Tintee-la kala hɩla nɛ a pɩŋ hoi, Lɛbanɔŋ tinteeŋ duu-la ma kala nɛ hɩla. Sarɔŋ fuonaa sɩŋ-la kala mɩɩra bɩrɩmɛ tintee-hɩlɩɩ nɛ, a nagɛ lee-la ba sɩɩ yɩrɛ Araba. Basaŋ tinteeŋ arɩ peel-la ba sɩɩ yɩrɛ Kamɛl, ba tɩɩsɩŋ pɩpaarɩŋ kala nɛ yuoro.
Nɩyuŋoo tɩŋ ba tɩntɩnnaa nɛ dɩ ba mʋ ŋaa lɩɩŋ. Ba mʋ vilee, aŋ bɩ lɩɩŋ na. Ba mɩɩra kɛŋ nyuvii-hɩlaa nɛ kɔ. Ba tʋɔŋ chei, ba nandaasɩŋ yʋɔrɛ, hɩɩsɩŋ kɛmba, ba kɛŋ kɩaa tɔ ba nyusuŋ.
Ba bɩ pɩɛsa chɛmɛ a bʋl, ‘Nɩɩ nɛ La TƖƖNA hɛ?’ Nɩɩ-la sɩ laala ta Ijipiti tɩŋŋaa nɩsɩŋ lɛ a kɛnla lɩɩ, a vɛŋ tintee-hɩlɩŋ tʋɔŋ. Tintee-la fa ŋaa tintee-hɩlɩɩ nɛ, a kɛŋ buotuonuŋ sɩ luŋie. Duonuŋ bɩ nɩmɛ ka nɩɩ, lee-la sɩ bire, nʋʋkala bɩ nɩmɛ ka vɛŋ. Nʋʋkala ma bɩ lee-la hɔnɔ.
Mɩ-na ma TƖƖNA Wɩa, doluŋ kala Tɩɩna, bɩ Iziral tɩŋŋaa arɩ Juda nɩaa vɩa ta, arɩ ba sɩ ŋaa wʋbɔŋŋɔɔ mɩ-na ba Iziral tɩŋŋaa Wɩa sɩ bɩ disiniŋ kɛnɛ sɩpaaŋ, ba tinteeŋ kala lɛ.