ƐZƖRA 7:14 - WƖA TENIŊ

¹⁴ Mɩ-na kuoro arɩ mɩ nɩaa balɩpɛ-la sɩ bʋl wɩaa a chɩchagɩlɛmɛ tɩmɩŋ nɛ dɩ ŋ mʋ a beŋ Juda arɩ Jerusalɛm a na ŋɩɩ nɩaa sɩɩ to Wɩa wombie-la ba sɩ joŋo hɛ ŋ nɩsɩŋ lɛ.

ƐZƖRA 7:14 ပူးပေါင်းရင်းမြစ်များ

ƐZƖRA 1:3

Dɩ ʋ nɩaa kʋŋ nɛ hɛ ma tʋɔŋ, a leŋ dɩ ʋ Wɩa hɛ ʋ teeŋ, dɩ ʋ mʋ Jerusalɛm sɩ hɛ Juda tinteeŋ lɛ a saa La TƖƖNA, Iziral tɩŋŋaa Wɩa, Wɩa-la sɩ hɛ Jerusalɛm lɛ, dɩɩ-balɩŋ.

ƐZƖRA 5:8

Kuoro, laa chɛ dɩ ŋ jɩŋ arɩ la mʋ Juda tinteeŋ sɛmɛ dɔŋɔ nɛ, lee-la ba sɩɩ saa Wɩɩ-balɩŋ dɩɩ-bal-la. Nɩalɩŋ kɛŋ tabɩaa sɩ jalɩa nɛ a sɩsaa a joŋ doloo hɩhɛ jebiee lɛ. Ba fɩɛsɛ sɩɩŋ nɛ a tɩtɩŋ tɩntɩmɩɩ-la ʋ mʋmʋ sɩpaaŋ arɩ ba sɩ dagɛ ŋɩɩ.

ƐZƖRA 6:12

A leŋ dɩ Wɩa sɩ leŋe ʋ yɩrɩŋ hɛ lee-la, yuo kuoru na-kala koo nʋʋ na-kala sɩɩ chɛ dɩ ʋ kɛŋ wombiiŋ deeŋ bɩrɩmɛ koo a chei Wɩa dɩɩ-balɩŋ deeŋ sɩ hɛ Jerusalɛm lɛ. Mɩ-na Daarus nɛ pa wombiiŋ deeŋ. Nʋʋkala maga ʋ to wombiiŋ deeŋ arɩ sɩɩfɩɛsɩŋ.

ƐZƖRA 6:8

Mɩ bɩraa pɩ ma wombiiŋ daha dɩ ma pɛ Juu tɩŋŋaa nɩhɩasɩ-la lɛ dɩ ba wasa saa Wɩa dɩɩ-bal-la. Chɩŋ-la kala ba sɩ jaŋ ŋmoo, ʋ maga ma lɩɩsɛ lampooba-la ba sɩ laa Yufireti wɩɩjʋʋlʋŋ dɩɩrɩŋ tinteeŋ nɩaa teeŋ a hɛ kuori dɩa dʋa tʋɔŋ a tiŋ ʋ kala, dɩ tɩntɩmɩɩ-la sɩ́ birigu.

ƐZƖRA 7:15

Ʋ bɩra maga dɩ ŋ pɛ paa hɔpʋla arɩ sɛlɩmɛ-la mɩ-na kuoro arɩ nɩalɩŋ sɩ bʋl wɩaa chɩchagɩlɛmɛ sɩ joŋo pɩ Iziral tɩŋŋaa Wɩa la tʋɔtɔrʋŋ lɛ, ʋ dɩjʋʋlʋŋ hɛ Jerusalɛm lɛ nɛ.

ƐZƖRA 7:28

Wɩa lahɔrɩmɔ lɛ, kuoro, ʋ nɩalɩŋ sɩ bʋl wɩaa chɩchagɩlʋ arɩ ʋ tɩntɩnnɩ-hɩasɩ-la kala sɩ ŋaa nɩduoruŋ tʋɔŋ tɔrɛ mɩ nyuŋ nɛ. Mɩ Wɩa pɩmɛ tʋɔ-doluŋ nɛ, mɩ wuo bʋl wɩaa pɩ Iziral tɩŋŋaa nyɩŋ-nɩaa nɩhɩasɩŋ jesiŋ ba to mɩ harɩŋ a mɩɩra mʋ Jerusalɛm.”

ƐZƖRA 8:25

Mɩ magɩsɛ hɔpʋla, sɛlɩmɛ arɩ tɩntɩnnɩ kɩalɩŋ kuoro, nɩalɩŋ sɩ bʋl wɩaa chɩchagɩlʋ, ʋ tɩntɩnnɩ-hɩasɩŋ arɩ kɩalɩŋ kala Iziral tɩmma-la sɩ joŋo pa dɩ ba kaa saa Wɩa dɩɩ-bal-la a pɩ ba.

ƐSƖTA 1:14

Nɩalɩŋ ʋ sɩ yɩra pɩɛsɛ yɩraa nɛ ŋ-la, Kaasɩhɛna, Seta, Adɩmata, Taasɩs, Mɛrɛs, Masɛna arɩ Mɛmukaŋ. Ba balɩpɛ nɛ ŋaa Pɛsɩa arɩ Midia tinteeŋ nɩbala-la sɩ kpagɛ kuoro tintee-la lɛ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

DANƖƐL 2:47

Kuoro bʋla pɩ Danɩɛl, “Wʋtɩtɩɩ, ŋ Wɩa nɛ Wɩa sɩ kɩɩ vesiŋ kala, a ŋaa kuoroo kala kuoro a kɛŋ wʋkpuŋkperisiŋ dɩdagɛ nɩaa, ŋɩɩ nɛ tɩɩ ŋ wuo dagɛ wʋkpuŋkpere deeŋ bʋbʋɔŋ ŋɩɩ.”

DANƖƐL 6:20

Ʋ sɩ kʋ kpagɛ naachigee dɩ-jʋʋlɩɩ-la, ʋ chele yɩrɛ, “Danɩɛl, Wɩa sɩ weye tɩntɩnnʋ, ŋ Wɩa-la ŋ sɩɩ chʋɔlʋ bʋa na-kala wuo laaŋ ta nɛ naachigee deemba niiŋ lɛɛ?”

DANƖƐL 6:26

Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu. Ʋ nɛ Wɩa sɩ weye. Ʋ nɛ hɛ nɩmɛ a kaa mʋ deeŋ deeŋ. Ʋ kuoruŋ bɩ jaŋ kɔ dɩ ʋ tele, ʋ doluŋ bɩ jaŋ dɛrɛ.

ZƐKARƖYA 6:10

Laa hɔpʋla arɩ sɛlɩmɛ nɩaa deemba sɩ lɩɩ yoŋ-baga Babɩlɔŋ lɛ a kɔ teeŋ: Hɛlɩdaɩ, Tobija arɩ Jedaaya. Tapʋlɩɩ-la tɩtɩa, mʋ Zefanaaya nanʋala Josaaya dɩa.