ƐZƖRA 7:9 - WƖA TENIŊ

⁹ Ʋ fa lɩɩ Babɩlɔŋ lɛ a suomi ʋ wombiiŋ deeŋ vɛnɩŋ, chɛŋ-bumbuŋ tapʋl-bumbuŋ lɛ nɛ, a kʋ yi Jerusalɛm chɛŋ-nɔŋ tapʋl-bumbuŋ, bɛɛ wɩaa ʋ Wɩa naduo-la fa daŋ ʋ lɛ nɛ.

ƐZƖRA 7:9 ပူးပေါင်းရင်းမြစ်များ

ƐZƖRA 7:28

Wɩa lahɔrɩmɔ lɛ, kuoro, ʋ nɩalɩŋ sɩ bʋl wɩaa chɩchagɩlʋ arɩ ʋ tɩntɩnnɩ-hɩasɩ-la kala sɩ ŋaa nɩduoruŋ tʋɔŋ tɔrɛ mɩ nyuŋ nɛ. Mɩ Wɩa pɩmɛ tʋɔ-doluŋ nɛ, mɩ wuo bʋl wɩaa pɩ Iziral tɩŋŋaa nyɩŋ-nɩaa nɩhɩasɩŋ jesiŋ ba to mɩ harɩŋ a mɩɩra mʋ Jerusalɛm.”

ƐZƖRA 7:6

Ɛzɩra deeŋ lɩɩ Babɩlɔŋ nɛ a kɔ Jerusalɛm. Ʋ faa dagɛ nɩaa nɛ, a jɩŋ wombie-la La TƖƖNA, Iziral tɩŋŋaa Wɩa sɩ joŋo dagɛ Mosis ʋ ŋmʋnsa bil dɩ la tuto woruŋ. Kuoro fa pʋ kʋŋkala ʋ sɩ pɩɛsaa chɛ nɛ, bɛɛ wɩaa, ʋ Tɩɩna Wɩa fa chɩŋ ʋ harɩŋ nɛ.

ƐZƖRA 7:8

Ɛzɩra kʋ yi Jerusalɛm Atazɛzɛs sɩ dii kuoruŋ ʋ jɩ-pɛɩ tʋɔŋ chɛŋ-nɔŋ lɛ nɛ.

ƐZƖRA 8:18

A tɩŋ Wɩa naduo-la fa sɩ daŋ la lɛ wɩaa, ba pɩla Sɛrɛbɩa sɩ chaasa ŋaa baal, a ŋaa Levi doho nʋʋ, a lɩɩ Mali doho nɩaa tʋɔŋ. Ʋ hambolibiisiŋ arɩ ʋ naambiiriŋ fii arɩ chori ma to ʋ harɩŋ kɔ nɛ.

ƐZƖRA 8:22

Hɩɩsɩŋ fa kɛmmɛ nɛ mɩ sɩ jaŋ pɩɛsɛ kuoro dɩ ʋ pɩmɛ laalɩyuoroo arɩ ja-jɩllaa dɩ ba pɔla, dɩ dʋndɔŋŋɔɔ sɩ la wɩɩ ŋaa wombiiŋ lɛ, bɛɛ wɩaa la fa bʋla pɩ kuoro, “La Wɩa naduo-la daŋ nʋʋkala sɩɩ beŋ ʋ lɛ nɛ, ama ʋ yie chaasa na baanɩŋ nɛ nɩalɩŋ kala sɩ vɩaʋ nyuŋ.”

ƐZƖRA 8:31

Chɛŋ-bumbuŋ tapʋl fii arɩ balɩa chɛɛŋ nɛ la sii Ahava lɩɩ-libe-la ba sɩ kpɛrɛ leriŋ dɩ la mʋ Jerusalɛm. La Wɩa nɩsɩŋ fa daŋ la lɛ nɛ, a pɔla a lɩɩsɛla dʋndɔŋŋɔɔ lɛ arɩ gaara-la sɩɩ faa wombiiŋ lɛ.

ƐZƖRA 8:32

Ŋɩɩ nɛ la mʋ yi Jerusalɛm, a wiesi nɩmɛ tapʋlaa batori.

NƐHƖMAAYA 2:18

Ŋɩɩ nɛ mɩ bʋla pɩba ŋɩɩ Wɩa naduo-la sɩ daŋ mɩ lɛ arɩ wɩɩ-la kuoro sɩ bʋla pɩmɛ. Nɩalɩŋ bʋl, “Leŋ la suomo paa jebii-la wasa sɩsaa.” Ŋɩɩ nɛ ba suomi tɩntɩŋ-zɔmʋŋ deeŋ.

NƐHƖMAAYA 2:8

Bɩra ŋmʋnsɛ teniŋ dɔŋɔ ma dɩ mɩ joŋo pɩ Asaf, nɩɩ-la sɩɩ beŋ ŋ duuŋ dɩ ʋ pɩmɛ doloo dɩ mɩ kaa ŋaa dɩ-duo-la sɩ hɛ Wɩa dɩɩ-bal-la boi-baalaa, a pɛ tabal-la kɛrɛ arɩ lee-la mɩ sɩ jaŋ jʋjʋʋ lɛ. A tɩŋ mɩ Wɩa naduo-la sɩ daŋ mɩ lɛ wɩaa, kuoro sɛɩ wɩalɩŋ kala mɩ sɩ pɩɛsa chɩchɛ.”

WƖA YƖƖLAA 80:18

Kɛnla bɩrɩmɛ a pɩla mɩɩ-falɩŋ, dɩ la bɩra sɩ́ ŋ harɩŋ mɩɩrʋ aŋ dɩdɛnnɩŋ.

AZAAYA 66:14

Dɩ ŋɩɩ nɛ ŋaa, ma tʋɔŋ jaŋ tɔrɛ dɩ ma jʋjʋɔsɛ a jigi a nagɛ yaŋ sɩ tɔsɔ. Ŋɩɩ nɛ ma jaŋ jɩŋ arɩ La TƖƖNA ka pɛ nɩalɩŋ sɩ sɛɩ ʋ niiŋ lɛ nɛ, aŋ yie dagɛ ʋ baanɩŋ ʋ dʋndɔŋŋɔɔ lɛ.