HOSIA 4:9 - WƖA TENIŊ

⁹ Nɩalɩŋ sɩ nagɛ ŋɩɩ, ŋɩɩ tɩtɩa nɛ Wɩɩsʋllɩ sɩpaalaaraa ma nagɛ. Mɩ jaŋ dɔgɩsɛ ba kala a tɩŋ wombie-la ba sɩɩ to wɩaa, a joŋ ba wʋŋaalaa chɩmɩŋ tiŋ ba lɛ.

HOSIA 4:9 ပူးပေါင်းရင်းမြစ်များ

NAMAGABA 11:31

Tʋɔpʋl tɩŋŋaa sɩ jaŋ laa ba time dʋnɩa deeŋ lɛ ŋɩɩ, ŋɩɩ-na wʋbɔŋ ŋaaraa arɩ nɩbɔŋŋɔɔ ma jaŋ laa ba time.

NAMAGABA 12:14

Ŋ niiŋ wʋbʋlaa lɛ nɛ ŋ jaŋ to na wʋzɔŋŋɔɔ, ŋɩɩ tɩtɩa nɛ dɩ ŋ nɛ tɩma, ŋ jaŋ laa time.

NAMAGABA 5:22

Nɩbɔmʋŋ wʋŋaalaa gʋra kɛŋ ʋ tɩtɩa nɛ. Ʋ wʋbɔŋŋɔɔ vɔbʋ.

AZAAYA 24:2

Wɩɩsʋllɩ sɩpaalaaraa, arɩ nʋʋkala, yosuŋ arɩ nɩalɩŋ sɩ tɩɩ ba tɩtɩa, haalaa arɩ ba ketiee, nɩalɩŋ sɩɩ yallɛ kɩaa arɩ nɩalɩŋ sɩɩ yɔɔ, nɩalɩŋ sɩ joŋ kɩaa chɩchɩŋ nɩaa arɩ chɩŋ-diiree, kɩaa tɩŋŋaa arɩ summoo, ba kala lɛ nɛ wɩɩŋ deeŋ jaŋ ŋaa.

AZAAYA 3:10

Bʋla pɩ nɩalɩŋ sɩ kɛŋ tʋɔpʋla dɩ ba jaŋ kɛŋ tʋɔtɔrʋŋ, wɩaa jaŋ vɛŋ woruŋ pɩba. Ba jaŋ dii ba wʋzɔmɔ-la ba sɩɩ ŋaa nyʋʋrʋŋ.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

ƐZƖKƖƐL 44:10

Mɩ jaŋ dɔgɩsɛ Levi doho nɩalɩŋ arɩ Iziral tɩmma-la sɩ vɩamɛ aŋ mʋ kpʋkpaarɛ vʋɩyaa.

ƐZƖKƖƐL 44:12

Ama a tɩŋ ba sɩ laa Iziral tɩŋŋaa sɩpaaŋ a kpaarɛ ba vʋɩyaa pɩpɩba, a leŋ Iziral tɩŋŋaa ŋaa wʋbɔŋŋɔɔ, mɩ-na ma TƖƖNA Wɩɩjarɩbakɔ ŋmɩɛsa nɛ arɩ mɩ jaŋ dɔgɩsɛba.

HOSIA 1:4

Ŋɩɩ nɛ La TƖƖNA bʋla pʋ, “Hɛ ʋ yɩrɩŋ Jɛzɩrɛl, bɛɛ wɩaa mɩ bɩ jaŋ dieni aŋ dɔgɩsɛ kuoro Jehu doho nɩaa a tɩŋ nɩalɩŋ ʋ sɩ kpʋa Jɛzɩrɛl lɛ wɩaa. Mɩ jaŋ leŋ dɩ Iziral kuoruŋ dɛrɛ.

HOSIA 10:10

Bʋa-la lɛ mɩ sɩ cho, mɩ jaŋ dɔgɩsɛba, mɩ jaŋ leŋ dɩ tinteyee nɩaa sii hɛ dɔŋɔ a kɔ ba lɛ, a kɛsɛba a dɔgɩsɛba a tɩŋ ba sɩɩ ŋaa wʋbɔŋŋɔɔ bʋlɩa bʋlɩa.

HOSIA 12:2

La TƖƖNA kɛŋ wɩɩ nɛ dɩ ʋ bʋla tɩgɛ Juda lɛ, ʋ jaŋ dɔgɩsɛ Jekɔb a tɩŋ ŋɩɩ ʋ sɩɩ ŋaa wɩaa, a joŋ ʋ wʋŋaalaa chɩmɩŋ tiŋ ʋ lɛ.

HOSIA 12:3

Ʋ naaŋ luoruŋ tʋɔŋ, ʋ kɛŋ ʋ naambie naatilimiŋ lɛ nɛ, ʋ sɩ waa baal, ʋ kɛŋ Wɩa loo.

HOSIA 7:2

Ama ba bɩ jɩŋ dɩ mɩɩ liisi ba wʋbɔŋŋɔɔ kala nɛ. Ba wʋbɔŋŋɔɔ golliba nɛ, ba hɛ mɩ sɩpaaŋ bʋa na-kala.

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

HOSIA 9:15

La TƖƖNA sɩ, “Ba suomi ba nɩbɔŋ wɩaa kala Gɩlɩgal lɛ nɛ, nɩmɛ nɛ mɩ chɩna bɛrɛba. Wʋbɔmɔ-la ba sɩɩ ŋaa wɩaa, mɩ jaŋ kiriba ta mɩ tinteeŋ lɛ. Mɩ bɩra bɩ jaŋ choba, ba sɩpaalaaraa kala vɩa mɩ niiŋ nɛ.

HOSIA 9:9

Ba wɩɩŋ nɛ wʋbɔŋŋɔɔ ŋaanɩŋ, a nagɛ bʋa-la ba sɩ hɛ Gɩbɩa lɛ. Wɩa jaŋ liise yi ba nɩbɔŋ wɩalɩŋ lɛ, a dɔgɩsɛba a tɩŋ ba wʋbɔmɔ-la wɩaa.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”