ƐZƖRA 9:9 - WƖA TENIŊ

⁹ La fa ŋaa yosi ma nɛ, ama ŋ-na la Wɩa bɩ la vɩa ta la yoŋ-baga-la lɛ. Ŋ dagɛ ŋ zile pɩla nɛ a leŋ Pɛsɩa tinteeŋ kuoro cho la wɩaa, a leŋ la kɛŋ mɩɩsɩŋ dɩ la wasa saa ŋ dɩa-la a bɩrɩmɛ lere-la kala sɩ cheye, ŋ leŋe la Juda arɩ Jerusalɛm nɩaa hɔŋ nɛ wɩɩ bɩ la walɩmɛ.

ƐZƖRA 9:9 ပူးပေါင်းရင်းမြစ်များ

ƐZƖRA 2:68

Ba sɩ mɩɩra kɔ La TƖƖNA dɩɩ-bal-la sɩ hɛ Jerusalɛm lɛ, ŋɩɩ nɛ dɩa dɩa nɩhɩasɩŋ dɔnsʋŋ joŋ ba tʋɔtɔrɛ kɩaa pa dɩ ba kaa wasa saa Wɩa dɩɩ-bal-la, dɩ ʋ chɩŋ ʋ dɩchɩnɩŋ.

ƐZƖRA 7:6

Ɛzɩra deeŋ lɩɩ Babɩlɔŋ nɛ a kɔ Jerusalɛm. Ʋ faa dagɛ nɩaa nɛ, a jɩŋ wombie-la La TƖƖNA, Iziral tɩŋŋaa Wɩa sɩ joŋo dagɛ Mosis ʋ ŋmʋnsa bil dɩ la tuto woruŋ. Kuoro fa pʋ kʋŋkala ʋ sɩ pɩɛsaa chɛ nɛ, bɛɛ wɩaa, ʋ Tɩɩna Wɩa fa chɩŋ ʋ harɩŋ nɛ.

ƐZƖRA 7:8

Ɛzɩra kʋ yi Jerusalɛm Atazɛzɛs sɩ dii kuoruŋ ʋ jɩ-pɛɩ tʋɔŋ chɛŋ-nɔŋ lɛ nɛ.

ƐZƖRA 9:10

Ama la Wɩa, wʋbɛɛ nɛ la jaŋ wuo bʋl wɩaa deemba kala harɩŋ lɛ? La bɩ wɩalɩŋ ŋ sɩ daga to,

NƐHƖMAAYA 2:17

Ŋɩɩ nɛ mɩ bʋla pɩba, “Ma tɩtɩa na wʋwalɩmɩa-la tʋɔŋ la sɩ hɛ nɛ. Jerusalɛm kala pɩŋ jikpeeŋ nɛ, ba nyɩgɛ ʋ boi-baalaa ma. Má kɔ dɩ la paa Jerusalɛm jebii-la wasa saa, a tɔ la hɩɩsɩŋ.”

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

WƖA YƖƖLAA 109:12

Leŋ dɩ nʋʋkala sɩ́ zile ŋaa ʋ lɛ, a sɩ́ ʋ biisinsi-la ma nenige fá.

WƖA YƖƖLAA 138:7

Wɩaa sɩ jʋʋmɛ, ŋ nɛ pɔ mɩ mɩɩsɩŋ. Mɩ dʋndɔŋŋɔɔ sɩ na baanɩŋ mɩ nyuŋ, ŋ naduo-la nɛ ŋ kaa laamɛ ta ba nɩsɩŋ lɛ.

AZAAYA 14:3

Tapʋlɩɩ-la La TƖƖNA jaŋ lɩɩsɛ Iziral nɩaa hɛɛ-la lɛ ba sɩ hɛ, arɩ tɩntɩŋ-duoru-la ba fa sɩ yie fʋgɛba hɛ ba tɩtɩŋ,

AZAAYA 5:2

Ŋɩɩ nɛ ʋ bugili baga-la tinteeŋ kala a tʋɔsɛ tabɩaa ta, aŋ chɔnsɛ tɩɩsɩ-la ʋ sɩ cho baga-la lɛ, a saa dɩɩ-leŋiŋ ʋ sɩ jaŋ chɩŋ ʋ nyuŋ aŋ bibeŋ baga-la, aŋ lu buotuoŋ ba sɩ jaŋ tɔrɛ tɩɩnɛnɛ-la hɛ a chɩchagɛ ba lɩɩŋ. Ŋɩɩ nɛ ʋ gbɛrɛ dɩ tɩɩsɩ-la nɛŋ nɛŋ-zɔŋŋɔɔ, ba mɩɩra nɛŋ nɛŋ-lɔrʋnʋŋ dʋndʋŋa.

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

AZAAYA 61:4

Ba jaŋ paa jikpee-bɩnɩa-la arɩ tasɩ-la kala sɩ pɩŋ jikpeeniŋ a dieni a wasa saa.

ƐZƖKƖƐL 11:16

Ŋɩɩ wɩaa, bʋla pɩ nɩalɩŋ sɩ hɛ yoŋ-baga lɛ, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ nɛ fa leŋe ba mʋ tintee-wogusuŋ a kɛmba pɩsa hɛ tinteyee sɩ bolie lɛ, ama mɩ hɛ ba teeŋ nɛ a pɔba tinteye-la kala lɛ ba sɩ mʋa.’

DANƖƐL 9:25

Jɩŋ wɩɩŋ deeŋ sɩaa woruŋ: A chɩŋ bʋa-la lɛ ba sɩ pa wombiiŋ dɩ ba paa Jerusalɛm wasa saa, a kaa kɔ bʋa-la lɛ Wɩa sɩ jaŋ lɩɩsɛ sɩpaalaarʋ-la dɩ ʋ kɔ, jaŋ ŋaa yɔɔsʋŋ balɩpɛ sɩ bala lɛ. Ba sɩ jaŋ bɩra bil wombiee ma a lu bʋɔsʋŋ ma a kaa pɔ ba tɩtɩa Jerusalɛm lɛ jaŋ ŋaa jɩsɩŋ zɔɔ-banɛsɛ arɩ mahɩŋ banɛsɛ arɩ batori lɛ. Ama bʋa deeŋ lɛ wʋjʋʋlaa jaŋ hɛ nɩmɛ.

HAGAƖ 1:9

Ma faa yɩɛlɛ dɩ ma na ma baga kɩaa a yʋgɛ nɛ, aŋ mɩɩra na mʋa. Mʋa-la ma ma sɩ kaa kɔ dɩa, mɩ ŋmooba ta nɛ. Bɛɛ nɛ tɩɩ? Mɩ-na ma TƖƖNA doluŋ kala Tɩɩna nɛ pɩɛsa. Mɩ dɩɩ-bal-la sɩ pɩŋ jikpeeŋ, ka nʋʋkala fɩɛsɛ sɩɩŋ ʋ tɩtɩa dɩa wɩaa nɛ tɩɩ.

ZƐKARƖYA 2:5

Mɩ tɩtɩa jaŋ nagɛ kɛrɛ sɩ kɛŋ nyiniŋ a gollu, mɩ jaŋ hɛ ʋ tʋɔŋ a ŋaa ʋ tʋla.’ ” La TƖƖNA nɛ bʋla.