ƐZƖRA 8:21 - WƖA TENIŊ

²¹ La sɩ hɛ Ahava lɩɩ-libe-la ba sɩ kpɛrɛ leriŋ, mɩ leŋ la vɔɔ niiŋ, dɩ la kɛŋ la tɩtɩa muuri la Wɩa sɩpaaŋ dɩ la dɩ la biiriŋ vɛŋ la wombiiŋ woruŋ arɩ la kɩaa kala.

ƐZƖRA 8:21 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:3

Fawʋllʋŋ kɛŋ Jehosafat, ʋ pɩɛsɛ La TƖƖNA dɩ ʋ na wɩɩ-la sɩ maga dɩ ʋ ŋaa, aŋ heele bʋla pɩ Juda tinteeŋ nɩaa kala ba vɔɔ niiŋ.

2 IZIRAL TƖŊŊAA NAABARƖŊ 20:4

Juda nɩaa lɩɩ ba tasɩŋ kala a kʋ hilimi Jerusalɛm lɛ dɩ ba sʋl La TƖƖNA dɩ ʋ pɛ ba lɛ.

ƐZƖRA 8:15

Mɩ yɩrɛ nɩalɩŋ kala kʋ hilimi lɩɩ-libe kʋbala ba sɩ kpɛrɛ ʋ lɩɩŋ pɛllɛ mʋmʋ taŋ-la ba sɩɩ yɩrɛ Ahava dɩɩrɩŋ. La hɔŋ nɩmɛ tapʋlaa batori nɛ. Mɩ sɩ beŋ nɩalɩŋ arɩ Wɩɩsʋllɩ sɩpaalaaraa tʋɔŋ, mɩ bɩ Levi doho nʋʋkala na.

ƐZƖRA 8:31

Chɛŋ-bumbuŋ tapʋl fii arɩ balɩa chɛɛŋ nɛ la sii Ahava lɩɩ-libe-la ba sɩ kpɛrɛ leriŋ dɩ la mʋ Jerusalɛm. La Wɩa nɩsɩŋ fa daŋ la lɛ nɛ, a pɔla a lɩɩsɛla dʋndɔŋŋɔɔ lɛ arɩ gaara-la sɩɩ faa wombiiŋ lɛ.

NƐHƖMAAYA 9:1

Chɛnɛ-la tɩtɩa tʋɔŋ tapʋlaa mara arɩ banɛsɛ chɛɛŋ, Iziral tɩŋŋaa hilimi, a vɔɔ niiŋ aŋ laalɛ tʋɔ-chei gɛnnɩŋ a ŋaa hagɩla bʋgɛ ba nyusuŋ.

ƐSƖTA 4:16

“Kɛŋ Juu tɩmma-la kala sɩ hɛ Susa tinteeŋ lɛ hɛ dɔŋɔ a bʋla pɩba dɩ ba vɔɔ niiŋ wɩɩhɛyɛ arɩ tɩtaŋɩŋ kala tapʋlaa batori a sʋl Wɩa pɩmɛ. Mɩ dɩ mɩ ketiee ma jaŋ ŋaa ŋɩɩ tɩtɩa. Ʋ ŋɩɩ harɩŋ mɩ jaŋ jʋʋ kuoro teeŋ, dɩ ʋ nɛ paala magɛ dɩ mɩ sʋʋ ma, mɩ jaŋ sʋʋ.”

WƖA YƖƖLAA 137:1

Bʋa-la lɛ la sɩ hɔŋ Babɩlɔŋ fuonu-la sɛmɛ, nɩmɛ nɛ la liisi Zaayɔŋ wɩaa a yel woruŋ.

WƖA YƖƖLAA 5:8

Mɩ Tɩɩna, ŋ ŋaa tʋɔpʋl Tɩɩna nɛ, dagɛmɛ dɩ mɩ ŋaa wɩɩ-la ŋ sɩɩ chɛ. Leŋ dɩ ŋ wombiiŋ pʋlla pɩmɛ dɩ mɩ to, a tɩŋ mɩ dʋndɔŋŋɔɔ wɩaa.

