HOSIA 4:2 - WƖA TENIŊ

² Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.

HOSIA 4:2 ပူးပေါင်းရင်းမြစ်များ

WƖAA DƖ-SUOMUŊ 4:8

Ŋɩɩ nɛ Keeŋ bʋla pɩ ʋ ŋaana Abɛl, “Leŋ dɩ la mʋ gɩrɩŋ.” Ba sɩ mʋ gɩrɩŋ, Keeŋ gurigi ʋ ŋaana Abɛl a kpʋʋ.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

AZAAYA 48:1

Ma Iziral tɩmma-la sɩ ŋaa Juda doho nɩaa, má jegile nɩɩ: Ma nyɩɛ wɩaa arɩ maa chʋɔlɛ Iziral tɩŋŋaa Wɩa nɛ, ama ma bɩ wʋtɩtɩɩ arɩ tʋɔpʋla kɛnɛ.

JƐRƖMAAYA 51:5

Mɩ-na ma TƖƖNA Wɩa, doluŋ kala Tɩɩna, bɩ Iziral tɩŋŋaa arɩ Juda nɩaa vɩa ta, arɩ ba sɩ ŋaa wʋbɔŋŋɔɔ mɩ-na ba Iziral tɩŋŋaa Wɩa sɩ bɩ disiniŋ kɛnɛ sɩpaaŋ, ba tinteeŋ kala lɛ.

JƐRƖMAAYA 6:7

A nagɛ lɩɩŋ sɩ yie bul a lɩlɩɩ viliŋ lɛ ŋɩɩ, ŋɩɩ nɛ Jerusalɛm wʋbɔŋŋɔɔ ŋaanɩŋ nagɛ. Yuosuŋ arɩ leriŋ cheyiŋ yʋga ʋ lɛ. Mɩɩ na ʋ nɩaa nyanyalaa arɩ ʋ naawɩɩlaa kala nɛ.

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

ƐZƖKƖƐL 7:23

Ba libi chɔrʋmɔɔ ba sɩ jaŋ kaa vɔɔ nɩaa, bɛɛ wɩaa nɩaa kpʋnʋŋ su ba tintee-la kala nɛ, ba tasɩŋ ma su arɩ yuosuŋ.

HOSIA 10:13

Ama ma kɛŋ tʋɔhɛɛŋ nɛ duu kɩaa, a kɛŋ tʋɔbɔmʋŋ kʋŋ kɩalɩŋ. Ma dii wʋnyɩɛrɩ kɩaa nɛ, bɛɛ wɩaa ma joŋ ma yɩɛlaa hɛ ma tɩtɩa doluŋ arɩ ma laalɩyuori wajɩaba-la sɩ yʋga lɛ nɛ.

HOSIA 10:4

Ba yie hɛ niiriŋ yʋgɛ, a ŋmɩŋmɩɛsɛ pɛɩpɛɩ, a nyɩɛ wɩaa hɛ niiŋ pɩpɩ dɔŋɔ. Ŋɩɩ wɩaa wʋtɩtɩɩ bɩrɩmɛ wʋnyɩɛrɩŋ a tɛllɛ naaŋ, a nagɛ saga sɩ hɛ paara baga lɛ.

HOSIA 11:12

Wʋnyɩɛrɩŋ nɛ Efirem kaa tɔ mɩ hɛ ka Iziral dɩa nɩaa ma nyɩnyɩsɛmɛ. Juda nɩaa ma haa to vʋɩyaa nɛ, a vɩa Wɩa sɩ bɩ disiniŋ kɛnɛ.

HOSIA 12:14

Ama Efirem chaasa leŋ La TƖƖNA baanɩŋ sii nɛ ʋ nyuŋ. La TƖƖNA jaŋ leŋ dɩ nɩalɩŋ ʋ sɩ kpʋa cheeriŋ nyʋa ʋ nyuŋ lɛ. Ʋ jaŋ joŋ jomo-la ʋ sɩ tʋʋsʋ chɩmɩŋ timu.

HOSIA 5:2

Nɩalɩŋ sɩ vɩamɛ ka kpʋ nɩaa kɩŋkɛŋ nɛ, mɩ jaŋ dɔgɩsɛba.

HOSIA 6:8

Gɩlɩad ŋaa tabal sɩ suo arɩ nɩbɔŋŋɔɔ nɛ, ba kpʋ nɩaa chalɩŋ su lee-kala.

HOSIA 6:9

A nagɛ wɛŋ-boruroo sɩ yie faa a gbɛrɛ nɩaa ŋɩɩ, ŋɩɩ nɛ Wɩɩsʋllɩ sɩpaalaaraa ma yie hɛ dɔŋɔ lɛ a ŋɩŋaa. Ba yie kpʋ nɩaa Sɛkɛm wombiiŋ lɛ a ŋaa wʋbɔŋŋɔɔ sɩ kɛŋ hɩɩsɩŋ.

HOSIA 7:1

Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala, Efirem wʋbɔŋŋɔɔ yie chaasa lɩɩ chɩŋ nɛ kporo, Samarɩa ma nɩbɔŋ wɩaa chɩŋ kporo. Baa nyɩsɛ nɩaa nɛ, gaaraa boro jʋjʋʋ nɩaa dɩɩsɩŋ wɛŋ-boruroo gurigoo laa nɩaa kɩaa womporunuŋ lɛ.

