ƐZƖRA 8:22 - WƖA TENIŊ

²² Hɩɩsɩŋ fa kɛmmɛ nɛ mɩ sɩ jaŋ pɩɛsɛ kuoro dɩ ʋ pɩmɛ laalɩyuoroo arɩ ja-jɩllaa dɩ ba pɔla, dɩ dʋndɔŋŋɔɔ sɩ la wɩɩ ŋaa wombiiŋ lɛ, bɛɛ wɩaa la fa bʋla pɩ kuoro, “La Wɩa naduo-la daŋ nʋʋkala sɩɩ beŋ ʋ lɛ nɛ, ama ʋ yie chaasa na baanɩŋ nɛ nɩalɩŋ kala sɩ vɩaʋ nyuŋ.”

ƐZƖRA 8:22 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

ƐZƖRA 7:28

Wɩa lahɔrɩmɔ lɛ, kuoro, ʋ nɩalɩŋ sɩ bʋl wɩaa chɩchagɩlʋ arɩ ʋ tɩntɩnnɩ-hɩasɩ-la kala sɩ ŋaa nɩduoruŋ tʋɔŋ tɔrɛ mɩ nyuŋ nɛ. Mɩ Wɩa pɩmɛ tʋɔ-doluŋ nɛ, mɩ wuo bʋl wɩaa pɩ Iziral tɩŋŋaa nyɩŋ-nɩaa nɩhɩasɩŋ jesiŋ ba to mɩ harɩŋ a mɩɩra mʋ Jerusalɛm.”

ƐZƖRA 7:6

Ɛzɩra deeŋ lɩɩ Babɩlɔŋ nɛ a kɔ Jerusalɛm. Ʋ faa dagɛ nɩaa nɛ, a jɩŋ wombie-la La TƖƖNA, Iziral tɩŋŋaa Wɩa sɩ joŋo dagɛ Mosis ʋ ŋmʋnsa bil dɩ la tuto woruŋ. Kuoro fa pʋ kʋŋkala ʋ sɩ pɩɛsaa chɛ nɛ, bɛɛ wɩaa, ʋ Tɩɩna Wɩa fa chɩŋ ʋ harɩŋ nɛ.

ƐZƖRA 7:9

Ʋ fa lɩɩ Babɩlɔŋ lɛ a suomi ʋ wombiiŋ deeŋ vɛnɩŋ, chɛŋ-bumbuŋ tapʋl-bumbuŋ lɛ nɛ, a kʋ yi Jerusalɛm chɛŋ-nɔŋ tapʋl-bumbuŋ, bɛɛ wɩaa ʋ Wɩa naduo-la fa daŋ ʋ lɛ nɛ.

ƐZƖRA 8:31

Chɛŋ-bumbuŋ tapʋl fii arɩ balɩa chɛɛŋ nɛ la sii Ahava lɩɩ-libe-la ba sɩ kpɛrɛ leriŋ dɩ la mʋ Jerusalɛm. La Wɩa nɩsɩŋ fa daŋ la lɛ nɛ, a pɔla a lɩɩsɛla dʋndɔŋŋɔɔ lɛ arɩ gaara-la sɩɩ faa wombiiŋ lɛ.

NƐHƖMAAYA 2:9

Ŋɩɩ nɛ mɩ mʋ Yufireti fuo-la wɩɩjʋʋlʋŋ dɩɩrɩŋ tinteeŋ nɩhɩasɩŋ teeŋ, a joŋ kuoro tenni-la a pɩba. Kuoro fa leŋe laalɩyuori-hɩasɩŋ arɩ ja-jɩllaa to mɩ harɩŋ mʋ nɛ.

WƖA YƖƖLAA 20:8

Nɩdosunuŋ deemba jaŋ gɛrɛ tel, ama la-na jaŋ kɛŋ doluŋ a chɩŋ kpaŋkpaŋ.

