18 Ŋ dɩ ŋ naambiiriŋ Juu tɩŋŋaa, jaŋ wuo kɛŋ warɩpʋla arɩ sɛlɩmɛ-la sɩ ka a ŋaa wɩɩ-la kala ma sɩ cho, arɩ wɩɩ-la sɩɩ tɔrɛ ma Wɩa tʋɔŋ.
Nɩalɩŋ sɩ beŋ tɩntɩnna-la ba wʋwasɛ Wɩa dɩɩ-bal-la kɛŋ wʋtɩtɩɩ, ŋɩɩ wɩaa nʋʋkala bɩ ba pɩɛsa chɩchɛ dɩ ʋ na ŋɩɩ ba sɩ kɛŋ moribie-la tɩtɩŋ.
Ama ʋ bɩ maga dɩ ba ŋmʋnsɛ moribie-la ba sɩ die niiŋ a bibil, bɛɛ wɩaa ba ŋaa nɩtɩtɩɩba nɛ.”
Kɛŋ moribiee deemba a yɔɔ nɛ-belliŋ, pie-belliŋ arɩ pie-bel-biisiŋ, a pɛ ba mɩaa Wɩɩsʋlʋŋ arɩ ba kʋnyʋalaa Wɩɩsʋlʋŋ kɩaa lɛ. Kpʋ kɩaa deemba a ŋaa Wɩɩsʋlʋŋ ŋ Wɩa dɩɩ-bal-la koruŋ nyuŋ Jerusalɛm lɛ.
Ʋ maga dɩ ŋ joŋ tɩntɩnnɩ kɩalɩŋ kala la sɩ joŋo pɩŋ a pɩ Wɩa Jerusalɛm lɛ, dɩ ba kaa tɩtɩŋ Wɩa dɩɩ-bal-la tɩntɩŋŋaa.
Dɩ nʋʋkala nɛ bɩ ŋ Wɩa wombie-la koo kuoro wombiee to, ʋ maga ŋ guu dɔgɩsɛ tɩɩna nɛ. Ŋ jaŋ kpʋʋ, koo ŋ kiru ta ʋ lɩɩ tintee-la lɛ, koo ŋ kɛŋ ʋ dʋa kala laa koo ŋ kɛnʋ tɔ bɩnɩŋ dɩa.
Má sɩ́ nɩyaara ŋaa, má hɛ doluŋ a jɩŋ wɩalɩŋ sɩɩ tɔrɛ La Tɩɩna Wɩa tʋɔŋ a ŋɩŋaaba.