HOSIA 7:3

Ba yie ŋaa wʋbɔŋŋɔɔ a leŋ kuoro tʋɔŋ tɔrɛ, a nyɩɛ wɩaa ba sɩpaalaaraa ma tʋɔŋ tɔrɛ.

HOSIA 7:4

Ba kala ka ŋaa wʋlɩɩlɩŋ nɛ. Ba nagɛ tabʋʋŋ ba sɩ hɛ nyiniŋ ʋ faasa didii nɛ, nɩɩ-la sɩɩ wasɛ boroboro bɩra bɩ kaa hɩhɛ, aŋ buu munuŋ bil halɩɩ ʋ sii pʋɔra dɛrɛ.

MƖKA 3:2

ama ma bɛrɛ wʋzɔŋŋɔɔ nɛ aŋ cho wʋbɔŋŋɔɔ. Ma fɩsɛ mɩ nɩaa puruŋ nɛ aŋ ka ba nampɩlɩŋ arɩ ba haŋgbelee.

MƖKA 3:9

Iziral tɩŋŋaa sɩpaalaaraa, má nɩɩ wɩɩŋ deeŋ, ma nɩalɩŋ sɩɩ beŋ Iziral tɩŋŋaa, ma bɛrɛ wʋtɩtɩɩ nɛ a kɛŋ wɩalɩŋ kala sɩ tʋʋla a golibi.

MƖKA 6:10

Ʋ sɩ, “Mɩ bɩ jaŋ yʋ nɩbɔŋŋɔɔ wɩaa, ma nɩalɩŋ sɩ gɩrɩma dʋa kɩaa su ma dɩɩsɩŋ, a kɛŋ gbaŋa-la sɩ bɩ yie kaa magɩsɛ kɩaa. Wɩɩŋ deeŋ ŋaa wɩɩ mɩ sɩ bɛrɛ nɛ.

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

ZEFANAAYA 3:1

Wɩaa puu Jerusalɛm, ʋ nyagɛ nɩaa bil nɛ, a vɩa dagɩŋ aŋ ŋaa wɩaa a kɛŋ disiniŋ.

ZƐKARƖYA 5:3

Ŋɩɩ nɛ ʋ bʋla pɩmɛ, “Teniŋ deeŋ lɛ nɛ ba ŋmʋnsɛ ŋmɩaŋ-la sɩ jaŋ tɩtɩŋ tintee-la kala lɛ a hɛ. Teŋ-la sɛmɛ dɔŋɔ lɛ ba ŋmʋnsa hɛ a bʋl arɩ ba jaŋ lɩɩsɛ gaaraa kala ta. Teŋ-la sɛmɛ dɔŋɔ ma ba bʋl arɩ nʋʋkala sɩ nyɩɛ wɩaa aŋ ŋmɩɛsɛ, ba jaŋ lɩɩsʋ ta.

ZƐKARƖYA 7:9

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má leŋ dɩ wʋtɩtɩɩ chaasa chɩŋ ʋ bʋa lɛ. Má fɩfá nɩaa nenige, a fɩfá dɔŋɔba nisusuŋ.

Matiu 23:35

Wɩa jaŋ dɔgɩsɛ jɩnɩŋ nɩaa a tɩŋ ba sɩ kpʋ nɩaa, a chɩŋ bʋa-la lɛ ba sɩ kpʋ nɩalɩŋ sɩ bɩ wɩɩ cheye, a suomi Ebil lɛ a kaa kɔ bʋa-la lɛ ba sɩ kpʋ Bɛrɛkɩa nanʋala Zɛkarɩya. Ba kpʋʋ Wɩa dɩa tʋɔŋ a kpagɛ koru-la nyuŋ ba sɩ yie nyɩgɛ pʋsʋŋ pɩpɩ Wɩa nɛ. Ba cheeriŋ jaŋ nyʋa ba nyuŋ lɛ.

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

MOSIS BƖRA WULLI WƖA WOMBIIŊ 5:11

Má pɔ ma sɩ́ mɩ yɩrɩŋ yɩrʋ pɛɩ. Mɩ-na ma Tɩɩna Wɩa jaŋ dɔgɩsɛ nɩɩ-la kala sɩ yɩrɛ mɩ yɩrɩŋ pɛɩ.

MOSIS BƖRA WULLI WƖA WOMBIIŊ 5:18

Má sɩ́ nʋʋ haal chɛ.

MOSIS BƖRA WULLI WƖA WOMBIIŊ 5:19

Má sɩ́ gaa.

1 Tɛsalonaaka Nɩaa 2:15

Juu tɩŋŋaa deemba nɛ kpʋ La Tɩɩna Yesu arɩ Wɩa wʋlaabʋllaa, aŋ to naasɩŋ dɔgɩsɛ la ma. Ba ŋaa wɩaa chei Wɩa tʋɔŋ nɛ aŋ hosi nʋʋkala nyuŋ.

Jɔɔŋ Wʋnaalaa 17:6

Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.