WƖA YƖƖLAA 5:9

Ba niiŋ wʋbʋlaa bɩ wʋtɩtɩɩ kɛnɛ. Ba yie chɩchɛ dɩ ba chei wɩaa nɛ. Ba wʋbʋlaa nagɛ bʋa-suruŋ sɩɩ sʋɔrɛ ŋɩɩ nɛ, ba bʋl wɩaa a nyɩnyɩsɛ nɩaa.

WƖA YƖƖLAA 8:2

Ŋ leŋe hambiisiŋ arɩ bii-mulluŋ dɩdɛnnɩŋ a tɩŋ ŋ dʋndɔŋŋɔɔ wɩaa nɛ, dɩ ŋ dʋndɔŋŋɔɔ arɩ nɩalɩŋ sɩ lɩɩ ŋ harɩŋ bɩra sɩ́ wɩɩ wuo bʋl.

NAMAGABA 3:6

Leŋ dɩ ʋ nɛ laa ŋ sɩpaaŋ wɩɩkala ŋ sɩɩ ŋaa lɛ. Ʋ jaŋ leŋ dɩ ŋ wombiiŋ tʋʋlɛ.

AZAAYA 30:21

Dɩ ma nɛ yeŋŋi wombiiŋ a mʋ nadiiŋ koo nagʋa, ma jaŋ nɩɩ ʋ yikoro ma harɩŋ dɩ ʋ sɩ, “Má na wombiiŋ, má kʋ lɩɩ to.”

AZAAYA 35:8

Womporuŋ jaŋ pɩŋ nɩmɛ, dɩ ba kɛnʋ yɩyɩrɛ wombii-la sɩ bɩ disiniŋ kɛnɛ. Disiŋ tɩɩna kala bɩ jaŋ vɛŋ ʋ lɛ, see nɩalɩŋ sɩ bɩ disiniŋ kɛnɛ dʋndʋŋa. Nɩyaara-la sɩɩ ŋaa wʋbɔŋŋɔɔ bɩ ʋ lɛ jaŋ vɛŋ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

AZAAYA 49:10

Losuŋ koo lɩɩnyʋasʋŋ bɩ jaŋ kɛmba. Wɩɩpɔsʋŋ arɩ tintee-hɩlɩŋ lɩmɩŋ ma bɩ jaŋ lɩma kɛmba, bɛɛ wɩaa nɩɩ-la sɩɩ fá ba nenige jaŋ laa ba sɩpaaŋ a kɛmba mʋ lɩɩ-bulo leriŋ.

AZAAYA 58:3

Ba sɩ, ‘Bɛɛ nɛ tɩɩ la yie vɔɔ niiŋ, a kɛŋ la tɩtɩa muuri ka La TƖƖNA bɩ laa tɔgʋmɛ?’ ” La TƖƖNA bɩra sɩ, “Wʋtɩtɩɩ nɛ, bʋa-la ma sɩ yie vɔɔ niiŋ, ma yie ŋɩŋaa ma tɩtɩa tʋɔtɔrɛ wɩaa nɛ, aŋ dʋdɔgɩsɛ ma tɩntɩnnaa.

AZAAYA 58:5

Dɩ ma nɛ vɔɔ niiŋ, ma yie nagɛ maa dɔgɩsɛ ma tɩtɩa nɛ, a gʋrɛ nyusuŋ a nagɛ ŋɩɩ kʋlʋmaŋ arɩ fuolo-ŋmʋlba, a laalɛ ma tʋɔ-chei gɛnnɩŋ a ŋaa tʋɔrʋŋ bʋgɛ. Ŋɩɩ nɛ baa yɩrɛ niiŋ-vɔbʋŋ? Ma bɩɩna ŋɩɩ jaŋ tɔrɛ mɩ-na ma TƖƖNA tʋɔŋ?

JƐRƖMAAYA 10:23

La TƖƖNA, mɩ jɩma nuhuobiine tɩtɩa dee bɩ ʋ mɩɩsɩŋ koro. Nuhuobiine tɩtɩa dee bɩ ʋ naavɛnɛɛ ka dagɛ.

JƐRƖMAAYA 42:3

Sʋl ŋ TƖƖNA Wɩa dɩ ʋ dagɛla lee-la la sɩ jaŋ mʋ arɩ wɩɩ-la la sɩ jaŋ ŋaa.”

