ƐZƖRA 9:11 - WƖA TENIŊ

¹¹ wɩalɩŋ ŋ sɩ to ŋ tɩntɩnnaa sɩ ŋaa ŋ wʋlaabʋllaa lɛ a dagɛla. Ba bʋla pɩla, ‘Tintee-la ma sɩɩ mʋ, ʋ nɩaa ŋaa disiniŋ a chei ʋ kala nɛ. Nɩalɩŋ sɩ hɛ nɩmɛ ŋaa wʋkɩsaa a leŋ ʋ kala kɛŋ disiniŋ nɛ.’

ƐZƖRA 9:11 ပူးပေါင်းရင်းမြစ်များ

2 KUOROO 21:16

Manasɛ ha pɛ kpʋ nɩaa sɩ bɩ wɩɩ cheye a yʋgɛ nɛ a leŋ Jerusalɛm kala ŋaa disiŋ, a pɛ ʋ sɩ leŋe Juda nɩaa ŋaa wʋbɔŋ-la, a ŋaa wʋbɔŋŋɔɔ La TƖƖNA teeŋ.

2 IZIRAL TƖŊŊAA NAABARƖŊ 33:2

Manasɛ fa ŋaa wʋbɔŋŋɔɔ nɛ La TƖƖNA teeŋ, a tuto wʋbɔmɔ-la tɩtɩa tinteye-la fa sɩ hɔŋ tintee-la lɛ sɩɩ ŋaa La TƖƖNA kiriba ta ka Iziral tɩŋŋaa kʋ hɔŋ.

ƐZƖRA 6:21

Ŋɩɩ nɛ Iziral tɩmma-la sɩ lɩɩ yoŋ-baga kɔ chaŋ nammɩa-la, a pɛ nɩalɩŋ kala ma sɩ lɩɩsɛ ba tɩtɩa disiŋ wɩalɩŋ nɩalɩŋ sɩ bɩ Wɩa ka to sɩɩ ŋaa lɛ, a ŋaa siri dɩ ba to Iziral tɩŋŋaa Wɩa.

ƐZƖRA 9:1

La sɩ ŋaa wɩaa deemba kala harɩŋ, Iziral tɩŋŋaa sɩpaalaaraa kɔ mɩ teeŋ a bʋl, “Iziral tɩŋŋaa, a pɛ Wɩɩsʋllɩ sɩpaalaaraa arɩ Levi doho nɩaa lɛ bɩ ba tɩtɩa lɩɩsa wʋkɩsɩa-la nɩwogusu-la sɩ golliba sɩɩ ŋaa lɛ: Kɛnaŋ tɩŋŋaa, Hiti tɩŋŋaa, Pɛrɛs tɩŋŋaa, Jebus tɩŋŋaa, Amɔŋ tɩŋŋaa, Mʋab tɩŋŋaa, Ijipiti tɩŋŋaa arɩ Amɔrɩ tɩŋŋaa.

ƐZƖRA 9:10

Ama la Wɩa, wʋbɛɛ nɛ la jaŋ wuo bʋl wɩaa deemba kala harɩŋ lɛ? La bɩ wɩalɩŋ ŋ sɩ daga to,

JƐRƖMAAYA 26:5

dɩ ma nɛ bɩ mɩ wʋlaabʋllaa sɩ ŋaa mɩ tɩntɩnnaa wɩaa jegile nɩɩ, nɩalɩŋ mɩ sɩ tɩma ba kɔ ma teeŋ bʋlɩa bʋlɩa (ma sɩ́ bɩ jegile nɩɩ ba teeŋ ŋɩɩ),

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

MOSIS BƖRA WULLI WƖA WOMBIIŊ 12:31

Má bɩ maga dɩ má zil ma TƖƖNA Wɩa ŋɩɩ nɩalɩŋ sɩɩ zil ba vesiŋ. Dɩ ba nɩɩ kpaarɛ ba vesiŋ, ba yie ŋaa wɩalɩŋ sɩ bɩ bana kɛnɛ a kɩkɩsɛ nɛ La TƖƖNA teeŋ. Ba yie wuo joŋ ba biiriŋ a nyɩga pɩ ba vesiŋ.

MOSIS BƖRA WULLI WƖA WOMBIIŊ 18:12

La TƖƖNA bɛrɛ nɩalɩŋ sɩɩ ŋaa wʋkɩsaa deemba nɛ. Wɩalɩŋ wɩaa nɛ tɩɩ ma TƖƖNA Wɩa kikiri tinteye-la nɩaa sɩ hɛ tintee-la lɛ ŋɩɩ.