ƐZƖRA 7:16 - WƖA TENIŊ

¹⁶ Ŋ maga dɩ ŋ paa warɩpʋla arɩ sɛlɩmɛ-la kala ŋ sɩ laa Babɩlɔŋ lɛ, arɩ Wɩɩsʋlʋŋ kɩalɩŋ Iziral tɩŋŋaa arɩ Wɩɩsʋllɩ sɩpaalaaraa sɩ joŋo pa ba tʋɔtɔrʋŋ lɛ dɩ ba kaa saa ba Wɩa dɩɩ-balɩŋ Jerusalɛm lɛ.

ƐZƖRA 7:16 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:17

Mɩ Wɩa, mɩ jɩma ŋ yie magɩsɛ nʋʋkala tʋɔŋ nɛ. Ŋ tʋɔŋ tɔrɛ nɩalɩŋ kala sɩ kɛŋ wʋtɩtɩɩ nyuŋ nɛ. Tʋɔpʋla arɩ wʋtɩtɩɩ nɛ mɩ kaa joŋ kɩaa deemba kala pɩŋ. Ŋ nɩaa ma kala sɩ hilimi daha tʋɔŋ tɔrɔ nɛ ba sɩ kɛŋ kɩaa kʋ pɩŋ.

1 IZIRAL TƖŊŊAA NAABARƖŊ 29:6

Ŋɩɩ nɛ ba nyɩŋ-nɩaa sɩpaalaaraa, ba doho doho tɩntɩnnɩ-hɩasɩŋ, laalɩyuori-hɩasɩŋ arɩ tɩntɩnnɩ-hɩasɩ-la sɩɩ beŋ kuoro dʋa joŋ kɩaa pa ba tɩtɩa chonuŋ lɛ.

1 IZIRAL TƖŊŊAA NAABARƖŊ 29:9

Nɩalɩŋ fa sɩ joŋ kɩaa pa arɩ tʋɔ-bala, ba tʋɔŋ fa tɔrɛ nɛ a tɩŋ kɩaa magɛ ŋɩɩ ba sɩ kaa kʋ pɩ La TƖƖNA, kuoro Devit ma tʋɔŋ faasa tɔrɛ woruŋ.

2 IZIRAL TƖŊŊAA NAABARƖŊ 31:14

Levi doho nɩaa Ɩmɩna nanʋala Kori nɛ faa pɔ Wɩɩpɔsʋŋ Boi-baalɩŋ. Ʋ nɛ ba fa joŋo hɛ ʋ lɩlaa tʋɔtɔrɛ Wɩɩsʋlʋŋ kɩalɩŋ ba sɩ kaa kʋ pɩ Wɩa. Ʋ nɛ yie bɩra kɛŋ kɩalɩŋ ma ba sɩ kɩɛsa kʋ pɩ La TƖƖNA arɩ kɩalɩŋ ba sɩ joŋo hɛ Wɩa nɩsɩŋ lɛ kpɩkpaa.

2 IZIRAL TƖŊŊAA NAABARƖŊ 6:2

Lɛɛlɛ mɩ saa ŋ dɩɩ-balɩŋ sɩ kɛŋ yɩrɩŋ nɛ a pɩŋ, lee ŋ sɩ jaŋ hɛ a kaa mʋ wuu.”

2 IZIRAL TƖŊŊAA NAABARƖŊ 6:5

‘A chɩŋ bʋa-la mɩ sɩ kɛŋ mɩ nɩaa Iziral tɩŋŋaa kʋ lɩɩ Ijipiti tinteeŋ lɛ, mɩ bɩ tabal kala lɩɩsa Iziral doho doho-la tʋɔŋ dɩ ba saa mɩ dɩɩ-balɩŋ dɩ ba zizilmi nɩmɛ. Mɩ bɩ nʋʋ ma lɩɩsa dɩ ʋ ŋaa mɩ nɩaa Iziral tɩŋŋaa sɩpaalaarʋ.

2 IZIRAL TƖŊŊAA NAABARƖŊ 6:6

Ama lɛɛlɛ, mɩ lɩɩsɛ Jerusalɛm nɛ dɩ ba chʋchʋɔlɛmɛ nɩmɛ, a lɩɩsɛ Devit ma dɩ ʋ bibeŋ mɩ nɩaa Iziral tɩŋŋaa.’

ƐZƖRA 1:4

Dɩ Wɩa nɩalɩŋ kʋŋkala sɩ hɛ yoŋ-baga lɛ nɩɩ chɛ pɛnɩŋ dɩ ʋ mɩɩra mʋ Jerusalɛm, ʋ dɩ nɩalɩŋ sɩ hɔnɔ hɛ dɔŋɔ maga ba pɛ ʋ lɛ a chɛ kɩaa deemba pʋ dɩ ʋ kaa mʋ saa Wɩa dɩɩ-bal-la Jerusalɛm lɛ: Hɔpʋla, sɛlɩmɛ, kʋdiilee, pʋsʋŋ arɩ tʋɔtɔrɛ Wɩɩsʋlʋŋ kɩaa.”

ƐZƖRA 1:6

Ba dɩ nɩalɩŋ sɩ hɔnɔ hɛ dɔŋɔ pɛ ba lɛ arɩ hɔpʋla arɩ sɛlɩmɛ, kʋdiilee arɩ pʋsʋŋ, kɩaa sɩ kɛŋ yuŋuŋ a pɛ tʋɔtɔrɛ Wɩɩsʋlʋŋ kɩaa lɛ.

WƖA YƖƖLAA 135:21

Má dɛnnɛ La Tɩɩna Zaayɔŋ lɛ, má dɛnnʋ ʋ jaŋ Jerusalɛm lɛ. Má dɛnnɛ La Tɩɩna.

2 Kɔrɩntɩ Nɩaa 8:12

Dɩ ŋ nɛ kɛŋ ŋ tɩtɩa hɛ dɔŋɔ dɩ ŋ joŋ kʋŋ pɩ nʋʋ, tɩɩna jaŋ laa kʋ-la ŋ sɩ joŋo pʋ nɛ, ama ʋ bɩ jaŋ laa kʋ-la ŋ sɩ bɩ kɛnɛ.

2 Kɔrɩntɩ Nɩaa 9:7

Nʋʋkala magɛ dɩ ʋ tɩa magɛ ŋɩɩ ʋ tʋɔbɩɩnaa sɩ daga nɛ. Ʋ bɩ maga dɩ ʋ ŋaa saka saka. Ʋ bɩ maga dɩ ʋ bɩɩnɛ arɩ baa fʋgʋ nɛ dɩ ʋ pɩ kɩalɩŋ. Nʋʋkala maga dɩ ʋ tɩa kɩaa ʋ tʋɔtɔrʋŋ lɛ nɛ, bɛɛ wɩaa Wɩa cho nɩɩ-la sɩɩ pa arɩ tʋɔtɔrʋŋ nɛ.