WƖA YƖƖLAA 34:22

La Tɩɩna nɛ laa ʋ tɩntɩnnaa tɩta. Nɩalɩŋ kala sɩ fá mʋ yuoru, ʋ bɩ jaŋ joŋ cheeriŋ pɩba.

WƖA YƖƖLAA 90:11

Kʋbɛɛ nɛ jaŋ wuo jɩŋ ŋ baanɩŋ doluŋ maŋŋaa? Ŋ baanɩŋ yʋga a magɛ ŋɩɩ sɩ maga dɩ la fɩfáŋ nɛ.

JEMBIEE 3:25

La TƖƖNA wɩaa zɔmɔ nɩalɩŋ sɩ kɛŋ yɩɛlaa ʋ lɛ, nɩalɩŋ sɩɩ chɛʋ teeŋ.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 9:15

Ama mɩ ha bɩ wombiiŋ deeŋ to a chɩchɛ mɩ kʋchɛɛlɛɛ. Mɩ saa bɩ teniŋ deeŋ ŋmʋnsa pɩma, dɩ mɩ laa kɩaa ma teeŋ. Mɩ bɩ jaŋ sɛɩ dɩ nʋʋkala joŋ kʋŋ pɩmɛ, dɩ mɩ sɩ́ wuo bigisi mɩ tɩtɩa lɛ wombii-la mɩ sɩɩ to lɛ. Mɩ sɩ jaŋ sʋʋ nɛ kpɩa nʋʋkala sɩ jaŋ ŋaa ŋɩɩ mɩ lɛ.

2 Kɔrɩntɩ Nɩaa 7:14

Mɩ bigisi ma lɛ nɛ ʋ sɩpaaŋ, ma ma bɩ leŋe hɩɩsɩŋ diimi, wɩalɩŋ kala la sɩ bʋla pɩ Taatɩs a tɩgɛ ma lɛ sɩ ŋaa wʋtɩtɩɩba ŋɩɩ. Ŋɩɩ tɩtɩa nɛ wɩalɩŋ kala la sɩ bʋla pɩma sɛnɛ ŋaa wʋtɩtɩɩ.

Hiburu TƖŊŊAA 10:38

Ama tʋɔpʋl tɩŋŋaa-na jaŋ hɛ nɩmɛ a tɩŋ ba sɩ laamɛ dii wɩaa. Ama dɩ ba nɛ vɩa Wɩa, ʋ tʋɔŋ bɩ jaŋ tɔrɛ ba nyuŋ.”

JOSUA 22:16

“La TƖƖNA nɩaa kala sɩ: Bɛɛ nɛ tɩɩ ma bɩra bɩ Iziral Wɩa laa dii? Bɛɛ nɛ tɩɩ ma mɩɩrɛ La TƖƖNA harɩŋ a saa Wɩɩsʋllɩ koruŋ pɩ ma tɩtɩa aŋ vɩaʋ?

JOSUA 23:16

Dɩ ma nɛ vɩa dɩ ma to nii-la sɩ hɛ ma dɩ ma TƖƖNA Wɩa pɛgɛ, kʋ-la ʋ sɩ dagɛma, aŋ kpʋkpaarɛ vesiŋ a kpikpirimi ba sɩpaaŋ, La TƖƖNA jaŋ na baanɩŋ ma nyuŋ a leŋ dɩ ma kala guu nyɩɩgɛ tintee-zɔŋ-la ʋ sɩ joŋo pɩma lɛ.”

1 Pɩɩta 3:12

bɛɛ wɩaa Wɩa sɩaa kala hɛ nɩalɩŋ sɩɩ ŋaa tʋɔpʋl wɩaa lɛ nɛ, a wuoli ʋ dɩgɩlaa ma a nɩnɩɩ ba Wɩɩsʋlʋŋ. Ama Wɩa joŋ ʋ harɩŋ yɩa nɩbɔŋŋɔɔ nɛ.”