ƐZƖRA 9:12 - WƖA TENIŊ

¹² Ŋɩɩ wɩaa, má sɩ́ ma toloo joŋo pɩ ba biiriŋ dɩ ba jaa, koo a jaa ba toloo a pɩ ma hambolibiisiŋ. Ma pʋpɔ má dɩ ba sɩ niiŋ pɛ a ŋaa nandɔsɛ, ka dɩ ma wuo kɛŋ doluŋ a dii tintee-la kʋzɔŋŋɔɔ aŋ ka pɩ ma biiriŋ dɩ ʋ ŋaa ba dʋa a kaa mʋ wuu.

ƐZƖRA 9:12 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:8

Mɩ naambiiriŋ, La TƖƖNA Wɩa arɩ ma Iziral tɩŋŋaa sɩ hilime sɩpaaŋ, mɩɩ chɛ dɩ ma hɛ niiŋ arɩ ma jaŋ hɛ doluŋ aŋ to wɩalɩŋ kala La TƖƖNA Wɩa sɩ dagɛla, dɩ ŋɩɩ leŋ dɩ ma dɩ ma doho nɩaa tɩɩ tintee-zɔmʋŋ deeŋ a kaa mʋ wuu.”

2 IZIRAL TƖŊŊAA NAABARƖŊ 19:2

Ŋɩɩ nɛ Wɩa sɩɩ-naara Jehu, Hanani nanʋala mʋ naʋ a pɩɛsʋ, “Ŋ bɩɩna ʋ maga dɩ ŋ pɛ nɩbɔmʋŋ lɛ, a kɛŋ nɩalɩŋ sɩ bɛrɛ La TƖƖNA bɩrɩmɛ ŋ sɩma nɛ koo? Wɩɩŋ deeŋ ŋ sɩ ŋaa leŋe La TƖƖNA na baanɩŋ nɛ ŋ nyuŋ.

ƐZƖRA 9:2

Ba jaa nɩaa deemba toloo nɛ, aŋ jaa pɩ ba hambolibiisiŋ ma, a leŋ Wɩa nɩaa sɩ bɩ disiniŋ kɛnɛ guoli nɩwogusuŋ tʋɔŋ. Sɩpaalaaraa arɩ tɩntɩnnɩ-hɩasɩŋ nɛ paala laa sɩpaaŋ ŋaa wɩɩŋ deeŋ a chei.”

MOSIS KƐŊ IZIRAL TƖŊŊAA LƖƖ 23:32

Ma pɔ má sɩ́ nii kala hɛ arɩ ba, koo a ta niiŋ ba vesiŋ teeŋ.

NAMAGABA 13:22

Nɩzɔmʋŋ yie dii kɩaa aŋ ka bil ʋ nihee lɛ nɛ, ama dʋa-la nɩbɔmʋŋ sɩ sʋba aŋ ka bil jaŋ mɩɩra ŋaa tʋɔpʋl tɩɩna kɩaa.

NAMAGABA 20:7

Tʋɔpʋl tɩɩna bɩ wʋcheeli kala kɛnɛ, ʋ biiriŋ jaŋ kɛŋ tʋɔtɔrʋŋ.

AZAAYA 1:19

Dɩ ma nɛ jaŋ sɛɩ a to mɩ niiŋ, ma tinteeŋ kɩaa jaŋ wasɛ dɩ ma dii kʋzɔŋŋɔɔ.

MOSIS BƖRA WULLI WƖA WOMBIIŊ 23:6

Má mɩɩsɩŋ kala lɛ, má pɔ ma dɩ ba sɩ́ wɩɩ pɛ.

MOSIS BƖRA WULLI WƖA WOMBIIŊ 23:7

Ma pɔ má sɩ́ Ɛdɔm tɩŋŋaa bɛrʋ, ba ŋaa ma naambiiriŋ nɛ. Má sɩ́ Ijipiti tɩŋŋaa ma bɛrʋ, bɛɛ wɩaa ma fa ŋaa nʋhʋɔraa nɛ ba tinteeŋ lɛ.

MOSIS BƖRA WULLI WƖA WOMBIIŊ 7:3

Má sɩ́ ba toloo jaa, a sɩ́ leŋe dɩ ba ma jaa ma toloo.