ƐZƖRA 9:7 - WƖA TENIŊ

⁷ A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

ƐZƖRA 9:7 ပူးပေါင်းရင်းမြစ်များ

1 KUOROO 8:47

dɩ ba nɛ hɛ tintee-la ba sɩ kɛsɛba mʋ ba ŋaa yosi lɛ, aŋ bɩrɩmɛ ba tʋɔbɩɩnaa a sʋlʋŋ arɩ wʋbɔmɔ-la ba sɩ ŋaa ba cheye nɛ,

2 IZIRAL TƖŊŊAA NAABARƖŊ 29:6

La nyɩmmaba fa bɩ wʋtɩtɩɩ kɛnɛ La TƖƖNA Wɩa teeŋ, ba faa ŋaa wɩalɩŋ sɩ bɩ ʋ tʋɔŋ ka tɔrɛ nɛ. Ba fa vɩa La TƖƖNA dɩɩ-bal-la ta nɛ aŋ joŋ harɩŋ yɩa La TƖƖNA.

2 IZIRAL TƖŊŊAA NAABARƖŊ 30:7

Má sɩ́ ma nyɩmmaba arɩ ma naambiiriŋ nagʋ, ba fa bɩ wʋtɩtɩɩ kɛnɛ La TƖƖNA ba nyɩmmaba Wɩa teeŋ, ŋɩɩ nɛ ʋ leŋ ba ŋaa mɔmɩaa nɩaa sisieri ba lɛ, ma tɩtɩa jɩŋ ŋɩɩ lɛ nɛ.

2 IZIRAL TƖŊŊAA NAABARƖŊ 34:24

arɩ La TƖƖNA sɩ, ‘Mɩ jaŋ joŋ wʋlɔrʋnʋŋ hɛ Jerusalɛm arɩ ʋ nɩaa kala lɛ. Mɩ jaŋ joŋ wʋbɔmɔ-la kala sɩ hɛ teŋ-la tʋɔŋ ba sɩ karɩma Juda kuoro sɩpaaŋ a ŋaa ba lɛ,

ƐZƖRA 9:13

Wɩalɩŋ kala sɩ ŋaa la lɛ, la wʋbɔŋŋɔɔ arɩ la wʋcheelee sɩ faasa yʋgɛ wɩaa nɛ tɩɩ. Ama ŋ-na la Wɩa, ŋ bɩ la dɔgɩsɔ a magɛ ŋɩɩ la wʋbɔŋŋɔɔ sɩ maga, aŋ leŋ la dɔnsʋŋ ka a bɩ sʋba.

NƐHƖMAAYA 9:30

Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

AZAAYA 64:4

Bumbuŋ kala, nʋʋ ha bɩ Wɩa dɔŋ wɩaa nɩa, ŋɩɩ ha bɩ nʋʋ dɩgɩl jʋa, ʋ sɩaa ha bɩ Wɩa dɔŋ na a nagɩŋ, dɩ ʋ ŋaa wɩaa deemba doho a pɩ nɩalɩŋ sɩ joŋ ba yɩɛlaa hɛ ʋ lɛ.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 32:32

Iziral tɩŋŋaa arɩ Juda nɩaa leŋe mɩ baanɩŋ sii nɛ a tɩŋ wʋbɔmɔ-la kala ba sɩ ŋaa wɩaa, ba dɩ ba kuoroo arɩ ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba nɩalɩŋ sɩ sɩ ba ŋaa mɩ wʋlaabʋllaa nɛ, a pɛ Juda nɩaa arɩ ba nɩalɩŋ sɩ hɛ Jerusalɛm lɛ.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 44:9

Ma yʋ wʋbɔmɔ-la kala ma naabalɩmaba sɩ ŋaa nɛɛ? Wʋbɔmɔ-la ma Juda kuoroo arɩ ba haalaa, ma tɩtɩa arɩ ma haalaa sɩ ŋaa Juda arɩ Jerusalɛm womporunuŋ lɛ nɛɛ?

JEMBIEE 5:7

La naabalɩmaba nɛ ŋaa wʋbɔŋŋɔɔ aŋ tuo, ka la mɩɩraa na hɛɛŋ ba wʋbɔmɔ-la wɩaa.

ƐZƖKƖƐL 11:9

Mɩ jaŋ kirima ta dɩ ma lɩɩ tabal-la lɛ a jomma hɛ nɩwogusuŋ nɩsɩŋ lɛ a dɔgɩsɛma.

ƐZƖKƖƐL 39:23

Tinteyee nɩaa jaŋ jɩŋ arɩ Iziral tɩŋŋaa mʋ yoŋ-baga a tɩŋ ba wʋbɔŋŋɔɔ wɩaa nɛ, ba sɩ bɩ mɩ to arɩ wʋtɩtɩɩ. Mɩ joŋ harɩŋ yɩaba nɛ, aŋ jomba hɛ ba dʋndɔŋŋɔɔ nɩsɩŋ lɛ ba kpʋba laalɩŋ lɛ.

NAMBABA 32:14

Ma nɩaa deemba, wʋbɔŋ ŋaaraa, ma ma bɩra sii chɩŋ ma nyɩmmaba wʋbɔmɔ-la tɩtɩa ba fa sɩɩ ŋaa lɛ nɛ, aa chɛ dɩ La TƖƖNA baanɩŋ faasa sii Iziral tɩŋŋaa nyuŋ.

1 SAMƲƐL 12:15

Ama dɩ ma nɛ bɩ La TƖƖNA niiŋ to, aŋ chichei wɩalɩŋ ʋ sɩ daga, ʋ jaŋ dɔgɩsɛ ma dɩ ma kuoru-la kala arɩ ʋ fa sɩ dɔgɩsɛ ma nyɩmmaba ŋɩɩ.