ƐZƖRA 7:24 - WƖA TENIŊ

²⁴ Ma bɩ wombii kɛnɛ dɩ ma laa lampoo nɩaa deemba teeŋ: Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, boi-pɔɔrɔɔ, Wɩa dɩɩ-bal-la tɩntɩnnaa koo nʋʋ na-kala sɩɩ tɩŋ Wɩa dɩ-bal-la lɛ.

ƐZƖRA 7:24 ပူးပေါင်းရင်းမြစ်များ

WƖAA DƖ-SUOMUŊ 47:22

Tintee-la dʋndʋŋa ʋ sɩ bɩ yɔbɔ nɛ ŋaa Wɩɩsʋllɩ sɩpaalaaraa tinteeŋ. Ijipiti tinteeŋ kuoro yie pɩpɩba kʋdiilee nɛ, ŋɩɩ nɛ tɩɩ ba-na bɩ ba tinteeŋ yalla.

WƖAA DƖ-SUOMUŊ 47:26

Ŋɩɩ nɛ Josɛf bil niiŋ deeŋ Ijipiti tinteeŋ kala lɛ dɩ ba tuto. Dɩ nʋʋkala nɛ ŋaa ʋ baga kɩaa, ʋ jaŋ kaa kpaa leree banɔŋ, dɩ kʋbala ŋaa Ijipiti tinteeŋ kuoro kʋa, ka kʋkaanaa ŋaa tɩɩna kɩaa. Arɩ jɩnɩŋ kala niiŋ deeŋ ha hɛ Ijipiti tinteeŋ lɛ ba tuto. Wɩɩsʋllɩ sɩpaalaaraa tinteeŋ dʋndʋŋ nɛ bɩ Ijipiti tinteeŋ kuoro kʋŋ ŋaa.

ƐZƖRA 4:13

Kuoro, ŋ bɩra maga dɩ ŋ jɩŋ dɩ ba nɛ saa tabalɩŋ deeŋ a wasɛ ʋ jebiee kala, ba bɩra bɩ jaŋ titiŋ lampooba. Dɩ ŋɩɩ nɛ ŋaa, ŋ lampoo moribiee jaŋ muuri.

ƐZƖRA 4:20

Jerusalɛm fa kɛŋ kuori duoruŋ sɩɩ beŋ Yufireti wɩɩjʋʋlʋŋ dɩɩrɩŋ tinteeŋ kala, ba tiŋ lampooba pɩpɩba.

ƐZƖRA 7:7

Atazɛzɛs sɩ dii kuoruŋ ʋ jɩsɩŋ balɩpɛ tʋɔŋ nɛ, Iziral tɩŋŋaa dɔnsʋŋ, a pɛ Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, boi-pɔɔrɔɔ arɩ Wɩa dɩɩ-bal-la tɩntɩnnaa to Ɛzɩra harɩŋ kɔ Jerusalɛm.

NƐHƖMAAYA 5:4

Dɔnsʋŋ ma ha bʋl, “La yie chɩŋ moribiee nɛ a tiŋ la bagɩsɩŋ arɩ la girep tɩɩsɩŋ bagɩsɩŋ lampooba a pɩ kuoro.

Matiu 9:9

Yesu sɩ lɩɩ lee-la aa vɛŋ, ʋ na lampoo laarʋ kʋbala baa yɩrɛ Matiu. Ʋ fa hɔŋ ʋ tɩntɩnnɩ-dɩa lɛ nɛ. Ŋɩɩ nɛ Yesu yɩrʋ a bʋla pʋ, “Sii to mɩ harɩŋ.” Ʋ sii a to ʋ harɩŋ.