HOSIA 4:3 - WƖA TENIŊ

³ Ŋɩɩ wɩaa nɛ tɩɩ tintee-la nɩaa yel, a kala jɩjagɛ. Baga kɩaa arɩ diibiisiŋ sɩɩ zaarɛ wɩa-nyuŋ arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.

HOSIA 4:3 ပူးပေါင်းရင်းမြစ်များ

AZAAYA 33:9

Tintee-la kala hɩla nɛ a pɩŋ hoi, Lɛbanɔŋ tinteeŋ duu-la ma kala nɛ hɩla. Sarɔŋ fuonaa sɩŋ-la kala mɩɩra bɩrɩmɛ tintee-hɩlɩɩ nɛ, a nagɛ lee-la ba sɩɩ yɩrɛ Araba. Basaŋ tinteeŋ arɩ peel-la ba sɩɩ yɩrɛ Kamɛl, ba tɩɩsɩŋ pɩpaarɩŋ kala nɛ yuoro.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 4:25

Mɩ sɩ bene, mɩ bɩ nʋʋkala na. Diibiisiŋ ma kala sɩ hɛ wɩa-nyuŋ fa file viiri nɛ.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:9

Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa?” Mɩ-na ma TƖƖNA nɛ bʋla. “Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ tiŋ tintee doho deeŋ lɛ?”

ƐZƖKƖƐL 38:20

Chenfilee, diibiisiŋ, bagɩlaa arɩ kɩalɩŋ kala sɩɩ vaamɛ tinteeŋ, a pɛ nuhuobiinee lɛ, ba kala jaŋ chichel mɩ sɩpaaŋ. Peelee jaŋ wuro chu dɩ bʋsʋŋ yɛrɛ dɩ jeyee ma kala tel.

JOWƐL 1:18

Losuŋ kɛŋ nɛsɩŋ nɛ ba yiyel, piesee ma nɩna hɛɛŋ, bɛɛ wɩaa yaŋ tuo dɩ ba dii.

AMƆS 1:2

Amɔs fa bʋla: “La TƖƖNA jaŋ tʋɔra lɩɩ Zaayɔŋ lɛ, a dɔmɔ lɩɩ Jerusalɛm lɛ. Piesee dɩ-diilee yaŋ kala jaŋ hɩl, dɩ peel-la ba sɩɩ yɩrɛ Kamɛl ma nyuŋ yaŋ hɩl.”

AMƆS 5:16

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma jaŋ nɩɩ dɩ baa ŋmoo niiŋ womporunuŋ arɩ bilii kala lɛ. Ba jaŋ paala yɩrɛ paaraa dɩ ba kʋ pɛ gɔgɔɔ lɛ dɩ ba yel kɩŋkɛŋ.

AMƆS 8:8

Ma tinteeŋ jaŋ zigili a tɩŋ ma wʋŋaalaa wɩaa, dɩ ma nɩalɩŋ kala sɩ hɛ ʋ lɛ yel. Tintee-la kala jaŋ sii aŋ bɩra tuu pɩŋ a nagɛ Ijipiti tinteeŋ fuo-la ba sɩɩ yɩrɛ Naayɩl fa sɩ sii ŋɩɩ aŋ bɩra tuu pɩŋ.”

NAHUM 1:4

Dɩ ʋ nɛ kpɩa mʋgʋ-balɩŋ lɛ, ʋ yie hʋ nɛ, ʋ yie leŋ fuonuŋ kala hɩl. Basaŋ tinteeŋ arɩ Kamɛl peeliŋ tɩɩsɩŋ arɩ yaŋ kala hɩl, Lɛbanɔŋ tinteeŋ tɩɩfɩɩlaa kala yuori.

ZEFANAAYA 1:3

Mɩ jaŋ tii paa nuhuobiinee arɩ pʋsʋŋ, diibiisiŋ arɩ chenfilee sɩ hɛ mʋgʋ-balɩŋ tʋɔŋ. Nɩbɔŋŋɔɔ jaŋ daŋ dɔŋɔ lɛ a sii chʋɔrɛ, dɩ mɩ nɛ kpʋ dʋnɩa nɩaa kala.” La TƖƖNA nɛ bʋla.

ZƐKARƖYA 5:4

La TƖƖNA doluŋ kala Tɩɩna sɩ, ‘Mɩ jaŋ leŋ dɩ teŋ-la lɩɩ, a mʋ jʋʋ gaarʋ kala dɩa arɩ nɩalɩŋ sɩɩ nyɩɛ wɩaa aŋ ŋmɩŋmɩɛsɛ mɩ yɩrɩŋ lɛ. Teŋ-la jaŋ ka ʋ dɩa lɛ a chei dɩa-la daasɩŋ arɩ ʋ tabɩaa kala.’ ”