HOSIA 1:2 - WƖA TENIŊ

² La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”

HOSIA 1:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 21:13

Ama ŋ mɩɩra to Iziral kuoroo naabʋɔsʋŋ nɛ, a leŋ Juda arɩ Jerusalɛm nɩaa kpaarɛ vʋɩyaa a nagɛ Ahab arɩ ʋ dɩa nɩaa sɩ ŋaa ŋɩɩ. Ŋ paala kpʋ ŋ naambiiriŋ nɛ, ŋ dɩ nɩalɩŋ sɩ pɛ nyɩmma, nɩalɩŋ sɩ paala kpɩaŋ.

WƖA YƖƖLAA 106:39

Wɩalɩŋ ba sɩ ŋaa leŋe ba kɛŋ disiniŋ nɛ, ba fa bɩ wʋtɩtɩɩ kɛnɛ arɩ Wɩa.

WƖA YƖƖLAA 73:27

Nɩalɩŋ kala sɩ bɩŋ kpaga jaŋ lɛl, ŋ jaŋ chei nɩalɩŋ kala sɩ bɩŋ laa dii.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:20

Faafaa kala nɛ ma vɩamɛ a bɩ mɩɩ to. Ma fa sɩ, ‘La bɩ jaŋ tɩma pɩŋ.’ Dundolo kala nyuŋ arɩ tɩɩ-lugu kala bʋbʋɔŋ nɛ ma kpʋkpaarɛ vesiŋ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

ƐZƖKƖƐL 6:9

Tinteye-la lɛ ba sɩ jaŋ kɛsɛba mʋ dɩ ba hɛ yoŋ-baga lɛ, ba jaŋ liisi ŋɩɩ ba sɩ ŋaa mɩ tʋɔŋ chei a tɩŋ ba sɩ bɩ wʋtɩtɩɩ kɛnɛ a joŋ harɩŋ yɩamɛ a cho vʋɩyaa. Ba tʋɔŋ jaŋ lɩɩ ba tɩtɩa a tɩŋ wʋbɔmɔ-la arɩ wʋkɩsɩa-la kala ba sɩ ŋaa.

HOSIA 2:7

Ʋ jaŋ kire to ʋ hɩɩlaba harɩŋ, ama ʋ bɩ jaŋ puuba. Ʋ jaŋ bee chɛba, ama ʋ bɩ jaŋ naba. Ŋɩɩ nɛ ʋ jaŋ bʋl, ‘Mɩ jaŋ mɩɩra mʋ mɩ bala teeŋ, mɩ faafaa-la nɛ kpɩa mɩ lɛɛlɛ.’

HOSIA 3:1

La TƖƖNA bʋla pɩmɛ, “Bɩra mʋ dagɛ ŋ chonuŋ ŋ haal-la lɛ, arɩ ʋ sɩ ŋaa hachɔrʋŋ ma nʋʋ dɔŋ hɩɩlʋ. Ŋ-na ha chou a nagɛ mɩ-na ma TƖƖNA sɩ cho Iziral tɩŋŋaa ŋɩɩ, arɩ ba sɩɩ to vesiŋ a joŋ tɩɩ-nɛŋ hɩlaa pɩpɩba ma.”

HOSIA 5:3

Mɩ jɩŋ Efirem wɩɩkala nɛ, Iziral wɩɩ tuo a faamɛ. Efirem, ŋ mɩɩra joŋ ŋ nyuŋ hɛ wʋlɩɩlɩŋ lɛ nɛ, Iziral kala chei.

Maak 1:1

Wɩa wʋzɔŋŋɔɔ dɩ-suomuŋ nɛ ŋ-la. Wɩaa deemba ŋaa Wɩa Bie Yesu Kirisito wʋzɔŋŋɔɔ wɩaa nɛ.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

2 Pɩɩta 2:14

Bʋa na-kala lɛ dɩ ba nɛ na haal, ba yie chɛʋ nɛ ba tʋɔŋ lɛ. Ba-na bɩ lɔl arɩ wʋbɔŋŋɔɔ ŋaanɩŋ. Ba yie nyɩnyɩsɛ nɩalɩŋ sɩ bɩ Wɩa wɩaa lɛ chɩna kpaŋ kpaŋ dɩ ba ŋaa wʋbɔŋ. Ba ŋaa tʋɔ-luŋ tɩmma nɛ. Wɩa kalɩba hɛ ba lɛ nɛ.

Jɔɔŋ Wʋnaalaa 17:5

ka ba ŋmʋnsɛ yɩrɩ-kpuŋkpere a hɛ ʋ tile lɛ: “Babɩlɔŋ ŋaa tabal nɛ. Nɩalɩŋ kala sɩ hɛ dʋnɩa lɛ a ŋɩŋaa wʋtɔɔnʋŋ, arɩ wʋlɩɩlɩŋ naaŋ.”