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

JOWƐL 1:14

Má leŋ dɩ nɩaa vɔɔ nii-la sɩɩ tɔrɛ Wɩa tʋɔŋ, má hilimi Wɩa yɩrɩŋ lɛ. Má yɩrɛ nɩhɩasɩŋ arɩ nɩalɩŋ kala sɩ hɛ tintee-la lɛ dɩ ba kɔ ma TƖƖNA Wɩa dɩa, a yele pɩ La TƖƖNA.

LEVI DOHO NƖAA 16:29

Wɩɩŋ deeŋ ŋaa nii nɛ ma sɩ jaŋ tuto a kaa mʋ wuu: Jɩna na-kala chɛŋ pɛɩ lɛ tapʋlaa fii chɛɛŋ, Iziral tɩɩna koo nʋhʋɔrʋ kala sɩ hɛ ma tʋɔŋ maga dɩ ʋ vɔɔ niiŋ a sɩ́ tɩntɩmɩɩ kala tɩŋ,

LEVI DOHO NƖAA 16:31

Tapʋlɩɩ-la maga dɩ ʋ ŋaa chɛ-wiesii nɛ dɩ ma vɔɔ niiŋ a sɩ́ tɩntɩmɩɩ kala tɩŋ. Wɩɩŋ deeŋ ŋaa nii nɛ ma sɩ jaŋ tuto a kaa mʋ wuu.

LEVI DOHO NƖAA 23:29

Dɩ nʋʋkala nɛ vɩa dɩ ʋ vɔɔ niiŋ tapʋlɩɩ-la, ʋ maga dɩ ma keru ta ʋ nɩaa tʋɔŋ.

JONA 3:5

Ba sɩ nɩɩ ŋɩɩ, Nɩnɩvɛ nɩaa laa Wɩa wɩaa dii. Ŋɩɩ nɛ ba sɩ dɩ nʋʋkala vɔɔ niiŋ, nɩhɩasɩŋ arɩ hambiisiŋ kala a laalɛ tʋɔ-chei gɛnnɩŋ.

JONA 3:7

Ŋɩɩ nɛ kuoro ŋaa ba heele pɩ Nɩnɩvɛ nɩaa a bʋl, “Kuoro arɩ ʋ nɩhɩasɩŋ sɩ nuhuobiiŋ koo pʋna kala bɩ maga dɩ ʋ dii kɩaa koo a nyʋa lɩɩŋ.

NAMBABA 14:3

Bɛɛ nɛ tɩɩ La TƖƖNA kɛnla kɔ tinteeŋ deeŋ dɩ ba kpʋla laalɩŋ lɛ aŋ kɛsɛ la haalaa arɩ la biiriŋ? Ʋ bɩ jaŋ kpɩa dɩ la nɛ mɩɩra mʋ Ijipiti tinteeŋ?”

NAMBABA 14:31

Ma biiri-la ma fa sɩ bʋla arɩ ba jaŋ kpʋma aŋ kɛsɛ, mɩ jaŋ kɛmba jʋʋ tintee-la ma sɩ vɩa, dɩ ba-na hɔŋ nɩmɛ, a nɩnɩɩ sɩma.

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”

SƖPAALAARAA 20:26

Ŋɩɩ nɛ Iziral tɩmma-la kala mʋ Bɛtɛl a hɔŋ La TƖƖNA sɩpaaŋ a yiyel. Tapʋlɩɩ-la ba vɔɔ niiŋ nɛ wɩa tuu jʋʋ, a ŋaa kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ a pɩ La TƖƖNA.

1 SAMƲƐL 7:6

Ba sɩ kʋ hilimi Mɩzɩpa lɛ, ba ŋaa lɩɩŋ a ta La TƖƖNA sɩpaaŋ a sʋlʋ, aŋ vɔɔ niiŋ tapʋlɩɩ-la kala a bʋl, “La ŋaa wʋbɔŋ nɛ La TƖƖNA lɛ.” Samʋɛl nɛ fa ŋaa Iziral tɩŋŋaa sɩpaalaara Mɩzɩpa lɛ.