HOSIA 2:4 - WƖA TENIŊ

⁴ Mɩ bɩ jaŋ dagɛ mɩ chonuŋ ʋ biiriŋ lɛ, bɛɛ wɩaa ba ŋaa mɛŋgaa biiriŋ nɛ.

HOSIA 2:4 ပူးပေါင်းရင်းမြစ်များ

2 KUOROO 9:22

Joram sɩ na Jehu ʋ pɩɛsʋ, “Jehu, ba fɩɛlaa nɛ ŋ kʋkɔ?” Jehu ma pɩɛsɛ, “Ɛɛ nɛ yarɩfɩɛlaa jaŋ wuo ŋaa hɛ nɩmɛ, ma sɩ́ bɩ ma naaŋ Jɛzɛbɛl vʋɩyaa arɩ ʋ hɩl-wɩalɩŋ leŋe?”

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

AZAAYA 57:3

Ama ma nɩaa deemba nagɛ vʋgʋraa, arɩ nɩlɩɩlɩŋ arɩ bachɔrʋmɔɔ arɩ hachɔrʋmɔɔ nɛ!

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 16:5

Wɩɩ-la La TƖƖNA bɩra sɩ bʋla nɛ ŋ-la: “Pʋpɔ ŋ sɩ́ dɩa kala lɛ ba sɩɩ ŋaa yoho kʋdiilee jʋʋ. Pʋpɔ ŋ sɩ́ yel koo a nyagɛ nɩalɩŋ sɩɩ yel bɔyɛ, bɛɛ wɩaa, mɩ leŋ ŋɩɩ mɩ fa sɩɩ pɛ ba lɛ nɛ. Mɩ fa sɩ choba ŋɩɩ a fɩfá ba nisusuŋ, ŋɩɩ bɩra tuo. Mɩ-na ma TƖƖNA nɛ bʋla.

ƐZƖKƖƐL 23:25

Mɩ jaŋ joŋ mɩ yarɩ-bieri baanɩŋ a fɩɩsɛ ŋ lɛ, dɩ ba chaasa dɔgʋsʋŋ arɩ baanɩŋ woruŋ. Ba jaŋ keri ŋ mɩɩsɩŋ arɩ ŋ dɩgɩlaa ta, aŋ kpʋ ŋ nɩalɩŋ sɩ ka arɩ tokobiiŋ. Ba jaŋ kɛsɛ ŋ hambolibiisiŋ arɩ ŋ hantolibiisiŋ kala viiri aŋ nyɩgɛ nɩkaanaa.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

HOSIA 1:2

La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”

HOSIA 1:6

Goma bɩra kɛŋ luoruŋ a lʋl hantolibie. Ŋɩɩ nɛ La TƖƖNA bʋla pɩ Hosia, “Hɛ ʋ yɩrɩŋ Lo-Ruhama. Ʋ bʋbʋɔŋ nɛ ‘chonuŋ tuo’, bɛɛ wɩaa mɩ bɩra bɩ jaŋ dagɛ mɩ chonuŋ Iziral tɩŋŋaa lɛ, a joŋ ba wʋbɔŋŋɔɔ chɛba.

HOSIA 5:7

Ba bɩ wʋtɩtɩɩ kɛnɛ La TƖƖNA teeŋ, ba lʋl mɛŋgaa-biiriŋ nɛ. Lɛɛlɛ ba chɛŋ-falɩŋ gbielee jaŋ chei ba dɩ ba bagɩsɩŋ kala.

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

Jɔɔŋ 8:41

Maa ŋaa wɩalɩŋ ma nyɩmma sɩɩ ŋaa nɛ.” Ŋɩɩ nɛ ba bʋl, “La bɩ mɛŋgaa-biiri ŋaa. La kala Nyɩmma ŋaa kʋbala nɛ, ʋ nɛ Wɩa.”

Rom Tɩŋŋaa 11:22

Ma na ŋɩɩ Wɩa sɩ kɛŋ zile arɩ ŋɩɩ ʋ sɩ tɛrɛ nɛ. Ʋ tɛrɛ nɩalɩŋ sɩ mɩɩrɛ ʋ harɩŋ nyuŋ nɛ. Ama ʋ kɛŋ zile ma-na teeŋ, dɩ ma nɛ sɛyɛ dɩ ma tuto ʋ zile-la lɛ arɩ ma sɩ suomi ŋɩɩ. Ŋɩɩ dee ʋ jaŋ kerima ma ta.

Rom Tɩŋŋaa 9:18

Nɩalɩŋ saa Wɩa sɩ lɩɩsa dɩ ʋ fá ba nenige, ʋʋ fá ba nenige nɛ. Nɩalɩŋ ma ʋ sɩ lɩɩsa dɩ ba kɛŋ nyuduoŋ, ʋ leŋe ba ma kɛŋ nyuduoŋ nɛ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.