ƐZƖRA 9:5 - WƖA TENIŊ

⁵ Dɩdaanɩŋ Wɩɩsʋlʋŋ bʋa-la lɛ, mɩ sii lee-la mɩ fa sɩ hɔnɔ arɩ tʋɔ-cheeŋ, aŋ ha laalɛ gɛnnɩ-la mɩ sɩ kaa kɩɛsɛ. Ŋɩɩ nɛ mɩ tuu kpirimi mɩ naadʋsʋŋ nyuŋ a kɛŋ nɩsaa je mɩ Tɩɩna Wɩa teeŋ,

ƐZƖRA 9:5 ပူးပေါင်းရင်းမြစ်များ

1 KUOROO 8:22

Ŋɩɩ nɛ Solomoŋ sii chɩŋ La TƖƖNA koru-la arɩ Iziral tɩŋŋaa kala sɩpaaŋ, a kɛŋ ʋ nɩsaa je wɩa-nyuŋ,

1 KUOROO 8:38

dɩ Iziral tɩŋŋaa kʋŋ tʋɔŋ chei a tɩŋ wɩalɩŋ ba sɩ ŋaa, dɩ ʋ kɛŋ ʋ nɩsaa je a chaasɛ ŋ dɩɩ-balɩŋ deeŋ a sʋlʋŋ,

1 KUOROO 8:54

Solomoŋ sɩ kpirimi La TƖƖNA koru-la sɩpaaŋ aŋ kɛŋ ʋ nɩsaa je wɩa-nyuŋ a chʋɔlɛ Wɩa dɛrɛ, ʋ sii chɩŋ,

2 IZIRAL TƖŊŊAA NAABARƖŊ 6:13

Ʋ fa kɛŋ kɔlɩɩŋ ŋaa kʋ-taala nɛ, ʋ duomuŋ ŋaa naakieliŋ bʋlɩa arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa arɩ kpaa magɛ dɔŋɔ, ka ʋ leŋiŋ ŋaa naakieli-bala arɩ kpaa magɛ dɔŋɔ, ʋ joŋo bil Wɩa dɩɩ-bal-la harɩŋ kaala-la tʋtʋɔbaanɩŋ. Ŋɩɩ nɛ ʋ jɩl kʋ-la nyuŋ a tuu kpirimi Iziral tɩŋŋaa kala sɩpaaŋ, a kɛŋ ʋ nɩsaa je wɩa-nyuŋ.

NƐHƖMAAYA 1:4

Mɩ sɩ nɩɩ wɩaa deemba, ŋɩɩ nɛ mɩ hɔŋ a yel. Mɩ yel tapʋl daŋ, a vɔɔ niiŋ a chʋɔlɛ Wɩa sɩ hɛ ʋ jaŋ lɛ.

WƖA YƖƖLAA 141:2

Leŋ dɩ mɩ Wɩɩsʋlʋŋ nagɛ kʋsʋɔrʋsʋŋ sʋara sɩ sɩma, leŋ dɩ mɩ nɩsaa mɩ sɩ kaa je ŋ teeŋ aa chʋɔlʋŋ ma nagɛ ba sɩ kpʋ pʋsʋŋ a sʋl Wɩɩsʋlʋŋ pɩpɩŋ dɩdaanɩŋ.

WƖA YƖƖLAA 143:6

Ŋɩɩ nɛ mɩ kɛŋ mɩ nɩsaa je wɩa-nyuŋ aa sʋlʋŋ, mɩ dɩma ka hɩɛnɩŋ nɛ a nagɛ tintee-hɩlɩŋ sɩɩ chɛ lɩɩŋ ŋɩɩ.

WƖA YƖƖLAA 95:6

Má kɔ dɩ la kpirimi a chʋɔlɛ La Tɩɩna. Má leŋ dɩ la kpirimi ʋ sɩpaaŋ, ʋ nɛ ŋaala.

MOSIS KƐŊ IZIRAL TƖŊŊAA LƖƖ 9:29

Ŋɩɩ nɛ Mosis bʋla pɩ Ijipiti tinteeŋ kuoro, “Dɩ mɩ nɛ lɩɩ tabalɩŋ deeŋ tʋɔŋ, mɩ jaŋ sʋl La TƖƖNA dɩ duoŋ kpɩana-la arɩ duoŋ-tabɩa-la leŋ. Ŋɩɩ nɛ ŋ jaŋ jɩŋ arɩ La TƖƖNA nɛ tɩɩ tinteeŋ kala.

MOSIS KƐŊ IZIRAL TƖŊŊAA LƖƖ 9:33

Mosis sɩ sii Ijipiti tinteeŋ kuoro sɩpaaŋ a lɩɩ tabal-la lɛ ʋ sʋl La TƖƖNA, ŋɩɩ nɛ duoŋ-tabɩa-la arɩ duoŋ kpɩa-na-la arɩ duoŋ-la kala leŋ.

AZAAYA 1:15

Dɩ ma nɛ kɔ mɩ teeŋ a je nɩsaa sʋlmɛ, mɩ jaŋ joŋ mɩ harɩŋ a yɩama. Dɩ ma nɛ sʋlmɛ magɛ ŋɩɩ kala, mɩ bɩ jaŋ nɩɩ, bɛɛ wɩaa ma nɩsaa kala nɛ suo arɩ chalɩŋ.

DANƖƐL 10:2

Bʋa-la lɛ, mɩ-na Danɩɛl yele yɔɔsʋŋ batori nɛ.

Luuk 22:41

Ʋ sɩ bʋl ŋɩɩ dɛrɛ, ʋ kieli ʋ harɩ-tooro-la a mʋ sɩpaaŋ mʋapɩlɩɩ, a tuu kpirimi a chʋɔlɛ Wɩa bʋl,

Tɩntɩŋŋaa 21:5

La sɩ hɔŋ nɩmɛ tapʋlaa balɩpɛ ŋɩɩ, la bɩra lɩɩ nɩmɛ a joŋ la wombiiŋ. Baalaa arɩ ba haalaa arɩ ba biiriŋ kɛnla kaa lɩɩ taŋ-la tʋɔŋ. La kala tuu kpirimi lɩɩŋ niiŋ a chʋɔlɛ Wɩa.

Ɛfɛsɩs Nɩaa 3:14

Dɩ mɩ nɛ bɩɩnɛ wɩalɩŋ Wɩa sɩ ŋaa pɩla, mɩ yie tuu kpirimi la Nyɩmma Wɩa sɩpaaŋ nɛ.