa mɩ niiŋ nɛ.

HOSIA 9:9

Ba wɩɩŋ nɛ wʋbɔŋŋɔɔ ŋaanɩŋ, a nagɛ bʋa-la ba sɩ hɛ Gɩbɩa lɛ. Wɩa jaŋ liise yi ba nɩbɔŋ wɩalɩŋ lɛ, a dɔgɩsɛba a tɩŋ ba wʋbɔmɔ-la wɩaa.

AMƆS 8:7

La TƖƖNA, ma Jekɔb doho nɩaa sɩ kaa ŋmoo bɔyɛ hɛ niiŋ a bʋl, “Mɩ bɩ jaŋ yʋ wɩalɩŋ ba sɩ ŋaa kʋŋkala.

JONA 1:2

“Sii mʋ tabal-la ba sɩɩ yɩrɛ Nɩnɩvɛ a bʋl wɩaa chagɩlɛba a mʋ tɩgɛ wʋbɔmɔ-la ba sɩɩ ŋaa lɛ. Mɩ na ba wʋbɔmɔ-la nɛ.”

NAMBABA 32:23

Ama dɩ ma nɛ bɩ ŋɩɩ ŋaa, La Tɩɩna teeŋ ma ŋaa wʋbɔŋ nɛ, ʋ jaŋ dɔgɩsɛma.

Luuk 12:2

Wɩɩkala sɩ faa, ʋ jaŋ kʋ lɩɩ pʋlʋmʋŋ, nɩaa jaŋ nɩɩ wɩɩ-la ma sɩ ŋaa wʋfaalɩɩ.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

MOSIS BƖRA WULLI WƖA WOMBIIŊ 32:29

Dɩ ba nɛ fa kɛŋ wʋjɩmɩŋ, a jɩŋ wɩaa deemba bʋbʋɔŋ, ba fa jaŋ wuo jɩŋ ŋɩɩ ba dɩdɛrɩŋ sɩ jaŋ nagɛ.

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.