ƐZƖRA 9:3 - WƖA TENIŊ

³ Mɩ-na Ɛzɩra sɩ nɩɩ wɩɩŋ deeŋ, mɩ kɛŋ mɩ gɛnnɩŋ kɩɛsɛ, a lɛrɛ mɩ nyu-pʋnaa arɩ tɔŋŋɔɔ churi aŋ hɔŋ a kala vɔgɛ arɩ tʋɔ-cheeŋ.

ƐZƖRA 9:3 ပူးပေါင်းရင်းမြစ်များ

2 SAMƲƐL 1:11

Devit arɩ nɩalɩŋ kala sɩ hɛ ʋ teeŋ a nɩɩ wɩalɩŋ baal-la sɩ bʋla, ba tʋɔŋ faasa chei, ba kɛŋ ba gɛnnɩŋ kɩɛsɛ.

2 KUOROO 18:37

Ŋɩɩ nɛ Hɩlɩkaaya nanʋala Ɛlɩakɩm sɩ ŋaa kuoru dɩa tɩntɩnnɩ-hɩaŋ arɩ Sɛbɩna ma sɩɩ ŋmʋnsɛ ba tenniŋ arɩ Jʋa ma sɩɩ bil ba tenniŋ, kɛŋ ba gɛnnɩŋ kɩɛsɛ aa dagɛ tʋɔ-cheeŋ, aŋ mɩɩra mʋ Hezikaaya teeŋ a bʋl wɩalɩŋ kala Asiiria kuoro laalɩyuori-hɩaŋ-la sɩ bʋla a pʋ.

NƐHƖMAAYA 1:4

Mɩ sɩ nɩɩ wɩaa deemba, ŋɩɩ nɛ mɩ hɔŋ a yel. Mɩ yel tapʋl daŋ, a vɔɔ niiŋ a chʋɔlɛ Wɩa sɩ hɛ ʋ jaŋ lɛ.

NƐHƖMAAYA 13:25

Mɩ ŋaa goŋ ba nyuŋ a ŋmɩɛsa hɛ ba lɛ. Mɩ ŋmoo nɩalɩŋ dɔnsʋŋ a lɛrɛ ba nyu-pʋnaa churi. Mɩ leŋ ba ŋmɩɛsɛ Wɩa yɩrɩŋ lɛ a bʋl, “La bɩ jaŋ joŋ la toloo a pɩ ba hambolibiisiŋ dɩ ba jaa, koo a jaa ba toloo a pɩ la hambolibiisiŋ koo la tɩtɩa.

JOB 1:20

Job sɩ nɩɩ wɩaa deemba kala, ʋ sii kɛŋ ʋ gɛnnɩŋ kɩɛsɛ aŋ fʋŋ ʋ nyuŋ aa dagɛ tʋɔ-cheeŋ. Ŋɩɩ nɛ ʋ tuu tele chu tinteeŋ a chʋɔlɛ Wɩa

WƖA YƖƖLAA 119:53

Dɩ mɩ nɛ na nɩbɔŋŋɔɔ dɩ baa chei ŋ wombii-la ŋ sɩ bile dɩ la tuto, mɩ baanɩŋ yie chaasaa sii nɛ.

WƖA YƖƖLAA 143:4

Mɩ yɩɛlaa kala dɛrɛ nɛ, mɩ nandaasɩŋ sʋʋ.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

AZAAYA 15:2

Taŋ-la ba sɩɩ yɩrɛ Dɩbɔŋ, ʋ nɩaa sii jɩl ba vene dɩa nɛ peeliŋ nyuŋ a yiyel. Mʋab tɩŋŋaa ka ŋmoo niiŋ nɛ tasɩ-la ba sɩɩ yɩrɛ Mediba arɩ Nebo wɩaa. Ba paala fʋŋ ba nyusuŋ a fʋŋ ba tɔŋŋɔɔ ma kala a dɩdagɛ arɩ ba tʋɔŋ cheye nɛ.

JƐRƖMAAYA 36:24

Kuoro arɩ ʋ nanzɔɔba-la kala sɩ nɩɩ wɩaa deemba, fawʋllʋŋ bɩ ba kɛnɛ koo ba ŋaa wɩaa a dagɛ arɩ ba tʋɔŋ cheye.

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

ƐZƖKƖƐL 3:15

Ŋɩɩ nɛ mɩ kɔ nɩalɩŋ sɩ hɛ yoŋ-baga lɛ teeŋ, lee-la ba sɩɩ yɩrɛ Tɛl Abib, a kpagɛ Keba fuo-la. Mɩ kʋ hɛ ba teeŋ tapʋlaa balɩpɛ. Wɩɩ-la sɩ ŋaa mɩ lɛ paala kperimi.

ƐZƖKƖƐL 7:18

Ba jaŋ laalɛ tʋɔ-chei gɛnnɩŋ dɩ fawʋllʋŋ chaasa jʋʋba. Hɩɩsɩŋ jaŋ jʋʋba, ba jaŋ fʋŋ ba nyusuŋ.

DANƖƐL 4:19

Ŋɩɩ nɛ Danɩɛl (ba sɩ kaa yɩrɛ Bɛlɩtɛsaza) tʋɔŋ faasa chei a dieni mʋa. Ʋ tʋɔbɩɩnaa leŋ fawʋllʋŋ kɛnʋ. Kuoro bʋl, “Bɛlɩtɛsaza, sɩ́ leŋe dɩ duoso-la koo ʋ bʋbʋɔŋ leŋ dɩ fawʋllʋŋ kɛnɩŋ.” Bɛlɩtɛsaza ma bʋl, “Mɩ nɩhɩaŋ, mɩ fa cho dɩ duoso-la ŋaa nɩalɩŋ sɩ bɛrɩŋ wɩɩ nɛ, dɩ wɩɩ-la duoso-la sɩɩ dagʋ ma ŋaa ŋ dʋndɔŋŋɔɔ lɛ.

DANƖƐL 8:27

Wɩɩŋ deeŋ harɩŋ, mɩ-na Danɩɛl bɛsɩmɛ nɛ a pɩŋ nyanyalaa a yi tapʋlɩa. Ŋɩɩ nɛ mɩ bɩra sii a tɩtɩŋ kuoro tɩntɩŋŋaa. Wɩalɩŋ mɩ sɩ na a nagɛ duosoo tʋɔŋ fa kperimi nɛ. Mɩ fa bɩ ba bʋbʋɔŋ jɩŋ.

LEVI DOHO NƖAA 21:5

Wɩɩsʋllɩ sɩpaalaaraa bɩ maga dɩ ba fʋŋ ba nyusuŋ koo a kɛ ba tɔŋŋɔɔ koo a kpɛrɛ ba yaraa dɩ ba nɩɩ yel yoho.

MƖKA 1:16

Juda tɩmma, má fʋŋ nyu-kpelliŋ aŋ yel ma bii-chooloo lɛ. Má kɛŋ nyu-kpelliŋ a nagɛ duuŋ, bɛɛ wɩaa ba jaŋ kɛsɛ ma biiriŋ mʋ yoŋ-baga.

JOSUA 7:6

Ŋɩɩ nɛ Josua arɩ Iziral tɩŋŋaa nɩhɩasɩŋ kɛŋ ba gɛnnɩŋ kɩɛsɛ a ŋaa hagɩla bʋgɛ ba nyusuŋ ba tʋɔŋ sɩ cheye, aŋ tuu tele chu La TƖƖNA niiriŋ daga-la sɩpaaŋ a pɩŋ nɩmɛ ŋɩɩ halɩɩ Wɩa tuu jʋʋ.