HOSIA 11:3 - WƖA TENIŊ

³ Mɩ nɛ Nɩɩ-la fa sɩ dagɛ Efirem ʋ vɛŋ. Mɩ nɛ kɛŋ ʋ nɩsɩŋ lɛ, ama ʋ bɩ jɩŋ arɩ mɩ nɛ Nɩɩ-la sɩ beŋ ʋ nyuŋ.

HOSIA 11:3 ပူးပေါင်းရင်းမြစ်များ

WƖA YƖƖLAA 107:20

Ʋ niiŋ wʋbʋlaa nɛ vaarɛba, a laaba ta ba sʋʋŋ bʋa lɛ.

MOSIS KƐŊ IZIRAL TƖŊŊAA LƖƖ 15:26

Ʋ sɩ, “Dɩ ma nɛ jaŋ jegile nɩɩ mɩ-na ma TƖƖNA Wɩa niiŋ woruŋ a ŋɩŋaa wɩaa ba bʋa lɛ, a to wɩalɩŋ kala mɩ sɩ dagɛma, mɩ bɩ jaŋ joŋ nyanyalɩa-la mɩ sɩ joŋo hɛ Ijipiti tɩŋŋaa lɛ a hɛ ma lɛ. Mɩ nɛ ŋaa ma TƖƖNA, mɩ nɩɩ vaarɛ ma nyanyalaa.”

MOSIS KƐŊ IZIRAL TƖŊŊAA LƖƖ 19:4

‘Ma tɩtɩa na wɩɩ-la mɩ sɩ ŋaa Ijipiti tɩŋŋaa lɛ nɛ, arɩ ŋɩɩ mɩ sɩ pɔma a nagɛ kachuuŋ sɩ kɛŋ kɩŋkɛnsɩŋ tɔ ʋ biiriŋ a kɛmma kaa kʋ lɩɩ.

MOSIS KƐŊ IZIRAL TƖŊŊAA LƖƖ 23:25

Dɩ ma nɛ to mɩ-na ma TƖƖNA Wɩa, mɩ jaŋ pɛ ma lɛ dɩ ma na kʋdiilee arɩ lɩɩŋ, a pɔ dɩ nyanyalɩɩ kala sɩ́ ma kɛŋ.

AZAAYA 1:2

La TƖƖNA sɩ, “Wɩa-nyuŋ arɩ tinteeŋ kala, má jegile nɩɩ, mɩ dɩɛsɛ mɩ biiriŋ nɛ ba waa, ama ba vɩa mɩ niiŋ nɛ.

AZAAYA 30:26

Chɛnɛ pʋlʋmʋŋ jaŋ chaanɛ a nagɛ wɩɩpɔsʋŋ, ka wɩɩpɔsʋŋ ma chaanɛ a kɩɩ ŋɩɩ ʋ sɩ vɛnɛ chɩchaanɛ naansɩɩŋ bʋlɩpɛ, a nagɛ tapʋlaa balɩpɛ pʋlʋmʋŋ sɩ kʋ pɛ dɔŋɔ a chaanɛ tapʋl-bala. Wɩaa deemba kala jaŋ ŋaa bʋa-la lɛ La TƖƖNA sɩ jaŋ leŋ dɩ naawɩɩla-la ʋ sɩ hɛ ʋ nɩaa lɛ fɩɛlɛ.

AZAAYA 46:3

La TƖƖNA sɩ, “Má nɩalɩŋ sɩ ka Jekɔb doho nɩaa tʋɔŋ, má jegile nɩɩ mɩ teeŋ. Mɩ beŋ ma nyuŋ nɛ a lɩɩ bʋa-la lɛ ba sɩ lʋlma.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

JƐRƖMAAYA 30:17

Ama mɩ jaŋ bɩra pɩma yarɩfɩɛlaa, a ŋaa dɩ ma naawɩɩlaa ma fɩɛlɛ, a tɩŋ nɩaa sɩ sɩ Zaayɔŋ nɩaa ŋaa nɩ-kire taalɩa nɛ, nʋʋkala bɩ ba wɩaa chɩla. Mɩ-na ma TƖƖNA nɛ bʋla.”

JƐRƖMAAYA 8:22

Naawɩɩlaa nʋʋŋ tuo Gɩlɩad lɛɛ? Daalusuŋ tɩɩna kala tuoo? Bɛɛ nɛ saa tɩɩ mɩ nɩaa naawɩɩlaa bɩ fɩɛlɛ?

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

HOSIA 2:8

Ʋ bɩ sɛyɛ arɩ mɩ nɛ nɩɩ-la sɩ pʋ mɩaa, girep nɛnɛɛ sɩ-falɩŋ arɩ nʋʋŋ, a pʋ hɔpʋla arɩ sɛlɩmɛ, kɩalɩŋ ʋ sɩ joŋo pɩ vene-la ba sɩɩ yɩrɛ Baal.

HOSIA 7:1

Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala, Efirem wʋbɔŋŋɔɔ yie chaasa lɩɩ chɩŋ nɛ kporo, Samarɩa ma nɩbɔŋ wɩaa chɩŋ kporo. Baa nyɩsɛ nɩaa nɛ, gaaraa boro jʋjʋʋ nɩaa dɩɩsɩŋ wɛŋ-boruroo gurigoo laa nɩaa kɩaa womporunuŋ lɛ.

HOSIA 7:15

Mɩ dagɛba nɛ woruŋ a leŋ ba kɛŋ doluŋ, ka ba vʋʋrɛ wʋbɔŋŋɔɔ a tɩgɛ mɩ lɛ.

Tɩntɩŋŋaa 13:18

Ʋ bemba arɩ kenyiri jɩsɩŋ mahɩŋ balɩa tintee-hɩlɩŋ tʋɔŋ.

MOSIS BƖRA WULLI WƖA WOMBIIŊ 1:31

Ma fa sɩ hɛ tintee-hɩlɩɩ-la lɛ, ma na ŋɩɩ ma TƖƖNA Wɩa sɩ pɔma nɛ, a kɛmma kaa kɔ daha a nagɛ bie nyɩmma sɩ yie pɔ ʋ bie ŋɩɩ.”

MOSIS BƖRA WULLI WƖA WOMBIIŊ 33:27

Wɩa sɩ hɛ nɩmɛ deeŋ deeŋ nɛ ŋaa nɩɩ-la la sɩ yie fá mʋ yuori, ʋ dol-la sɩ bɩ dɛrɛ nɛ ʋ kaa pʋpɔma. Ʋ jaŋ kiri ma dʋndɔŋŋɔɔ, aŋ leŋ dɩ ma cheiba.

MOSIS BƖRA WULLI WƖA WOMBIIŊ 8:2

Má liisi jɩsɩŋ mahɩŋ balɩa-la kala ma TƖƖNA Wɩa sɩ kɛmma kaa vɩvɛŋ tintee-hɩlɩɩ-la lɛ. Ʋ ŋaa wɩaa ma lɛ dɩ ma sɩaa tuu tinteeŋ nɛ, aŋ magɩsɛma dɩ ʋ na ma jaŋ to wɩalɩŋ ʋ sɩ daga koo ma bɩ to.